البارت الواحد والعشرين
ياكلُ كليُ فكن لي
ان لم تكن لي فمن لي
.
.
.
الحسين بن منصور الحلاج
لُجين
.
.
مرت سنه على الاحداث الاخيره كدرت بهاي السنه احسن علاقتي بجسام
و صرنه ازواج فعليين
اما هتان صار عمره سنتين
حياتي هاديه حتى زينه لمن رجعت علاقتهه بسلطان قلت مشاكلهه و هوستهه
گعدت من النوم ع صوت المنبه طفيته ورحت للحمام
طلعت انشف بشعري و جسام بعده نايم اتقربت اگعده
- جسام گوم
همهم و اندار للجهه الثانيه
دنكت عليه خضيته
- يمعود حتأخر يله
فتح عيونه يفرك بيهن و يدردم
- نعسان ما بيه حيل
- بكيفك، لعد حروح تكسي
گام يأفأف دفر الغطا و طلع
بين ما بدلت هو طلع نزلت احظر ريووك خفيف
و هو نزل ورايه
اكل بسرعه و طلعنه وصلني و راح
يومي جان متعب خلصت و اجه عليه
- خلي انروح اجيب هديه لرنا
اندار عليه
- خيولون
- لا عيب لعد اروح الهه و ايدي فارغه؟
هز راسه و رحنه اشترينه هديه لطفلهه الجديد
وصلنه للبيت استقبلونه الثلاثي المشعوذ هتان و فهد و وجد
واحد كافش الثاني صحتلهم اتلاثتهم و انطيتهم حلويات و ملاعيب وكف فهد يحجي بهدوء
-شكراا عمه
ابتسمت و گرصته من خده
- العفو حبيبي
مسح خده يخزر بيه
- ترا انه زلمه عيب هيج اتسويلي
ضحكت من كل گلبي و بسته و هو اتسودن راح يرگض و حتى أغراضه ذبهن
جسام واكف يقهقه
- طالع ع عمه شريف
باوعتله بطرف عيني و مشيت
- مبين
ركض ورايه
- ليش شمالي؟ جاا مجذب
- حشااك عيوني
وكفت على ميز المرايا انزع بحجابي و اكسسوارتي و هو اجه حظني من ورا
- ليش اتشكين بيه لجين؟
- لا بس قصدي على طبعك القديم
دارني عليه و كمل كلامه
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
