لأننا نخشى المواجهة ( مكتملة)

الفصل الثامن والثلاثون والأخيرة

مازن: هى دى ممكن تبقى أخر مرة نتلم كلنا؟

نور: أكيد لأ طبعا أحنا هنتجمع كل فترة مفيش حاجة هتتغير

مازن: حاسس أن كل واحد هيتسحل فى حياته تانى وهنرجع منشوفش بعض

زين:أنا وديما هنختفى شوية كدا عشان وعدتها أنى هلففها العالم بس متقلقش كلنا بنحب السفر ودى أكترحاجة بتجمعنا

ديما بفرح: زين أنت بتتكلم بجد هنسافر

زين: أنا عمررى هزرت معاكى فى حاجة زى كدا

عانقته ديما: أنا بجد بحبكك أوى

نيرة بإبتسامة: ربنا يخليكوا لبعض

ميرا: بس النهاردة كان يوم حلوأوى مبروك ليكوا كلكوا

ديما: ومبروك ليكوا كمان ولنيرة ويوسف

نور: الشلة كلها بقت كابلز فى سنتين

زين: المشكلة أن من سنتين محدش فينا كان يفكر أنه هيبقى هنا دلوقتى

أدهم: طبعا أنت لو حد قالك من سنتين أنك هتتجوز دلوقتى مكنتش أتعرفت على حد خالص

زين: دا صح جدا بس ديما تستاهل بصراحة

ديما: حبيبى

نور: هو أحنا أتغيرنا؟

ديما: أنا حاسة أه

يوسف: طبيعى أن أحنا هنتغير أى حاجة بتحصل فى حياتنا بتغير تفكيرنا

أدهم: طب ايه رأيكوا كل واحد يقول ايه الحاجة اللى أتغيرت فيه فى السنتين دول

نور: أو من سنتين كان أزاى ودلوقتى بقا أزاى

ديما: حاسة أنى ممكن أبدأ لأنى نزلت مصر من سنتين فأنا أكتر حد حياته أتغيرت .. من سنتين مامتى أتوفت وأنا وتايلر أتخانقنا وروحت بلد معرفش فيها أى حاجة عشان أدور على حاجة مستحيلة وبعد ما أستقريت وكل حاجة كانت كويسة حياتى أتشقلبت تانى ومكنتش عارفة أعمل ايه وأنا وزين علاقتنا مكنتش مفهومة وأتحطيت قدام الأمر الواقع لحد ما فكرت كتير وحاولت اعمل اللى انا كنت عايزاه فعلا والنهاردة أنا وزين بنتجوز أدهم وبابا جنبى وأنتوا حواليا فحقيقى مش حاسة أنى عايزة حاجة زيادة

أدهم: أهم حاجة أن أحنا أتلمينا من تانى

عانقها زين وقبل يديها قائلا: فخور بكل حاجة مريتى بيها وعدتيها

مازن: طب أنا مش عاوز حد يستغرب من اللى هقوله بس أنا من سنتين كنت بحب نور وكنت عارف أن مستحيل نبقى مع بعض لأنها كانت بتحب أدهم حتى وهما سايبين بعض فعشان كدا محاولتش أنى أقولها .. الفترة دى كانت صعبة عليا فى حاجات كتير مش لازم تفاصيل بس بعدها قابلت ميرا وحرفيا هى عوضتنى عن حاجات كتير ومع كل المشاكل اللى واجهتها مع أهلها أنهم يقبلونى فانا مش ندمان أنها معايا دلوقتى ومخطوبين