البارت الواحد والخمسون
حَبيت و بعد
خَلي الظلام يزود
شما تِكبر الظلمة
أذكر عِيونك سُود
هوَ العنده
مِثل عيونك شمحلاه
ضگت خَدك
و عِفت العَنب و العَنگود .
.
.
.
مجهول
.
.
.
صبا
.
.
.
غمضت عيوني وما احسيت الا
بالمستشفى وامي تبجي فوگ راسي
شافتني صحيت رگضت عليه اتبوس بوجهي
- هاا يمه شلونج ؟ شتحسين؟
ماجاوبتهه درت وجهي وهي تحجي وتبجي
- يمه صيري زينه وخابري ارغد يجي يخطبج هذا اخوج اتحلف بيج ماراح يعوفج بحالج
بقيت ساكته ما احجي اجت الممرضه تسأل ع الضربه باوعت لأمي تتوسل بيه
حجيت بالگوا
- وگعت
ما صدگت بس راحت ما بيدهه شي
سجللولي خروج طلعت شفته
واگف درت وجهي وگلت الامي
-يمه گليليه ما اصعد وياه
جاوبني وهو يجر بيه وراه
-سدي حلگج وامشي منا العالم خليني ساكت
صعدت والطريق كله ساكته وصلنه قريب
الفرع شفت سيارة ارغد خفت بسلا يهد
على اخوي وصلنه قريب البيت شفته يفتر
باوع عليه لمن شافني اتقرب وانه ارجف
حجه ويه اخوي وروحي راحت اسمعه يگله
- تعرف بيت ابو فوزي هني؟
اتنفست براحه وجاوبه اخويه
-لا ما سامع بيهم
دخلتني امي وسدت الباب اجت عليه
وحجت وهي گاضتني اتمشيني
-هذا ارغد مو؟
هزيت راسي بأي ورحت للغرفه لگيت
موبايلي داگ بالعشرين مكالمه دگ جاوبته
-هاا ارغد
بسرعه حجه
-بالعباس لوما اجيبلج الفضيحه الا اخلي يخيس بالسجن هذا الحيوان هيج مسوي بيج؟
بقه يحجي بعصبيه ويغلط اخر شي صاح
- لمن گتيلي مريضه جان ضاربج مو؟
حجيت بتعب
-اي
سكت اتنهد ويستغفر گال
-صيري زينه هاي الايام اجيبن اهلي واشوف يا كلب ميقبل، هو شگ راسج مو؟
بسيطه اذا ما اشگ راسه فلا ارتاح
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
