لأننا نخشى المواجهة ( مكتملة)

الفصل السابع والثلاثون

ضحكت نور: ايه دا حد يقول لحد كدا يبنى

أدهم: بعد يبنى دى تسكتى خالص

نور: ما أنت غريب أوى وبعدين حد يقول ما تيجى نتجوز كدا

أدهم: ماحنا الاتنين ملناش فى جو التلزيق دا وبعدين أنجزى موافقة

نور: بقولك ايه ما تيجى تاخدنى قلمين أحسن

أدهم: لأ مش هديكى قلمين هديكى دبلتين ايه رأيك

ضحكت نور قائلة:أنت فاجاتنى أوى

أدهم: نعااام يختى فاجأتك ايه يا نور دا أنا وانتى قربنا نخلل

نور: طب قول خطوبة مثلا لكن جواز مرة واحدة أنت بتهزر

أدهم: أه دا على أساس أن أحنا هنتعرف على بعض وكدا

نور: أنت بتتكلم بجد ولا بتقول أى كلام فين أدهم

أدهم: أنتى شايفة أن أنا بهزر

ضحكت نور: اه

أدهم: طب نتكلم جد أنا بحبك وهتجوزك كدا كدا ومش هضيعك من أيدى تانى ايه رأيك

نظرت له نور بأبتسامة: ماشى موافقة

أدهم بفرحةة : بجددد

نور: أكيد موافقة يعنى ..بس

أدهم: لأ بقولك ايه مفيش بس أنا هحل كل حاجة أنتى مش عليكى غير أنك تقولى موافقة

ضحكت نور: تصدق أنا أتخيلت اللحظة دى كتير بس أنك تقولهالى بالطريقة دى عمرها ما جت فى بالى

أدهم: شوفتى عشان تعرفى أن أنا كرييتف

نور: دا على أساس أنك كنت مخططلها وكدا ومجتش الفكرة ف دماغك دلوقتى

أدهم: طب هاتى أيدك عشان أثبتلك أنى كنت مخططلها

أخرج أدهم خاتم من علبة مغلفة ووضع خاتم بأصبع نور التى بدت عليها الدهشة والفرحة فى ذات التوقيت ثم قبل يديها وأخبرها أنه يحبها

نور: أنا بدأت أصدق أن دا بجد

أدهم: أنتى كنتى فاكرانى بهزر

وضعت نور يدها على وجهها قائلة: هو أحنا كبرنا أمتى كدا ايه دا

أدهم: طب أنتى مبسوطة

نور بإبتسامة : أنا مشاعرى متلغبطة دلوقتى بس حاسة بحاجة حلوة كدا مش عارفة

أدهم: بحب ضحكتك وأنتى مش عارفة تتكلمى كدا

ضحكت نور: وأنا بحبك أوى

أدهم: انتى بجد متعرفيش أنتى بالنسبالى ايه يا نور

أبتسمت نور فقال أدهم بتردد : نور ينفع أطلب منك طلب

نور: طلب ايه

أدهم: ممكن تصالحى مامتك

نور: حتى أنت يا أدهم

أدهم: أنا عشان بحبك بقولك كدا وعلى فكرة دا مش رأيي أنا لوحدى