البارت السادس والثلاثون
احب عيونج الما يستحن مني
ياهو الحط شرط بس بالخجل يحلن؟
يمحلى عيونچ من اترسهن بطولي
اذا مو لوني يسگي بشوفهن يعمن
.
.
.
عريان السيد خلف
.
.
.
وجد
.
.
.
راح فهد للدوام و امي اجت وكفت على راسي
- يله وجد خلي نبدي انجهز النيشان حتى لمن يرد فهد بس تتزوجون
جاوبتهه بصرامه
- انه اتفقت وياه نتزوج على كيفنه ما مستعجلين
حجت بعصبيه
- شنيي؟ شتكول علينه الناس؟ مخطوبين و عايشين بنفس البيت؟
- و انه شعليه بالناس؟
- لا وجد ما اتفقنه هيج؟ انتي مو راح تتزوجين اشراح يفرگ عندج اذا هسه او بعدين؟
عطت بعصبيه
- يفرق عندي هواييي انه بعدني حتى ما متعوده عليه شلون اگدر اغمض افتح الگا رجلي و لازم اتعايش ويه هاي السالفه؟ خليني اتعود عليه و اتقل الرهبه العندي
خصرت ايديهه و وكفت ضايجه
- وجد انه ما بيه مصايب و وجع راس هذا اذا جدج درا يسودن ع روسنه
هزيت جتفي و عطت ببجي
- انه ما اتزوج و شتريدون اتسوون سووا
هزت ايدهه و راحت
- انه مالي دخل انتي احجي وياهم
سدت الباب و انه گعدت حاظنه نفسي و ابجي
ليش هيج يسوون؟انه ما اتحمل ضغط بعد
نزلت بالليل اسوي عشا و اجت جدتي وكفت فوگ راسي
- صدگ ما ترضين تتزوجين؟
انداريت عليهه
- مو هسه
- جاا شوكت؟
- خلي انشوف راسنه من رجلينه و تشوفن فهد ليوين يظل بهاي الشغله؟ انه اريدن اقنعه يعوفهه
اتخصرت ووكفت
- انتي لمن اتصيرين حرمته و اتجيبيله جاهل لا اراديا راح يتعلگ بيكم و ذاك الوكت تگدرين تخاي يرد الكم و يعوفهه
نكتت ايدي و شمرت السجينة
و انداريت متخصره
- يعني لا سامح الله بعيد الشر عنه بس تردين اجيبن جاهل و بله هو صارله قدر انه شني ربحي؟ اريدن أأمن مستقبلي يله اعذريني
رگعتني ع ظهري حيل و حجت بعصبيه
- تف فال الله ولا فالج ادب سز تردين اتگرطين الزلمه و اتفاولين عليه بالموزين؟
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
