البارت التاسع والخمسون
أحَبك لچن ما أگدر
أحاچيك ..
وأگضي الوَگت كُله شلون بشلون
وبَس أصرف نَضر لمن ألاگيك
وعلى دَربك تِصد
وترف العَيون .
.
.
.
مجهول
.
.
.
غزال
.
.
.
بقيت گاضه روحي اسمع للأخير
اجاني صوت واحد منهم كال
- بهاي حقك
و من بين اصواتهم اجاني صوته مفرفح يحجي بحرگه
- بس اني ما اعرف بيهه؟ و انتوا ما گلتولي ذاك اليوم؟
رده ابوي
- اي هذا شي خاص بينه بس انه اضطريت احجي گبال هاي الوجوه
اتسالموا الزلم و اترخصوا و طلعوا رحت رگض اباوع من الشباك ورا البرده عليه
طالع مدنج يمشي سريع
ما اتحملت اكثر گعدت بالگاع ابجي بقوه
اجت وجد گضتني و رفعتني من جتفي
- اسكتي يمعوده راح يدخلون
انداريت عليهه
- شنو ذنبنه؟
سدت حلگي
- اسكتي حبابه لا تفضحين نفسج و نفسه
گومتني اصعد فوگ
بعدني ع الدرج و طب ابوي اسمعه يسولف وياهم
- انه كلت هيج حتى يرحون لا عبالكم الحجي صح
حجه عمي
- و ليش هيج تصدمني گبالهم؟
رد ابويه
- مو مهم المهم هسه راحوا و بعد ما يردون
قبضت ايدي ع المحجر و صعدت رگض
طبيت ضايجه بودي اگض كنان اگطعه بسنوني
اكيد هو منطي هاي الفكره لابوي حتى ما نتزوج انه و عاصم
بقيت گاعده افكر بطريقه اكتل بيهه كنان
بس بعدهه هديت و گكت افكر بعاصم هسه شنو شعوره؟
اكيد ضايج
دخلت على رقمه و شلت الحظر بتردد دزيتله
- انه مستحيل ارضا بأبن عمي
رأسا صارت مرئي و وراهه دگ
جاوبته يحجي بصوت مبحوح
- اعرف و متأكد منج بس الي قاهرني اهلج ليش هيج ويايه؟
- ما اعرف
- تدرين من العصر ليهسه اني و ابويه و گرايبي مطاحن لأن فشلتهم و امي اصلا ما تحجي وياي
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
