البارت التاسع
بَعـد يـاهَـو اليِكلي شبِيك
زعلان ويشـاقَيـني ويكـلي
دمـوعّي تَسوة
وبعد ياهو اليـكـلي شبـيك
مهمـوم
ويحسسنـي حَتـى أخـزاني
حـلـوة
يـاهو من الرسـايـل يـدري
مخنـوك؟
الـ من أتـعـب ضحكـته تصَير
تجوة . . .
.
.
محمد الطالقاني
.
.
زينه:
.
.
صارت لحظه صمت قاتله بكل المكان
واحد يباوع بوجهه الثاني بأستغراب
گطع السكوت عمي بصياحه
- شنييي؟ شلون؟؟
حجه سلطان اخيرا
- البت حامل بأبن اكرم
اباوع ع الوجوه كلهه مصدومه عدا جسام و سلطان و امه فجأه راودني الفضول شني علاقه جسام؟
حجه كرار
- يعني شلون؟ اكرم مستحيل يسوي هيج شي
جاوبت امه
- لا ابنه خوما البت اتجذب؟!
حجه عمي
- جذابه شني دليلهه؟! جان حجى اكرم، و بعدين هاي البت مو شريفه شلون تنطي نفسهه گبل العرس
گطع سلطان حجيه المسموم و جاوبه بحزم
- البت خوش بنيه انه جنت ناوي ما اگولن السالفه بس مادام بيهه سالفه شرف راح احجي المضموم
صفن يباوع ع امه و كانه منتظر تأيدهه و رد باوع لجسام الساكت على غير العاده
كمل كلامه او بالاحرى الصدمه الي اتبعت الصدمات الگبلهه
- اكرم گبل لا يخطبهه للبت اعتده عليهه،
گطع كلامه كلنه لمن صحنه بشهگه.
- شلووون؟
هز راسه بأيجاب
و ابوه صاح
- يعني الولد ابن حراام؟
سلطان: اشكر ربي اكرم گلي گبل لا يموت جان كلنه دخلنه بخطيه البت المسيجينه الي داست ع كلشي و قبلت تتزوج مغتصبهه حتى تستر ع روحه مع انو هي محاميه و تگدر تاخذ حگهه بالقانون بس مارادت تتلطخ سمعه اهلهه حتلو ميتين الصراحه الله يرحمهم ع هيج تربيه مرا بميه زلمه
كملت امه الصدمات
- و قررنه انو الولد راح يتسجل بأسم جسام حتى ما تنجاب لا سمعته ولا سمعه اخوكم لو البت بالشين
رقيه :شلوون يعني؟
عمتي: انجيبهه هني و ع الاساس وحده ثانيه مو نفسهه خطيبه اكرم و عاقد عليهه انعوفهه يمنه لحد ما اتجيب و انزوجهم صدگ
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
