البارت الرابع والثلاثين
ه
يه السنه المابيها انتَ
شبيها؟
روتين يمشي بلا طعم نگضيها
انتَ الحلاوة التنحسب للايام
وانتَ الاخطاء
النفتخر نحجيها
انتَ احلى شي صار بحياتي
ومااريد غيرك شخص
يتجرأ يطب بيها
.
.
.
مجهول
.
.
.
غزال
.
.
.
احتاريت وين اودي وجهي گمت اروحن يمنه و اجي يسرا
هو بس شافني بلا حجاب دار وجهه و راح للديوان بسرعه
من صدمتي و خوفي نسيت عليمن جايه صعدت ركض فوگ اتلفلفت بالبطانيه
و اتراجف عزا بعينج غزال شافج بحالتين وحده اتعس من الثانيه
هسه بعد يحلم يعتب لبيتنه ع هالمناظر الي شافهه
بيومهه حتى ما رحت للجامعه من المستحى بقيت نايمه بالفراش ما كمت
للظهر اجت امي جرت الغطا
-شني بس نايمه؟ شكووو شمالج؟ مو من عوايدج ما تنزلين تتريكين مرتين؟ مريضه
رفعت راسي و بطني گامت اتقرقر
- راح؟
-منو؟
- هذا مدري شسمه
- اي طلع من الصبح
- جوعانه سويلي ريوك و هسه انزل
هزت ايدهه و راحت نزلت جوا كمت نزلت وراهه
- بيضتين مو تنسين
حطتهه گدامي انه اكل و هي تطبخ الغدا
طب فهد گعد ع الميز سأل امي
-وجد بالدوام؟
جاوبته
-ايي
همهم وبقه صافن بالفراغ
اتذكرت ذيج المرا بالليل لمن دخل لغرفه وجد
ابتسمت بشر و صعدت فوگ افكر
هل يا ترى اكو شي بينه و بين وجد؟
لا مستحيل ترا هو مو مال هاي السوالف
بقيت محتارا اجه نسر من الدوام
طب للغرفه
-هاي شمالج اليوم ما داومتي؟
-مالي واهس
-شني بعدنه ببدايه الشهر؟
انداريت ضربته بوكس ببطنه عرفته شيقصد
جريته كعدت گباله ع السرير
-اگلگ نسر تتذكر ذيج المرا لمن فهد دخل لوجد بنص الليل
هز راسه بأي متحمس
كملت كلامي
-لازم نكشفهم بهاي الاجازه و انگل كلشي لأمنه حتى تنطينه اكراميه
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
