لأننا نخشى المواجهة ( مكتملة)

الفصل السابع والعشرون

 فقالت بتفاجأ: زين!

زين وهو يخطو خطوة غير متوازنة: ديما!

ديما بغضب : أنت ايه اللى جابك هنا خضتنى أنا كنت فاكراك حرامى

زين : يعنى لو حرامى هتضربينى بالمبرد الصغير دا

ديما: ملكش دعوة

زين وهو يجلس على الأريكة ويمسك رأسه : كنت فاكر أأأننك سافرتى مع أدهم مكنتش أعرف أنك هنا

ديما: يعنى لو كنت تعرف أنى هنا مكنتش هتيجى

أخفض زين بصره :.......

ديما:أنت غريب جدا على فكرة

خطى زين نحوها بضع خطوات ثم قال: غريب فى أيه

أقتربت ديما وشمت رائحته وقالت بسخرية: أنت شارب!!

أبتعد عنها زين وجلس مرة أخرى ثم قال بحزن: هيفرق معاكى

ديما بخيبة أمل: كنت فاكرة أنك محتاجنى بجد بس طلعت مش فوعيك وشارب أصلا وأنت بتبعت المسدج

زين: مين قالك أن أنا مش فى وعى

ديما بغضب: هو أنت مش قولت أنك بطلت كل حاجة كنت بتعملها زمان ولا دا كلام كنت بتضحك بيه على نفسك

زين: لأ مكنتش بضحك على نفسى أنا بس مكنش قدامى حل تانى أهدى بيه دماغى

ديما: أه فبدل ما تحاول تصلح الحاجات اللى أنت بوظتها رجعت تشرب والله أعلم دى المرة الكام

زين: وأنتى عايزانى أعمل ايه بعد ما أنتى قولتيلى مش عايزاك وأدهم قالى كلام كأنه لسة عارفنى أمبارح .. هبقى كويس عشان مين مانتوا كدا كدا شايفنى وحش

ديما بغضب: زين أنا اللى المفروض أبقى متدايقة هنا أنت كدبت عليا وفوق كل دا بتشيلنى ذنب أنك رجعت تشرب!

زين بعصبية: أنا مكدبتش أنا خبيت عليكى وعشان بحبك عشان خفت أخسرك عشان أول حاجة كنتى هتعمليها هتطلعينى برا حياتك زى مانتى بتعملى دلوقت وأنا مش بشيلك ذنب حاجة

ديما: هه أنا اللى طلعتك برا حياتى ها!! ..أنت حتى مفكرتش تتصل بيا تتطمن عليا يا زين

زين: عشان مكنتيش هتردى

ديما بضحكة سخرية: دا على أساس أنك لو عايز توصلى مش هتعرف توصلى

زين: اه عشان أدهم يفتكرأن أنا بعند معاه وعايزك عشان بس أستفزه

ديما: أنت مش هيهمك أدهم وأنت عارف كدا كويس .. أنت هربت وكبرت دماغك ومحاولتش حتى تتكلم معايا

زين: صح أنا مكبر دماغى

ديما بصوت باكى: أنا كنت محتجاك جنبى فى وقت زى دا بس أنت اللى بعدت عنى وكأنك أستغليت الفرصة ويمكن أصلا كنت بتتلكك وقولت تقضيلك يومين قبل ما تدخل فى الحوارات دى