البارت الرابع والاربعون
بس إنتة
ولك يبعيد بس إنتة
إجة رب إلدوة لجرحي وفلا ردتة
أحبن جرحي أحس إنتة
امجد الحلفي
.
.
.
غزال
.
.
.
غمضت عيوني و هو شمر عليه النقال حجه بعصبيه
- شكو خليتي الدكتور يطردج؟ ليش ما منتبهه وياه؟
زفرت نفس براحه و رديت
- شمدريني سرحت افكر امي شمسويه غدا
حجه بجديه
- غزاله انتي لشوكت تظلين تتصرفين مثل المزعطه؟ شوكت تعقلين بس گليلي؟
- دروووح بابا هو انه من عمري؟ شكو اكبر؟ خليني هيج احسن لا هم و لا غم
هز راسه و حجه
- هاي الايام صايره مهمله ما تنتبهين بالمحاظرات وين مولي دماغج؟
- هيييي انت شكو تحاسبني؟ لا تكون حظرتك سلطان و ما ادري؟
رفع حاجبه ما عاجبه راح يتمشى
كعدت ع المصطبه فتحت موبايلي بسرعه رجعت دكيت عليه
رد
-منو؟
-كنان
- و شبي جاي يسألج ويامن تحجين؟ هو شله دخل؟
- مو احنه عادي بيناتنه ميانه انه هم اذا اشوفه يخابر هم اسأله
حجه بصوت ما عاجبه
- و انتي شكو اتسألي؟
رديت بسرعه
- ترا كنان اخوي الرابع اكيد ماكو بينه شكليات
- ميانتج قلليهه وياه ما عاجبتني
- لا والله؟ ترا مو من حگگ تتحكم بيه؟
حجه بغضب
- هاي هيج صارت؟ لعد الله وياج
سد الموبايل بوجهي كمت ادردم و اغلط عليه
- ادب سز عديم الاحترام انه صوجي منطيتك مجال
حطيت الموبايل بجيبي و بعدني الغي ويه روحي
اجه كنان مد ايده انطاني لفه
كال ببرود
- هاج الجوعيه اكليهه حتى المحاظره الجايه اتركزين و ما اتفكرين ببطنج
اخذتهه اكل و انه ضايجه
حجه هو
- اشعجب ضجتي جيف انطردتي؟
- ترا انه مو حايط؟ و مو بس انت حريص و اتخاف على مستقبلك؟ اوكيي؟
فك عيونه يباوع
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
