البارت الرابع عشر
شلَونچ بالتراب ؟
هيجَ بصورتچ ضليت احَاچيِها،
المفِروض الورد يَندفن بالبسَتان
شجابچ عَلكبور شعرفج بِيها؟
.
.
مجهول
.
.
زينه
.
.
بس سمع سلطان طلع يرگض و امهه اتدگ و تلطم اريدهم يسكتن ماكو
و محد يطمنه بقينه انروح و انرد اجن البنات من الدوام
حطيت عباتي ع راسي و رحت الهم اتذكرت وجد خطيه
الباب جان مردود دخلت للهول جتي ادك بابهم
و اجاني صوت نسوان يتحاجن
- اذا اهلهه دروا رجلهه دفعهه شيخلصنه من اخوهه؟
ردت عليهه امهه
- لا ان شاء الله محد يدري بس سدن حلگجن
شويه سكتن و دگت الباب اجت جنتهم فتحته و وجهه اصفر
حجت بتوتر
- اتفضلي
جاوبتهه بوجهه ثگيل
- انطيني وجد احطهه يمي
طلعت ام محمد العار
- ها حبيبيه سمعتوا شي عن رقيه؟
- ادعي ميصيرلهه شي وتطلع منهه سلامات لأن سلطان ما اظن يعوف الجان السبب عايش
عگدت حاجبهه و جنهه فزت حجت
- قابل ياهو وياهه هو يمكن جان اكو ماي ع الدرج و زلگت رجلهه
- درجكم صبه شلون تزلگ منه؟
اصفرت وجوهن اخذت وجد و طلعت لبيتنه
حالفه بس يجي سلطان اگله ع السمعته
بقينه كلنه منتظرين خبر لليل دخلوا وياهم تابوت
شافته امهه انهارت گامت اتصيح
- هذا مالمن؟ ولكم مني هذا؟
رگض سلطان اخذهه بحظنه يبجي و يصيح
و هي انهارت گامت تضرب بي ع صدره
- ولك ليش هيج اخوتك يرحون گبال عينك و ما اتسوي شي؟
لحظات البيت انگلبت بي القيامه بدت الناس تجي و الخبر طش بسرعه
روحه رقيه اذتنه كلنه لأن جانت اكثر من اخت بالنسبه النه
طول ايام الفاتحه حاطه بتهه بحظني وابجي
الناس اتطب و تطلع وانه بس الشي السمعته بيومهه يدور ببالي
سلطان ما لمحته ابد اصلا انه الي ما ادري اذا هو اجه لو لا بالي مو يمه
اباوع على ايه گاعده بزاويه و بس تبجي
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
