الوصيه

4

البارت الرابع

    عيَونك
جَن صلاه الليل
بيهن يسِتلذ بس اليحِب

            اللُّه
.
.
مجهول

زينه:-
.
.
حسيت بي گعد بصفي ع السرير كض وجهي

بأيده دايرني عليه زفر هوا ريته وحمحم يحجي

بهدوء

-گومي خلي نتعشى

فتحت عيوني لمن گام من صفي راح للحمام

طلع شعره ينگط مي شال الصينيه

وحطها جدامي

اشرلي امد ايدي وانه مدري شبيه

ولا عبالك هذا سلطان الاعرفه خايفه!

سوا لفه صغيره وانطانياهه لمن شافني صافنه

بدا هو ياكل وينطيني لحد ما شبعت گمت غسلت

ورحت بسرعه دخلت بالسرير اتلفلفت وغطيت حتى راسي

سمعته گام راح للحمام وراهه طفى الضوا

وانمطل بصفي

غمضت عيوني بكل گوتي خايفه يشوفني گاعده

جانت مشاعر الخجل هي المسيطره الاكبر

تندى بصفي ورفع الغطى عن راسي

بدا يهمس بكلمات اتطمني

.
.
.

ثاني يوم رجعنه للبيت استقبلونه بالهلاهل والذبايح

دخلت جوا ولگيت الگرابه كلهم هنا علمود عزيمه الغدا

طبيت وصرت من ايد لأيد كلساع وحده

جارتني اتبوسني واتباركلي

اجت امي سحلتني ع صفحه وبدت تسألني

وانه بس اهز براسي

اخيرا حلوني لمن شافوا سلطان والانظار كلهه راحتله اتباركله

اسحبت بهدوء وصعدت فوگ بدلت ملابسي

بدشداشه خفيفه وشمرت روحي نمت بعمق

گعدت ع ايد ايه اتهز بيه فتحت عيوني افرك بيهن من النعاس

اريدن اشوف عدل

حجت هي

- وج انزلي كلهه منتظرتج صبينه غدا

هزيت راسي وحطيت المخدا عليه

- ما اريدن عوفيني

سحلت الغطا مني وحجت بعصبيه

- ولج گومي لا اصيحن امي الج، ترا هاي العزيمه ع شرفج مدام شلون متحظرين؟!

گمت أفأف وهي ما عافتني الا شافتني گمت

يله نزلت

طلعت فستان الابيض الجان مفروض البسه بالصباحيه