البارت التاسع والعشرين
احب اگعد لوحدي
هواي
وليگعد لوحده
هواي ماينسه
ترا الكدامكم خاسر
هواي اشياء
واخر شي خسر نفسه
.
.
.
مجهول
.
.
شنو؟ هذوله ولد عم ارغد؟
ما شاء الله العيون الزرگ و الشكل الجميل
ركضوا عليه يحظنون بي و يتطمنون عليه
حجه ابو عيون
- لك حيوان صارلنه اشكم يوم ميتين خوف عليك و انفكر شلون انگل لأهلك و تالهيه عايش؟
ضحك ارغد بصدمه
- يعني اهلي ما يدرون؟
هزوا راسهم ب أي
توقعت حيتطمأن لان ما مخوفهم بس صار العكس
اشو هذا عاط
- وانه منتظر طبه رناوي و كرار يهلهلون و يبجون فرح عليه جيف عايش و انتم كتلتوا هاي اللحظه؟
جاوبه الثاني
- جاا غير خالتي تموت اذا درت بيك؟
كام يولول و يسولف حجه وياهم عاصم و سلم عليه و هم بقوا يتشكرون من عنده
اشر ارغد عليه و حجه
- هاي صاحبه الفضل بأنقاذي
انداروا عليه عاگدين الحاجب رد هو كمل
- ايي هي الي حررتنه من داعش هي و ذاك الدعوشي الشريف
- شلون؟
گعد يسولف شلون طلعنه و شلون هو جان مصوب و اكيد ضاف بهارات من عنده
اتقدموا عليه يتشكرون مني
- احنه ما نعرف شلون نتشكرج
أشرت بأيدي بلا
- لا لا هذا واجبي
اجه عاصم حجه وياي
- تجين اجر الج فندق؟ تباتين بي اليوم؟
باوعت عليه بحرج يعني ما اعرف شلون اوصل اله انو اني ما اكدر
بقه يباوع حجه
- اذا تردين اي مكان اوديج اله؟ يعني معارف شي؟
بقيت صافنه افكر ما عندي احد و كرايب اجدادي مستحيل اروح الهم اكيد حيگولون لأمي على مكاني
- لا ابقه هنا اليوم
- ليوين؟
عضيت شفتي متوتره
- لحد ما الكه طريقه اخذ بيهه فلوسي
- جان اخذتج يم احد اعرفه بس ماكو عندي هنا
ابتسمت
- لا عادي
- بكيفج باجر من الصبح اروح لأهلي و اخذج وياي تبقين بين ما تحلين سالفتج
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
