البارت الثالث والستون
فراش الفاتحه لو شفته ملموم
بنص گلوبنا تلگه الچوادر
.
.
.
مجهول
.
.
.
غزال
.
.
.
مشيت بدون ما اشوفن الگبالي حسيت انلطخت بواحد
رفعت راسي شفته كنان
گضني من جتفي حتى لا اوگع
باوع لحالتي بأستغراب و حجه بقلق
- شكوو؟ شبيج؟
دفعته و رحت اركض و هو وراي
لحد ما طلعت خارج الكليه
واكفه ع الشارع جاي اعبر و اسمع صوت السيارات
اتدگ هورن حطيت رجلي و احس روحي طرت
جراني كنان بآخر لحظه و يصيح بعلو صوته
-شبيج عميه؟ لو صاير شي شلوون شسوي؟
دفعته ابجي و هو جر من ايدي العلاگه
و انه صرت مسودنه حسبالك بزون اخذوا جهالهه
كمت اطفر و اتهامش وياه اريدن اوصل لأيده
و هو يصيح
-شكوو؟ اشبيهه و هيج كتلتي روحج عليهه؟
-معليك انطينياهه
طبعا هذا الحجي و احنه گبال الجامعه
اجوا اهل الامنيه حجوا وياي
- محتاجه شي؟ منو هذا؟
بعدني جاي احجي و جرني كنان و حجه
- بنت عمي
ما صدگوا لحد ما شوفناهم باجات الجامعه
يله راحوا
جريت العلاگه من ايده و حجيت بخزر
- ما مسموحلك تتدخل بأشيائي
هو حجه بعصبيه
- وشبيج هلگد صرتي عصبيه؟ و هاي حالج و دموعج شني سببهه ممكن اعرف؟
-ميخصك
عتني من ايدي حيل و حجه
-مو بكيفج احجي احسن الج
صحت بأنهيار
-كافي عوفوني لخاطر الله، اشو خسرت كلشي بسببكم كااااافي
جرني وراه دخلني بالسياره
بقه يسوق سريع و ما يحجي و انه هم ساكته
وَگف بمكان فارغ اندار عليه بعيون حمر حجه
- ليش هيج جاي اتأذين نفسج؟
سكتت و هو كمل
- يعني احسن الج انتي بسببه خسرتي ثقه الكل؟ ترا محد يفيدج غير اهلج و هو لو بي خير جان ما استمر وياج سنين يوهمج بالحب و هو اجبن منه ماكو، كليلي هسه هو وين؟ ماكو
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
