الوصيه

16

البارت السادس عشر

شَايف من يجن كلهن؟
لابيك التكوملَهن
ولابيك الترتبهن
حِزنِك ،خوفك،واَلضياع البيك
گلي شلون تحملَهن . .؟
.
.
مجهول

.
.
لُجين
.
.
حجيت بتلكأ

- بس انظفهه لأن صار هوايه متروكه

بسرعه حجت خالتي

- اي صحيح اليوم نامن جوا و من باجر لجين اتجهزهه الجن

محجن شي فرشنالهن جوه و خطيه خاله ابتسام الله يعينهه الليل كله راح تبقه مگابلتهن

ثاني يوم گعدت من الصبح لميت الملابس و نقلتهن لغرفه جسام

مسحت الغرفه و عدلتهه و خليت بس ملابس هذا الموسم و باقي الملابس و الغراض الما احتاجهن عفتهن بالكنتور و قفلته

نقلت سرير هتان بمساعده رنا

بحيث لمن اجه جسام و شاف الغرفه اتفاجأ

حجيت بأحراج

- اعذرني يوميه جايه بغرفتك، بس هن اصرن الا ينامن بغرفتي و اضطريت انقل غراضي هنا

بس يروحن عود ارجع

هز راسه مبتسم

- عادي اخذوا راحتكم اصلا انه الغرفه اطبلهه بس وكت النوم

طلعت فراش ردت افرش اليه بالگاع گال

- ماكو داعي انتي نامي ع السرير و انه ع القنفه

جاوبته

- لا ميصير هذا فراشك و اني متعوده على نومه الگاع

راح للقنفه اخذ مخده و انمطل عليهه و تغطه

رحت بتردد انمطلت ع الجربايه

الليل كله منمته متوتره من وجوده ويايه بنفس الغرفه

و هو يمكن نفس الاحساس بس يتگلب حسيته گام

و نوب يحجي همس

- تعبان رغد اريدن انام

ضحكت بسري

هاي ام بيته لو وحده ثانيه؟

رجع حجه

- عود باجر نلتگي روحي

سد السماعه

و بقه يتگلب

هتان گام ميگعد هلگد بالليل صار الفجر و نمت

گمزت على صوته جاي يطلع ملابس گمت عدلت شعري

و صبحت عليه نزلت جوه اسويله ريووگ

لگيتهن عجايز البين كلهن مجتمعات بالمطبخ

طب صبح عليهن و گعد يتريك

حجت عمته

- شلون اخبارك؟