البارت السابع والخمسون
وعَاونتكِ ، عَلي مِن شَفت
عُذرك خَاب قنعّت النَفس
كُلتلها يتغَير لا كَصرك
طَول لا فَاد بيك الطيب .
.
.
.
مجهول
.
.
.
سديم
.
.
.
دخلنه شهر الرابع من سنه ٢٠١٧
و وصلت لشهري السادس بالحمل
ما قبلت اروح لدكتوره و اعرف شنو بيه منتظره يجي هتان
الي طولت جيته هاي المره
خابرني و بشرني انو رجعته قريبه
بديت اسوي حمله ع البيت الي هاي الفتره مهمول
من جهه حملي و من جهه الدراسه خلني اتعاجز اسوي شي
نظفته كله من فوگ ليجوا و عدلت كلشي و طبخت اكلات. و حلويات حظرتهن
و بيوم جيته گعدت من الصبح منتظرته حتى للكليه ما رحت
لحد ما اندگ الباب احس كلبي دگ وياه
نسيت ثگلي بسرعه گمت طايره فتحته
و اول ما طب جريته حظنته بكل قوتي و هو
يبوس بجتفي و راسي يضحك
- صايره حلوه لايگلج الحمل
باوعتله و لزمت وجهه بحزن
- و انت ضعفان و صاير اسمر
- بس لا صرت مو حلوو؟
ابتسمت و اني ادخل جوا لازمته من خصره
و هو محاوطني بأيده حجيت
- تبقى احلى شخص شافته عيوني
راح يسبح و زين و اجه اتغدينه
طول الوقت اباوعله احسني اريد احفظ كل تفصيله بي اخزنهه بوقت روحته
باوعلي و ضحك
- شني هسه جيف صرت نظيف كمتي تاكليني بنظراتج؟
دنجت اكل و محجيت
خلصنه و راح نام
لليل يله گعد رحنه شويه لبيت اهله و رجعنه
اتفقنه ثاني يوم نروح للدكتوره
رحنه العصر جنت حاجزه شويه و دخلت فحصتني و ابتسمت
كالت
- مبروك ماما بيج توأم ولد و بنيه
باوعتلهه بعيون دامعه فرحانه
- صدگ؟
هزت راسهه و اشرتلي ع السونار
- شوفي هاي گدامج هذا الولد و هاي البنت
ابتسمت و طلعت متحمسه ابشر هتان الي جان واگفلي برا
صعدنه بالسياره و انطيته ورقه السونار
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
