الفصل العشرون
جاءت ديما لتقطع أفكاره المتزاحمة قائلة: هايي بتعمل ايه
زين أبتسم لأبتسامتها المرحة ثم قال: ببص للسما
ديما: وشايف ايه
شاور لها زين إلى السماء: بصى دى حياتى .. ثم أخذ يدها ليشير لها على أكثر نجمة مشعة بين باقى النجوم ثم قال: شايفة النجمة دى
أومأت ديما له وقالت :النجمة اللى بتنور أوى دى؟
نظر لها زين فى عينيها وعيناه تلمع وبشدة: أنتى النجمة دى فى حياتى
أبتسمت له وكادت تذوب من عيونه التى تلمع فقالت : بس فى نجوم كتير حواليا
زين: بس أنتى الوحيدة اللى أنا شايفها
أبتسمت وأردفت: يعنى أنت مش شايف نجوم غيرى
زين: أنا شايفك مميزة فى عينى
ديما: تعرف يا زين أنت أول حد أرجع أثق فيه مع أنى كنت بحاول على قد ما أقدر معملش كدا
زين: ديما هو أنتى ليه مبقتيش تثقى فى حد يمكن مش كل الناس واحد
ديما بسخرية: مش عارفة
زين بجدية: لأ بجد ازاى حد يفقد ثقته فى كل اللى حواليه مرة واحدة حتى لو مش طبيعته
ديما: أنا عمرى ماحصلى كل الحاجات دى مرة واحدة مامى اتوفت بعد تعب كتير ليها .. قريت جواب أكتشفت فيه أن بابا وأندرو عايشين وأحتمال كبير يبقو فى مصر .. تايلر عرف أنى كنت بحبه بعد ما اتهمتنى صاحبته اللى كانت صاحبتى فى يوم أنى عايزاه عشان أحتياجاتى .. شربت لأول مرة فى حياتى وصحيت لقيت نفسلى عندك فى البيت!! .. كل دا حصل وأنا المفروض أشوف هعمل ايه فى حياتى!
زين بدهشة: لأ ثوانى تايلر دا يبقي صاحبك اللى كنتى بتحبيه زمان!
شعرت ديما بنبرة غيرة فى صوته قليلا فابتسمت قائلة: قولتلك عرفت بعدها أنه مكنش حب بالمعنى دا.. بس تايلر كان الشخص الوحيد اللى كان قريب منى وفى نفس الوقت عارف أنى مش زى البنات التانية فمكنش بيجبرنى على حاجة بالعكس كان بيحترم دا جدا على عكس ناس كتير أوى هناك
زين: فاهم .. تعرفى أنا أستغربت أصلا أنك عايشة فى لندن طول حياتك بس طباعك مش زيهم
ديما: أنا شايفة أنها بتبقي طريقة تفكير مختلفة ملهاش علاقة بالطباع .. بس فيه ناس بتحترم دا وفيه ناس بتبقى متخلفة أوى بجد
زين: على حسب كل واحد وشخصيته بقا
ديما: أنا أتولدت هناك أه بس أحنا عيشنا فى مصر كام سنة كدا لحد قبل ما أدخل المدرسة وبعدين رجعنا تانى لندن فممكن بردو بسبب أن كان عندنا طابع مصرى فى البيت بس مش عارفة
زين: هى طريقة تفكير فعلا زى ما قولتى فيه عرب بيسافرو طباعهم بتتغير وفيه بيفضلو زى ما هما
أنت تقرأ
لأننا نخشى المواجهة ( مكتملة)
Romanceعزيزى القارئ فى ظل هذه الحياة القاسية اعتاد الأنسان أن يهرب من أشياء عدة عندما تتعاظم الصراعات بداخله يهرب من المواجهة لكى لا يسمح لعقله أن يواجه ما لا يتقبله لكى يحمى ذاته بألا تنهار أو تنكسر .. لكى لا يعانى أو يكون مضطرا لإصلاح ما دمر بداخله أو يع...
