البارت الستون
الحب فلاحتي ومابگتة من فلاح
ولهاذا السبب خسران بس مرتاح
مرات الخساره تردك التموز و انتَ
بنص شتة وتحس رجيفك راح
.
.
.
مجهول
.
.
.
غزال
.
.
.
انهالو عليه الولد يالضرب و هو مستمر يصيح
- غزالتي ما اعوفج للموت
اباوع لأمي گامت تلطم و ابوي صار جمر من العصبيه
راحلهم طببهم جوا اتدفع و هم يسحلون بعاصم وراهم
وگفوا بالطرمه و جدي يصيح
- استلم سلطان بتك سودت وجوهنه مثل خالتهه ال*****
من بين حجيهم و هوستهم انه جنت واكفه بالباب اباوع و عاصم اجت عينه عليه
ضحك بصوت عالي و حجه
- غزالتي لا تخافين ما اتصيرين لغيري الا على موتي
اشرلي بأيده اجي و فهد بلحظه وحده گض راسه و گام يرگع بي بالگاع
ما اتحملت المنظر عطت بكل قوتي و دموعي تنزل
رگضت عليه اجر بي و ابجي
- فهد حباب عوفه راح يموت
صاح جدي
- حيوانه ****** گدامنه و هيج اتسوي جا ورانه شمسويه
انسحلت من ورا و اشوف ابوي جرني و رگعني راجدي
حجه بخيبه
- يا حسافه، طلع العرگ دساس
بقه يضرب بيه راجديات و شلع شعري بأيده
و امي تصرخ و البنات كلهم يبجون و الولد واكفين يتفرحون
عيني راحت لعاصم اشوفه فاقد و وجهه متروس دم
ابجي علينه اثنينه
و ابجي بصدمه انو هذا الگبالي جاي يكتلني هو ابوي
ابوي الي بعمره ما رضا احد يطخني ولو طخه
اليوم هو سبب اذيتي؟
غطيت وجهي احمي نفسي و گعدت بالگاع مستسلمه و اسمعهم يصيحون عليه يعوفني
بس محد يتجرأ يتدخل
حسيت احد حظني فتحت عيوني
اباوع لكنان الي حماني و صاح
- مو هيج عمي كافي
بجيت بهضم و انه متمسكه بقميصه و هو يحجي بحرگه ويه ابَوي
- ترا هو الغلطان جان يلحگهه بكل مكان
صاح بي ابوي
- انت تدري؟
- اي و حذرته و انه لخاطر الولد ما حجيت
انهالوا عليه بالغلط و السب انو ليش ما گال الهم
اجت امي جرتني و صعدتني فوگ تلطم و تحجي بخوف
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
