الوصيه

20

البارت العشرون

حتى إذا ترجع بعد ترجع
        غريب
.
.
مجهول
.
.
لُجين
.
.
انصدمت من كلامه انتجيت ع الحايط اسمع

جاوبه سلطان

- انت ما مسوي شي غلط هي مرتك و انت احگ بيهه و اكرم الله يرحمه هي ما جانت مرته الا جم يوم صارت ع ذمته و ما جانت اتباوع بوجهه

- ما ادري گمت اكره روحي خصوصا لمن اتذكر انو انه ماخذ مكان اكرم بحياتهم

- كتلك جسام انت طبيعي هيج اتسوي هي حرمتك و بذمتك و وياك نفس الغرفه من الصح انو اتفكر بيهه، اگعد وياهه و سولفلهه عن مشاعرك

- ان لمحت الهه و اعتقد فهمتني ما ادري بعد اخاف تفهميني غلط و اتفشل

- ليش اشگالتلك؟

سولفله عن الدار بينه ذيج الليله

بقيت محتاره بموضوعه انقهرت من كلامه طول عمري اني سبب اذيته من لمن داس ع روحه حتى يتزوجني و هسه بمشاعره

ما سمعت بقيه كلامهم طبيت جوه گبل بفراشي رجعت اتگلب

و احس طابوكه نايمه عليه

طب ورا مده نام بفراشه بقه يتگلب ما نام وترني و هو اتوتر

ثاني يوم سويت الوضع طبيعي و هو كذلك

خلص قررت هو يجي و يواجهني

بقيت انتظره يحجي بس ما اتطرق ابد ف اتناسيت السمعته و شلته من بالي

مرت الايام و الاشهر و ما صار شي جديد

ردت شويه احركه لأن مليت من تمثيله

بيوم واكفه انتظره بباب المحكمه لان دگ عليه

اجه زميلي بقينه واكفين انسولف على قضيه صارت ويانه اليوم

اتعمدت لمن اشوف سيارته جايه اضحك وياه

دك هورن سلمت عليه و رحت صعدت

طول الطريق ساكتين و اباوع على قبضه ايده ع الاستيرن طالعه شرايينه

طبينه للبيت صعدت فوگ اطلع ملابس اسبح صاح

- لجين اريد اتزوج

انداريت عليه بأستغراب

- هاا؟ ليش؟

هز راسه

- اي مو كلتيلي اتزوج

- انت تمشي بكيفي قابل؟ سوي اليعجبك بس اني ما اعرف وحده بالمواصفات التريدهه

بقه يباوع عليه و رجع كمل

- راح اثق بأختيارج مهما يكون انتي راح اتصيرين شريجتهه فاختاري التعجبج

- اني ما عندي و لا ادخل نفسي اتريد امك بس اتگللهه من عين باجر تخطبلك هي متحلفه الك و لسلطان