البـارت الاول
المـشو بينا بصغرنا للمراجيح
جنايز للنجف بيهم مشينا
.
.
داخل حسن
سنه 1989
العراق - العمارة
زينه:-
.
.
.
گعدت اتمطط بملل على صوت امي تنده بيه
-لج گومي گعدي ساعه ثمانيه وبعدج نايمه؟
دفرت البطانيه بانزعاج وگمت ادردرم
-هسه اشتردين مني؟ انه ما صدگت اخلص
من المدرسه حتى انام تاليهه اتگعديني من الغبشه؟
-لج يا غبشه غير راح يصير الظهر گومي عاونيني محد موجود بس انه
راحت طلعت لميت الفراشات وطلعت لگيتهه
گاعدة اتريگ ابوي گعدت بصفه
-صباح الخير بويه هز راسه مبتسم
-هلا بويه صباحج نور مدي ايدج اكلي ويايه
گابلته وگعدت اكل واسولف وياه خلص امي
گامت اتسوي الغدا رحت شايله الصينيه وراهه
-يمه عمه وين جاا؟
-راحت للسوگ
غسلت الماعين ورحت انظف بين ما اجت
مرت عمي بدن يسون الغدا رحت يم ابوي
گعدت اطرز واسولف وياه
-بويه ضايج؟
-اي والله گعدة البيت متنحمل اخ لو ارجع لذيج الايام،
هزيت راسي بقهر گمت طلعت فرشه خفيفه
وطلعتهه بالحوش فرشتهه اخذت عدة التطريز
وصينيه چاي وطبيت جوة سحبت كرسي
مالته وطلعته برة بقينه گاعدين انسولف
ونشرب چاي للظهر ما حسينه بالوكت لحد ما
انفتح الباب وطبن رنا وايه لابسات صداريهن
مال المدرسه اجن سلمن وطبن جوة شويه
شويه واجوا الباقين طب جسام بعدة كرار
وانوب اجه عمي الدايح دفعني وگعد بمكاني
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
