الوصيه

32

البارت الثاني والثلاثون

مامش شوك جاسك كلبي مشفته
.
.
.
مجهول.
.

.
سديم
.

وصلنه بعد مده طويله

انفتح الباب نسر استقبلنه گبل طبيت معبسه اجت خاله زينه

سلمت عليهه و اجه عمو سلطان هم

حجه
- شلونج شخبارج؟ شمحتاجه؟ كليلي

جاوبته

- سلامتك عمو بس اني اجيت اشكيلك

عقد حاجبه ورد

- شني؟ منين؟

-من ولدكم اجوا اخذوا الطريق كله ينصبون عليه و يحششون

باوع عليهم بخزره و هم سووا روحهم ما يسمعون

حجه وياهم بتهديد

- الي يدوسلج على طرف ادوسن على راسه

انداريت اهز بحواجبي و هم يتوعدولي من جوا لجوا

اجتمعنه كلنه ع السفره سوالف و ضحك من صدگ حسيت بألفه بينهم جني بنص اهلي

اخيرا بعد الغدا كدرت اختلي بوجد اخذتهه على صفحه جريتهه

- هاا سولفيلي؟

باوعت عليه بتوتر

- شسولف؟

- شلون راح تتصرفين وياه؟ اشوف نظراته اكلتج

حطت ايديها على راسهه

- ما ادري سديم صعبه انه ذبيت روحي بالتهلكه لأن ادري بروحي ما اكدر اتعايش وياه و اشوفه يحجي و يباوعلي بطريقه ثانيه عن الي انه راسمتهه

بجت جريتهه حظنتهه

- اذا متگدرين لا تجبرين روحج هي كوه

- و شلون؟ ما اگدر اتخيل امي تدري و اتأذيني

- ليش اتأذيج؟ اصلا منو يگول انو راح ترضا عليكم اذا درت؟

سكتت اتباوع بحيره وراهه ردت

- شوفي انه اشفايتلي اظل طول العمر يمهم اصلا حتى فهد خوش ولد بس مشكلتي متعوده عليه بطريقه مختلفه

- اذا هيج اتشوفين انطي مجال خلي يعبرلج عن مشاعره و اذا جانت صدگ هيج لمن تشوفين حبه لا اراديا حتحبي صدگيني

- انه هم هيج اگول لان ما اريد اكسر گلبه باجر عگبه لمن يشوفني اتزوج اخاف يتأذه

- انتي اشگد فقيره و علي نياتج يعني عندج مشاعر الناس اهم من مشاعرج و الله انو فهد محظوظ بيج

بعدهه جاي تحجي و دگ موبايلهه گامت

بقيت صافنه افكر بالفراغ هم راح يجي شخص هيج يضحي علمودي مثل وجد؟