الوصيه

5

البارت الخامس

وداعت عيونك الي اعزها
  يوميه اكتتب رساله
و ماوادزهه
.
.
مجهول
.
.

لُجين :
.
.
.

گعدت من النوم ع صوت المنبه طفيته ورحت للحمام

اغسل و ابدل لبسي

وراهه اتوجهت للمطبخ لگيت عمي و مرته

يتريگوون صاحولي وياهم جاوبتهم

- تسلموون، متأخره

طلعت اتمشى لراس الشارع اخذت كية

نزلت يم جامعتي بيدي احد كتب القانون

اقراه واني مبتسمة باوعت ع ساعتي بعدلي ثلث ساعه

اتمشيت بيهه للحديقه شفت صديقتي واكفه

تنتطرني شافتني اجت تمشي بالكوه بسبب

تنورتهه الضيقه الي توصل لحد ركبتهه

وياهه قميص صيفي بردن شبه شفافه

وشعرهه الاشقر الواصل لحد وركهه يتطاير وراهه

وصلت لعندي وحظنتني مثل كل مره وهي اتسلم بحراره

ولا كأنو البارحه متشاوفات

- حبيبتي لجونه شلونج؟!

جاوبتهه بأبتسامه بسيطه ع ملامح وجهي

- الحمد لله، وانتِ شلونج؟ شخبار الامتحان مال يوم؟

افأفت ونفخت خدودهه المدوره بضجر وهي تحجي

- خليهه سكته مگدرت اقره كلشي ما فهمت،

هزيت راسي وصفگت ايد بأيد

- لو اتموتين هاي المره ما انطيج غش لأن دكتوره سعاد وحده شديده وحتلگفهه هي طايره

لزمت ايديه بين ايدهه وهي تتوسل

- حبابه بس هاي المره ووعد اشد حيلي

نفخت بوجهه بضجر شفت ممثل الشعبه جاي بأتجاهنه حجيت بمكر

- اطلبي من لؤي لأن هو معجب بيج وراح ينطيج حتى ورقته

جرت شعري القصير وهي تحجي بغل

- لئيمه

اجه سلم علينه ردينه اثنينه بنفس الوقت

بقه واكف شافهه مبوزه جر بوش وراح كمل طريقه

دخلنه للأمتحان وهي تتوسل بيه اگعدهه بصفي

هزيت جتفي بأصرار ورحت گعدت اول رحله

باوعتاي بعين الغضب وراحت گعدت يم لؤي

الي عرض عليهه مساعدته بدون ما اتگله حتى

خلصنه الامتحان وطلعت فرحانه بأجاباتي

واني اگلب بالكتاب