الوصيه

43

البارت الثالث والاربعون

غير افتهم شتريد روحي أم ألف راي
‏تعطش واجيب الماي وتگلي مو ماي؟
.
.
.
مجهول
.
.
.
ارغد
.
.
.
رحت للسوگ كالعادة رناوي متگدر تگعد مرتاحه اذا ما كربت

هسه هي لو بس تتعلم من زينه الشغله الوحيدة الي بيهه زينه لمن يجي فهد من الدوام

اشو متخلي يتحرك منا ليغاد

وفوگاهه الوقت كله مدللته وفنه الي طلع صوت وفهيدان نايم تگلب عاليهه واطيهه 

اشو انا اول ما اجي بس اول يوم عزيز

ونوب اتصير بالنعل ،رحت على ام ستوري سلمت عليهه وگعدت يمهه

"هلا خاله ام ستوري بايگ القوري شلونج شخبارج بناتچ شلونهن انشاء الله مرتاحه"

ردت عليه بوجه بسوم وطيب نيه

-الحمدلله وليدي زوينه الله يسلمك انت شلونك؟ شوكت نزلت؟"

جريت تفاحه وبديت اكل بيهه وانا اجاوبهه بحزن

- البارحه حجيه اجيت وبس البارحه رناوي انطتني استراحه اليوم من الصبح بدت تكرب عليه وما خلتني اطلع الا اغسل امواعين واودي جهالهه للمدرسه وهذا ابويه لا يحل ولا يربط ساطرته سطر بالسحورة انا خايف لا يصيرله شي ياهو الي بعده وانوب هو حتى البيت مسجله بأسمهه

باوعت عليه بقهر وبدت تحجي وهي ادگ على رجلي

-لا تخاف وليدي اتهون وانشاء الله الله ينصرك اعلى مرت ابوك الظالمه بحق مظلوم كربلا وانت اجرك عند الله جبير عبنك بار بابوك ومتگدر اتعوفه وحيدة وايديك يتوزنن بذهب لانهن يساعدن الوادم الي اتهجرت من بلدهه من ورا الدواعش

بعدني گاعد اخذ مسواگ منهه وشفت 

معتز اجه صوبي بوياي انا رجولي گامت

ماتعيني بس لا تشهرني بنص السوگ وتگول

انا ذبيت نعالهه بالزبل اجت سلمت اعلى ام

ستوري وبدت اتلگط مسواك وما انتبهت

اليه الحمد لله انطيت الفلوس للمرا وفلتت

بريشاتي لمن شفتهه اندارت وشافتني وبقت

تخزر بيه ، رحت اتمشى واسلم اعلى اهل البسطيات جماعتي اشو هاي تمشي وراي

بس لا تلحگني؟ بقيت افتر وهي وراي نفذ صبري وحجيت وياهه بعصبيه

-خيرج شكو اتلحگيني ؟ بس لا تردين تاخذين حگج علمود شحاطج المگطعه؟"

فتحت عيونهه بصدمه وهي تتنوع عليه بأستهزاء

- منو حظرتك ولا صغرا بيك ؟ اها اتذكرت انت الي انظربت بشحاطتي المگطعه ، جاا اشگد رخيص حتى اضربك باقدم شحاطه عندي!