البارت الثاني والستون
بعيوني أريدك تجي لو بس حلم عابر
انطيني نسمة هوى وبراحتك سافر
من دونَك اني ترا متلَعثم وحاير
لو گلبي لو خاطري ما أعرف شكاسر .
.
.
.
مجهول
.
.
.
صبا
.
.
.
هو راسا لمن شافه عيونه جحظت
-هذا حقيقي صبا؟
بلعمت هزيت راسي بأي ، فتح القراصه
يتلمس بي ضايج
-هاي جيف تدرين بيه احبه سويتي هيج موو،؟
حاولت اسوي نبره ممهتمه جاوبته
-عجبني اغير شني حرام؟
-يعني صارلج عشرين سنه ما حبيتي اتغيرين لمن گتلج لتغيرن عجبج اتصبغي
-هسه شني صبغته شراح يتغير اذا حجيت
دار وجهه للجهه الثانيه
- طفي الضوا وروحي اريدن انامن
اتقربت گضيته اساعدة يتمدد دفع ايدي
-ما اريدن روحي
اتمدد بالگوا طفيت الضوا وطلعت بين
الضايجه منه وعليه صعدت فوگ اباوع على
شعري گدام المرايا خو صحيح حجيه انه
بعمري كله جنت اگولن ما اغير شعري بس
سويتهه عناد بي اخخ اشگد حركه غبيه من
عدي ، بس ترا حلوو يعني الصراحه ما ندمت
عليه ابد بس هسه شويه صار عدي ندم.
رجعت نزلت فتحت الباب ع كيف محد
موجود يمه مبين شايفي نايم ورايحين،
اتقربت ع كيفي گعدت مقابيله فتح عيونه
باوع عليه ورجع غمضهن بقيت گاعدة وهو
مسوي روحه ممهتم ومايگدر يدير وجهه
للجهه الثانيه حجه
-شتردين؟
-ما اريدن شي، ليش وجودي يضايقك؟
گمت ردت اطلع صاح
-لا تعاي
-ليش مو مضايقك وجودي؟
-عدمه هو اليضايقني
رحت گعدت بصفه
-ليش سويتي شي متحبي علمود اتضوجيني؟
- ليش ما احبه انه بنيه وماكو بنيه متحب اتغير بين فترا وفترا ليش اطولهه؟ هسه تقبل اگلگ زين لحيتك وشواربك؟
-اي مني گلج ما اقبل، ترا لا عبالج انه من النوع الي احبن افرض رايي ع الطرف الثاني ؟ بالعكس انتي هم حقج اذا انه گتلج عن رايي بيج انتي هم من حقج اتگليلي
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
