التاسع والثلاثون
وصوت النواعي يلوحني ويلتم باديّة
الصوت بي ريحة عيوني وبي هلي و وحشة مسية
هلي يامن ضيّعوني
.
.
.
عريان السيد خلف
.
.
.
سديم
.
.
.
گمت بفزه حجيت
- شنو ماكو؟
جاوبتي بصوت يرعد خوف
- يدورون عليه من الصيح ليهسه ماكو
حجيت ببجي و عياط
- وجد يعني وين راح؟
- ما ادري سديم ما ادري
-اخاف سوا شي بنفسه؟
- لا اسم الله عليه لتفاولين شبيج؟
بقيت ابجي و هي اتهديني بس شيهدي عقلي الي گام يصنع تخيلات بباله
ساعه اگول اتعارك ويه اهله و راح و صارله شي ساعه اگول لا يجوز هو جان يضحك عليه و هسه عافني
بجيت و بجيت و بقيت ايام انتظر جواب منه ماكو
ايست انو يرد عليه
دزيتله الف رساله اريد بس يگلي سبب تركه اليه المفاجئ بس ماكو
اخيرا خابرتني وجد بشرتني بمكانه
- طلع ملتحق
- ليش؟ مو توهه بدت اجازته؟
- والله ما ادري
- و هسه شنو؟
- عود لمن يلتحقون الولد يفهمون السالفه منه
سكتت و سديت الخط
مرت ايامي ثگيله و القهر الي بگلبي رجعني للحظه وفاه اجدادي
رجعت لنفس القوقعه بقيت ايام حتى اكل ما اكل
مگابله صورتهم و ابجي
- المن بقيت؟ اشو وحدي؟ محد يهتم اليه؟ ليشش؟
اندگ الباب مالي خلگ افتحه غمضت عيوني و بقيت اسمع دگته وراهه دگه موبايلي
گمت بخطوات ثگيله فتحته لمن سمعت صوت وجد
طبت تحجي بصوت عالي
- شبيج؟ صارلج اشگد ماكو؟ و ادگ عليج ما تردين
اندارت شافت شكلي و گمزت عاطت
- هاي اشصاير بيج يمعوده؟
مشيت گدامهه بخطوات ثگيله گعدت بأقرب كرسي بالمطبخ
و هي اجت وكفت على راسي اتصيح
- اكيد ما ماكله صارلج جم يوم مو؟
غمضت عيوني و هي اجت گعدت مقابيلي ع الميز
- يمعوده صدگ تحجين؟ تردين اتموتين نفسج؟
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
