الوصيه

7

البارت السابع

الطَعنه التوجعَك
مو من كُل بَشر مكُروه
من ذَاك العِزيز الرُوحَك ترِيدَه
.
.
عريان السيد خلف
.
.

لُجين:

وگفت بخوف من الي واگف گدامي

ما ادري اذا شارب هاي المره لو طبيعي

هيج وصلت لمرحله ما اثق بي!

اتقرب يحجي بهدوء عكس العاصفه مالتي..

- خلينه انسولف، انه سويت شي جبير وغلط رايد اصلحه

- ماكو شي يتصلح

بحركه سريعه منه گعد ع ركبته گدامي

لزم ايدي باسهه يحجي ويتوسل اول مره اشوف هذا الضعف

- اترجاج بس خليني اتصرف، والله راح اسوي اي شي تردي بس گولي حتلو ترديني اموت ميخالف بس خلي اصلح غلطي

دفعته بكل قوتي ارتد لورا گعد بالگاع ساند ايده ع الگاع يريد يگوم حجيت بصياح

- وخر عنيي اكرهك اتمنى تموت، والله راح اكون اكثر وحده فرحانه

گام طلع سلاحه خفت لمن شفته بأيده واتقدم عليه بسرعه

حطه بأيدي الي وجهه ع راسه

غمض عيونه والدموع تجري منهه حجه بصوت يرجف

- اذا موتي يريحج اصغطي عليه وكتليني يله

حكم قبضته ع ايدي الترجف و گام يشجعني

حتى اسويهه للحظه اجاني صوت يگلي سويهه

بس اتذكرت قانون عقوبه القتل!

حجيت بثقه

-ما اريد اگضي عمري بالسجن

فتح عيونه الي انگلب بياضهن للأحمر رد عليه

- ماشي انه اكتلهه لروحي

صحت بخوف

- مو قبل ما اتصلح مكسورتك

ذب المسدس بالگاع حجه فرحان

- يعني قابله؟

- زواج وهمي اسبوع واحد و نطلگ فهمت؟

هز راسه بسرعه مرات متتاليه

- ايي وعد الي تردي يصير بس انطيني مهله احاجي اهلي واجيبهم يخطبوج

طلع وطلعت وراه قفلت الباب

الدنيا تمطر سريع

فتحت شمسيتي وگفت انتظر السياره اجه هو

مغطى بالمي يحجي ويمسح بوجهه

- تعالي اوصلج، ياهو بهذا الوكت يطلع؟

باوعت عليه بطرف عيني و رجعت نظري للشارع

بقه يلح عطت بي

- لا عبالك انطيتك موافقتي معناهه صرت مسؤول عني، صدگني الموت اهون اليه من انو اكون وياك تحت سقف واحد