البارت الثامن
منو انت و ليش ابجي عليك؟
انت نفسك الگلبي جان يرجف من يمر طاريك؟
اشو اباوع على روحي بالمرايا
متغير من وراك هوايه
السواد الجوا عيوني و الوجه الاصفر و الجسم الجنه سعفايه
.
.
بقلمي
.
.
لُجين:
-اكرم مات؟
حجيتهه بصوت يرجف و عيون تتوسل بالمقابيلهه حتى ما يرد ب أي
بس كسر كل رجائي لمن مسح وجهه بأيديه
و دنگ رافض يلتقي بعيوني
اجه عمي لزمني من جتفي يصبرني
سأله
- شلون اتوفى وشوكت؟
جاوبه بصوت خاوي
- لمن راح من بغداد بالطريق صايرله حادث
- ليش ما گلتولنه؟ مو واجبنه ندري؟
اباوع على عتاب عمي ورد سلطان و دماغي مشوش ميجمع
نسيت قهرتي بموته و اشگد جنت ادعي عليه
بس للأسف جنت ادعي ع روحي
كل الي ابالي المصيبه العافني بيهه
گمت رگض للغرفه قفلت الباب قبل لا يدخلولي
و گعدت ابجي بصوت عالي
بقيت اضرب على وجهي اندب حظي
- لك ليش رحت قبل لا اتحل مصيبتك؟ اكرم ما مسامحتك على تركك اليه هيج
بقيت ساعات بس گاعده و ابجي اشگد دگوا ع الباب ما فتحته
ساعه اتذكر ايامي وياه و ابجي
ساعه اتذكر الكارثه العافهه و الطم
شلون بيه؟ اشراح اسوي؟ يا ربي
سمعت صوت اذان الفجر گمت بجسم يرجف
من العصر ليهسه على هاي الگعده
رحت اتوضيت و فرشت سجادتي صليت
وبقيت گاعده ابجي و ادعي
للحظه اجه ابالي اخر يوم شفته جان عبالك ديودعني
جنه حس بروحه
لعد ليش راح و عافني هيج؟
صارله اسبوعين ميت!
ميت؟!
يعني هسه هو جوى التراب؟
مثل امي و ابويه
يسمعني اكيد اذا احجي وياه؟
حطيت راسي ع السجاده وابجي
- ما اسامحك اكرم لأن عفتني، طول عمري ما عندي حض ويه الاحبهم
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
