البارت الخامس والثلاثون
مالي قسمة بـ كلشي ، چا ظلت عليك ؟
.
.
.
مجهول
.
.
.
وجد
.
.
.
اندار فهد يحجي وياه
- وگعت ما جاي تگدر تمشي
جاوبه ابوي
- هسه اتصير زينه تعاي وجد اريدن احجي وياج
باوعت على فهد بخوف و هو هزلي راسه يطمني
نزلت گعدت يمه بالغرفه
اشر لفهد و امي يطلعون و سدوا الباب
بقينه بس انه و ياه بالغرفه و صوت دگات گلبي هي التارسه الغرفه
باوع عليه و حجه
- الي گالته امج صحيح؟
دنجت راسي اعض بشفتي اتراجف
هزيت راسي ب أي
و هو جر نفس و رد
- تدرين من يوم ما جنتي ببطن امج جانت اتگلي بتي لأبنك جنت اضحك و اماشيهه بس ما اتوقعت و لا واحد بالميه حجييهه يتحقق
رفعت راسي اباوع لعيونه الي حاظنتني بعطف
- كل يوم اتكبرين گبالي اشوفج شلون اتصيرين اتشبهيهه اكثر و أكثر حتى لمن خطبج ذاك ما جنت راضي بس لخاطرج رضيت بس هاي المرا اكلج انه اكثر واحد مكيف بأختيارج لأن اعرف ابني راح يسعدج و مستحيل تلگين عيال مثلنه مو؟
كمل كلامه بضحكه و انه ادموعي مدري شبيهه كامت تجري
گام عليه جرني لناحيته باس راسي يمسح دموعي
- اوعدج ما راح اخلي فهد ينزل دمعه من عيونج احرگه هو وجده السابع
ضحكت و هو يلطف الجو
طلعت مرتاحه حمل و انزاح عني
اتلگاني فهد يسأل هزيت راسي براحه و ما جاوبت
صعدت نمت و العصر اجت سديم سولفتلهه كلشي و هي متحمسه اكثر مني
- الله كون يوم الألي
- امين انه هم اتمنى من كل گلبي الثلجايه يباوعلج و يشوف هالجمال هذا
جرت نفس و باوعتلي
- تتوقعين هتان ينعجب بوحده هيج شكلهه و هو هيج؟ فرق من السما للگاع
- يمعوده لا تستهينين بروحج انتي مو اتضحكين عليه و اتكولين شلون هذا جمالج باوعتي على فهد؟
- لا ترا اشاقه فهد اشناقصه اشو خلقه و اخلاق
- جاا انتي اشناقصج؟
غمضت عيونهه
-الله كريم ان شاء الله يكتبلنه الاحسن النه
-امين
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
