أنه أخرس والوكت ينرادله صَياح!
.
.
مجهول
.
.
لُجين
.
.
انداريت مفزوعه شفتهه لجين حاطه خاولي ع راسهه
بعدهه ما فاكه حلگهه و رحت ارگض لجوا ع صوت العياط
جانت رقيه تبجي جايتهه الام الولاده
اخذهه سلطان بسيارته وياهم امه و ابوه
بقت للصبح بالسته يله اجوي
دخلهه سلطان متجيه عليه وامه شايله بتهه
التمينه عليهه انباوع بوجهه
حجت ايه
- اووي فدوا اشگد حلوا مبينه
جاوبتهه انه
- الحمد لله جنتي اتخبل راح تطلع
صاح جسام
- هجم بيتجن ع هالجذب هي غير لحمه حمرا كلشي ما مبين منهه
اتگرب عليهه و صاح بشهگه
- حشى تشبه ابوهه
گامت رقيه تجت ظهرهه ع الحايط
- اشوو انطونياهه خلي اشوفهه
انطتهه الهه رنا اخذتهه لحظنهه تبوس بيهه و تبجي
خطيه انتظار عشر سنوات الله جازاهه بثمره حلوه
حجت ببجي
- راح اسميهه وجد
حجه كرار
- حلوو مبارك عليج خويه ان شاء الله تربه بعزج
كلهم باركولهه و انطوهه فلوس
بس اكيد اثگل هديه مال سلطان
اتگرب شالهه وحط صفته مال فلوس
حتى هي ما رضت گالت
- شني السالفه خويه هواي ذني وگفتك وياي بالمستشفى كافي
ضحك باسهه و انطاهه الهه
- تدلل جنتي من هسه،
ضحكت و جاوبته
- و الله اشفايتلي و صدگ اتصير من نصيب فهد هذا ابنك بعد و ماكو داعي نعرف شلون راح اتصير تربيته
جبت فهد اشوفهه اله جان عمره سبعه اشهر بالگوا يگعد وحده
بقه يباوع عليهه مستغرب
هدوء و كلنه واكفين انباوع عليهه فرحانين اكثر من رقيه
ما انحس الا عيطه هزت المكان
اندارينه طلعت ليال ام سنتين كامت تبجي و اتجرجر بأمهه
شالهه كرار يبوس بيهه اخذاهه و طلع وراهه كلهه طلعت خليناهه ترتاح خطيه
العصر اجوا عيالهه سمعوا بالخبر هم اصلا جيرانه
گعدوا يمهه رجلهه و امه اجت ايه معدله روحهه و حاطه كحل عرب
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
