البارت الثالث عشر
لاضل شعر لابيت يوصفلي حالي
وبس اللّٰه يدري منين الضيم اجاني
.
.
مجهول
.
.
لُجين
صارت لحظات خيمت على المكان
اتقدمت امه عليه لزمته من صدره
- صدگ والله؟
هز راسه مبتسم
- شلون قنعته يمه؟
صفن لحظات و رد گال
- مو مهم المهم يله همو ايديكم خلي نطلع گبل الظهر
اجت ترگض عليه تستعجلني صعدت فوگ گلتلهه
- خلي ابدل لهتان
صاحت ورايه
- عوفي يم البنات خطي مو حمل طريج
نزلت متردده
- بس شلون؟
- ماكو شلون روحي حضري روحج و تعالي
هزيت راسي و سويت مثل ما گالت
رحنه بالسياره مال سلطان اني و خالتي و سلطان و جسام و ابوه
الطريق طويل حيل گضوه يسولفون بمواضيع
عامه و اني وجهي ع الجامه
وصلنه لكربلاء الجنه الي جنت احلم اشوفهه
اخر مره طبيت الهه جنت صغيره ويه امي و ابويه
و هسه دخلتلهه ويه ناس مختلفين تماما
و اليضحك انو جايه اعقد ويه شخص لا اني اريده و لا هو
دخلنه يم السيد عقد النه اثنينه وافقنه غصب
اباوع عليه لمن نطق القبول جنه وقع على معاهده دخوله لجهنم
مدري اني حللت هيج لأن هذا جان شعوري
خصوصا كلامه ذاك اليوم ليهسه يدور ببالي
طلعنه من الحضره سلطان حجه
- احنه انروح و اذا تريد انت و ام هتان ظلوا
اثنينه نبزنه بسرعه
- لا ما اريدن
- لا هتان شلون؟
باوع علينه هز راسه و رجعنه بنفس اليوم
رگضت ع ابني حظنته و اشمشم بي
احجي وياه بحرقه
- سويت كل هذا علمودك يا عيون امك اريدك اتصيرلي سند حبيبي
اخذته بحظني نومته
گعدت من الصبح وقت طلعته صحتله
- جسام اريد احجي وياك
هز راسه سديت باب الغرفه و نزلت گدامه
طلعنه للحديقه
گعد منتظرني احجي
أنت تقرأ
الوصيه
Fanfictionخوفي زاد لمن سمعتهم يجهزون موعد مشيه الزلم بوكتهه بالليل لميت غراضي و گلت اشرد احسن حل نزلت جوا و گلبي ما انطاني ااذي امي هيج هي الوحيده الوكفت بعيني صعدت و گعدت ابجي لحد ما غفيت بمكاني بالگاع و فزيت على ايدين امي اتگعد بيه -شني هاي الجنطه؟ ب...
