البـارت الثاني
نِشَف رِيّج الحِزنِ
والوادِم تغني
وآنه مِن بعيّد
أحِب
الما رضِى يحِبني
شبدَر مِني ...؟
.
.
ايهاب عيال
زينه:-
-شنو اشچانوا يحجون؟
بقت ساكته اتباوع بحيرة عطت بيهه بنفاذ صبر
-احجي عاد مو شليتي نفسي
جاوبت بسرعه وهي اتبلعم
-سمعتهم يحجون ويه سلطان ويگللوله شوكت تعقد ع زينه،
ضحگت اهز براسي
-انتي شجاي تحجين؟
-والله العظيم وروح ابويه هذا الي سمعته حتى سلطان گاللهم مو وكتهه هسه
لا مستحيل ليش هيج يسوون؟ يعني مقرررين من وراي وانه ام الانه ما ادري؟ گعدت بالگاع افكر ليش هيج يسوون؟ معقوله ابويه گايللهم؟
رفعت راسي لايه الي صافنه عليه بقلق
-اشسمعتي بعد؟
بلعت ريگهه واتفر عيونهه بتوتر واضح
-احجيي اشسمعتييي بعددد؟
-ااا شسمه چانوا يگللوله هاي وصيه عمك لازم اتنفذهه
ضحكت بصدمه رحت انزل باقصى سرعتي
ادور ع امي لگيتهه بالغرفه جاي تقرا قران
گعدت يمهه رفعت راسهه شافتني احوسن
صدقت وطبگت القران حطته ع صفحه گالت
-شكو شبيج؟
حجيت بدون اي مقدمات
-يمه ابوي صدگ موصي سلطان يتزوجني؟
عگدت حواجبهه بتساؤل
-مني گلچ؟
-مو مهم مني، المهم الي سمعته صگد؟
غمضت عينهه
-عادي سلطان خطبج منه گبل لا يموت وهو قبل
باوعتلهه بشك
-ليش خطبني؟ وهمسه؟
-شني ليش؟ شبيج قابل؟ وهمسه ماضي وراحت بحال سبيلهه
-ما معقوله يخطبني سلطان طول عمره حاسبني اخت اله
-سدي هاي السالفه موش وكتهه واصلا انه يجوز ما ارضه لا تتأملين ولتفكرين
گمت افكر بحيرة امي ليش ماگلتلي الحقيقه؟
بس اخاف ايه سامعه غلط؟ لازم اعرف بس شلون؟
نمت وسط افكاري الي ما لگيتلهن حل،
ثاني يوم الصبح گعدت لگيت الاكثريه رايحين
من الگرايب البيت خف شويه من الهوسه
مرت الايام ومحد جاب طاري الموضوع عبالك
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
