الوصيه

30

البارت الثلاثون

بلكي انموت

خلصنه العمر لچمات
محد يفهم شبينه
الوجع لاحكنه من كل صوب
حافظ حتى اسامينه
.
.
مجهول
.
.
.
سديم
.
.
.
باوعت على خاله زينه اشرتلهه تگوم ويايه

هزت راسهه و اشرتلي اجي وراهه

راحت للمطبخ صبت استكان جاي و فتحت باب الاستقبال دخلت و سدته وراهه

اشرلي هو بصوته العميق و حجه

- تعاي بابه اگعدي يمي

هزيت راسي و رحت گعدت بالتخم البصفه

جله صوته و حجه بعد ما شرل من الجاي

- انه حقيقتا رحت للمنطقه الي ببغداد و سألت على أجدادج و طلع حجييج صدگ

فگبل رحت لأمج استقبلوني اول شي بس لمن عرفوا انه من طرفج و حجيت الهم انو انتي شردتي من خالج الداعشي رجلهه لأمج گام يهويز و يتراجف گال اصلا احنه ما نعرف عنهه شي جذابه هي اول ما اخذهه خالهه خابرنه كال شردت و ما دام ما رجعت النه معناتهه احنه متبرين منهه

فركت وجهي مرات عديده حتى امنع دموعي من التساقط تعلن عن ضعفي

رفعت راسي ناحيته ضامه رجفه ايدي حجيت مصطنعه القوه

- اني ما اريد منهم شي بس اريد فلوسي و اروح اعيش ببيت جدو يمي الجيران كلهم خوش ناس و راح اكون بمأمن اكثر من بيتهم

باوع عليه بنظرات طويله بعدهه لمح شبج ابتسامه على شفته حجه بهدوء

- فد يومين بس يصير عندي مجال اخذج الهه و انتي الي تحجين وياهه و اذا رفضت تنطيج حگج نهددهه تصير محاكم

هزيت راسي

- شكرا الك عمو انت وكفت ويايه و صدگتني بالوقت الي اقرب الناس اليه تخلوا عني

- هذا واجبي بنيتي و مستحيل اشوفن احد ماكول حگه و اسكت و وعد من عندي اخذيهه من هاي الشوارب حگج يوصلج كامل

بقيت اشكره و گمت مرتاحه على مخنوگه

بطلعتي صادفت الولد سلمت عليهم و مشيت

صاح ارغد

- خايبه ام عطوب تعاي نشوفج

انداريت عليه مصدومه و هو لازم بطنه يضحك

- جاا خطيه غير عطوبج رادت تكتل حويتم المسيجين

صعدت الحراره لراسي و اباوع ع الباقين صايرين زرگ هلگد مضامين ضحكتهم

حجيت بعصبيه

- منيلي كفشه؟ جدك يبالغ

صاح صوته من ورايه