အခန်း ၈
“သူဌေး ပန်းရဲ့ Designမူကြမ်း သူဌေးကြိုက်မယ်လို့ မျှော်လင့်ပါတယ်”
စက် ပန်းကမ်းပေးသော စာရွက်ကို မယူပဲ နာရီကို ကြည့်လိုက်ကာ။
“ မင်း အိမ်ပြန်လို့ ရပြီ ပုပ္ပါး မနက်ဖြန် ခုနှစ်နာရီခွဲ အရောက်လာခဲ့ပါ မင်းရဲ့ Designမူကြမ်း Computerထဲမှာ ရှိတယ်မဟုတ်လား ငါ အဲ့ထဲကပဲ ကြည့်လိုက်မယ်”
“ ဟုတ်...”
ပန်း စက်ကို နားမလည်သော အကြည့်ဖြင့် တစ်ချက်ကြည့်ကာ စာရွက်ကို သူမ ခုံပေါ်တင်ထားခဲ့ပြီး သူမ ပစ္စည်းတွေကို သိမ်းကာ စက်ရဲ့ ရုံးခန်းထဲမှ ထွက်လာခဲ့သည်။ ထို့နောက် သူမ၏ ဖေဖေ ရုံးခန်းထဲသို့ ၀င်လာခဲ့သည်။
“ ဖေဖေ... ”
သူမ ဖေဖေလို့ ခေါ်လိုက်ပေမဲ့ ရုံးခန်းထဲမှာ မည်သူမှ ရှိမနေ။ ပန်း ရုံးခန်းထဲမှ ထွက်လာတယ်ဆို နွေမိုးစက်ကို တွေ့လိုက်ရသည်။
“မမလေးနွေ ဖေဖေ့ကို တွေ့မိသေးလား ဟင်”
“မမလည်း မတွေ့မိဘူး ပန်းလေး”
“ ဟုတ်... ”
ပန်း ပြုံးပြကာ အောက်သို့ ဆင်းလာခဲ့သည်။
ဒေါက်..... ဒေါက်......
ဒေါက်..... ဒေါက်.....
“မောင်လေး မမ ၀င်ခဲ့မယ်နော်...”
နွေ တံခါးဖွင့်ကာ စက်ရဲ့ ရုံးခန်းထဲသို့ ၀င်သွားလိုက်သည်။ နွေ စာပွဲပေါ်မှ စာရွက်ကို ကြည့်လိုက်တော့။
“ ဒီမူကြမ်းက ဘယ်သူဆွဲထားတာလဲ အရမ်းလှတယ် မင်း ဆွဲထားတာရော ဟုတ်ရဲ့လား”
ပြန်ဖြေသံ မကြား၍ နွေ စက်ကို လှမ်းကြည့်လိုက်တော့ စက် အောက်သို့ ငုံ့ကြည့်နေတာ တွေ့လိုက်ရသည်။ စက် အနားသို့ သူမ သွားလိုက်ကာ စက်ကြည့်နေတဲ့ အောက်ကို ကြည့်လိုက်တော့ ပန်းကို ကြည့်နေတာ ဖြစ်သည်။ နွေ ပြုံးလိုက်ကာ။
“ မောင်လေး စိတ်မချရင်လဲ လိုက်ပို့လိုက်လေ”
စက် သူမ ဘက်သို့ လှည့်လာပြီး။
“ မမ သူ့တစ်ပါးကို ထိခိုက်စေတဲ့ စကားမျိုး မပြောပါနဲ့ ကျွန်တော့်မှာ မိန်းမ ရှိတယ် ကျွန်တော့် မိန်းမကိုပဲ ကျွန်တော် ချစ်မှာ”
YOU ARE READING
♡ဦးရဲ႕ အခ်စ္ေတြနဲ႔ ေရွ႕ဆက္မယ္ ♡
Randomကေလး မရႏိုင္ေတာ့တဲ့ မိန္းမတစ္ေယာက္ကို လက္ထပ္ ေပါင္းသင္းမိလိုက္တဲ့ သူ႕ရဲ႕ အမွားကို သိသြားခ်ိန္ စက္ကြင္း ဖခင္ရဲ႕ မိုက္မဲမႈေတြေၾကာင့္ သိန္းတစ္ေထာင္နဲ႔သူမကို သူ႕တစ္ပါးလက္ထဲ ထိုးအပ္လိုက္ေသာ အခါ ပန္းပုပၸါး ေယာင္းမရဲ႕ ခ်စ္သူနဲ႔ မတည့္တဲ့ အခ်ိန္ေတြၾကားမွာ...
