البارت التاسع عشر
لابد يردون باچر
سوي نفسك ماشفتهم
بالك يـحسون أنتَ
تذكـرتهم
اثگل شوية
يگلـبي
مرة خليهم محطة
وأنتَ سـافـر
أنتَ والدخان وصبرك
أدري بيك تريد تبچي
أبچي وحدك آنه
ساكـت
.
.
مظفر النواب
.
.
زينه :
.
.
طب سحلني من ايدي اخذني للغرفه قفل الباب
امه واكفه اتصيح
- عوفهه يمه بروح اخوانك
شال النطاق من التعلاكه و اجه دنج لمستواي
- اذيتيني هواي و انه ساكتلج حتى غلط غلطتي و سكتت كلت گلبهه محروك بس الظاهر انطيتج عين و گمتي ما تحترمين اهلي
رفع النطاق و اول ضربه وگعت بزري
على اثرهه عطت كل قوتي
و هو زاد ويه كل ضربه يحجي
- تعبتيني
- اذيتيني
- عله انتي على راسي
- شوكت ارتاح
- حتى الشيب طگني من ورا قهرج
گعد بالگاع يباوع عليه
و انه نصه صوت صياحي من التعب
حجيت ببلعوم مجرح
- الله ياخذك و اخلص منك كون تجي بتابوت ما تجي برجليك النه بعد
فك عينه يباوع عليه بصدمه
- هيج حاقده
گمت ارجف
- و اكثر ياريت واحد منه يموت و انخلص و كون انت حتى لا يظل فهد ملطشه بيد مرتك
هز راسه يباوع عليه فتحت الباب و طلعت لگيت امه واكفه و لجين هم
شافني اجن يرگضن
حجت عمتي
- شبيج بس گليلي ليش هلگد عنوديه؟
عفتهه و طبيت للحمام
گعدت بالگاع ابجي حتى ما اگدر اذب ماي على جسمي
اندگ الباب تجاني صوت لجين
- جبتلج ملابس
فتحت الباب اخذتهن بدون ما احجي
سمعت صوت فهد يدور عليه و يبجي طلعت بسرعه اجاني جان بغرفه ابوه الي بعدهه مفتوحه الباب
اخذته و طبيت للغرفه گبل حطيته بفراشه و نمت بفراشي
ما حسيت بشي
بس كوابيس و اسمع صوت واحد يصيحلي فكيت عيوني بثگل
شفت لجين و جسام واكفين فوگ راسي
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
