البارا السابع والاربعون
أعَز مِن رُوحي أعَزَك
وأنتَ أعز مِني
ياحسبة عُمر خاويّتها مِن صبايَّ
بطلت صَفنتي
وما بطَلت مِنك .
يَواهِس تِضحَك الدُنيا
على شفافَك
يبو الليّل الحَلو اليَلعب على
چتافك
أحَس روحي تأمِن
بيك وتخَافك
وأحسك لَغِز شنو انتَ؟
وشنو اوصافك .
.
.
.
مجهول
.
.
.
صبا
.
.
.
ورا مده وصلتني رساله منه
- هلاوات شكرا على رسايلج الكثيره الي لگيتهه بحسابي
قريتهه مستغربه انه متأكده ما مراسلته
بقيت اباوعلهه و شفته يكتب
دز ورا شويه
- ادري ادري انه وجودي بحياتج منطيج دافع اتكمليهه
بسرعه دزيتله
- وجودك بحياتي ينطيني دافع انتحر
- 🌹شكرا ادري ياهو الي يشوفني يكلي اريدن انتحر من جمالك
- لا انت هواي واثق من نفسك! هو يمكن محد يباوع بجهرتك بس امك
- ترا انه اجمل واحد بالعائله غير نسوان المنطقه مگطعات روحهن علي! انتي اشتحجين؟
سديت موبايلي ما بيه حيل اجادله و هو بقه مستمر يدز و يلغي و لا يفصل
هذا بالرسايل هيج جاا بالحقيقه شلون؟!
بقه كل فترة يدز رسائل يسولف شيصير
وياه بالدوام وبالبيت وانه بس اقرة واغلس
ما اردن لين اخاف يكبر راسه ويصدگ
روحه اكثر مما مصدگهه بس للأمانه اتعودت اقرا كلشي يدزه لان رسايله حيل اتضحكني يحسسني جاي يسولف ويه واحد كباله كاعد
كالعادة جاي اخيط وصاحت علي امي
طلعت لگيتهه تلبس بجواريبهه مخبوصه
- ها يوم شصاير؟!
-خالتج واگعه وخابروني اروحن وياهه انام مستشفى حظري روحج حتى ترحين لبيت خالتج
-لايمه عندي خياط كومه لازم اخلصه اتعرفين مابقه شي لعرسهه خطيه
-جاا شلون تبقين وحدج هنا؟
-ماعليه شي اقفل بابي واي شي يصير اخابرج
هزت راسهه وراحت مستعجله حتى ما
اصرت عليه قفلت الباب وگعدت اخيط
للمغرب رحت صليت وگعدت اخابر امي
اطمأن گالت ماتگدر تجي
-سدي الباب عليج ونامي
طمنتهه ورحت اكل وافكر بخالتي خطيه
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
