البارت الاربعون
الم بروحي
احاول مااضل مكسور
واعرف صعبه لم الجام المكسر
امشي والتفت
مطلوب دم ودين
انا اتمنى استقر بس كون غير
اكدر
.
.
.
مجهول
.
.
.
سديم
.
.
.
حجيت بتلكئ
- شنو قصدك اني ما افتهمت؟
رفع راسه يباوعلي بعيون دامعه و حجه
- انه مو ابن جسام
طگت عيوني و رديت بفضول
- يعني شنو؟ كافي تحجي الغاز وضحلي الله يخليك
حط راسه بين ايديه و حجه و عيونه صافنه بالگاع جنه ديتذكر الصار
.
.
بيوم الي سديت الاتصال ويه سديم رحت حاجيت الولد انو اريدن اخطب
هم ايدوني و گاموا يشجعوني ع هاي الخطوه
رحت للبيت سألت جوان على امي كالت
- ببيت عمي سلطان
عگدت حاجبي و رحت الهم هستوني جنت يمهم ما شفتهه
طبيت البيت هدوء الولد اكيد طلعوا و الباقين وين؟
مشيت لغرفه جدتي ادورهن
سمعت صوتهن مناك جاي
مديت ايدي جاي ادگ الباب و استوقفني كلام جدتي
- لشوكت راح يظل هتان ما يدري مني ابوه؟
شنوو؟ هاي اشجاي اتگول؟
ابوي منو شنو؟
اجاني صوت امي اتجاوبهه
- احنه مو حجينه بهذا الموضوع من قبل عشرين سنه و گلنه راح يبقه سر؟
ردتهه جدتي
- بس انه اريدنه يدري انو ابوه اكرم و جسام هو الي رباه
اظلمت الدنيا بعيني ما جاي استوعب الي يگولوه
شنو اكرم ابوي؟ جا و جسام؟
الافكار انخبطت بعقلي و كام ما يستوعب
مديت ايدي الي ترجف فتحت يده الباب بيأس
اندارت نظراتهم الخايفه المتوتره لنظراتي المكسوره المرتعشه
حجيت بصوت بي عبره
- يمه شني هذا السمعته؟
ركضت طوقت ايديهه لوجهي و انه اكابر امنع الدموع تنزل
هي حجت بدموع جاريه
- هسه افهمك
وخرت ايدهه بخشونه و كمت احجي بصياح
- شتفهميني؟ هااا؟ هاي الاربعه و عشرين سنه من حياتي كلها جذب؟ احجيييي ليش جذبتوا عليه؟
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
