ديما: سورى كنت بتقول ايه
زين:مردتيش ع سؤالى
ديما: هنسأل سؤال وجواب يبقى أنا اللى هبدأ
زين: بقا كدا .. تمام
ديما: حكايتك ايه
زين: حكايتى بمعنى؟
ديما: عيلتك .. شغلك .. حياتك عاملة أزاى
زين: كنت فاكرك مش بتثقى فيا .. دلوقت عايزة تعرفينى
ديما: أعتبر ان أحنا ف ملل وبنمشى الوقت
زين: لو عايزة تعرفى حد مينفعش تخليه يحكى عن نفسه .. عشان هيقولك الحاجات اللى هو عايزك تعرفيها
ديما: طب ولو عايزة أعرف حد أعرفه ازاى
زين: لما تتعاملى معاه فترة وتقضى وقت كبيرمع الشخص دا ساعتها هتعرفيه
ديما: للاسف معنديش وقت
زين: ليه رجعتى مصر
ديما: عشان مبقاليش حاجة ف لندن أبقي عشانها
زين: ايه اللى حصل هناك خلاكى ترجعى
ديما: سؤالك خلص دورى .. بتشتغل ايه
زين: شاغلك أوى السؤال دا متقلقيش مش بشتغل ف الممنوعات
ديما: مكنش قصدى كدا .. كان فضول بس
زين: بدير شركة مقاولات
ديما: بيزنس مان يعنى مجاش كدا فى دماغى
زين: جه ايه فى دماغك
ديما: مش عارفة مجتش حاجة معينة فى دماغى بس شكلك بيقول انك مش حد ملتزم وجدى عاما ودول لازم يبقو موجودين فى أى مدير
ضحك زين بسخرية قائلا: وليه متقوليش أن الخروج عن المألوف بيودى لحاجات كرياتف وأفكار جديدة
ديما: كل واحد بيمشى بطريقته فى الشغل كدا كدا .. بس أنت بتدير الشركة ولا صاحب الشركة؟
زين: مش بالظبط
ديما: يبقى شركة باباك وأنت بتشتغل عنده
زين: مش بالظبط بردو
ديما: تمام
زين: ليه رجعتى مصر
ديما: انا جاوبت ع السؤال دا
زين: أنتى هربانة من حاجة ولا ايه
ضحكت ديما: هربانة! لول .. مكنتش متخيلة تسأل السؤال دا
زين: نتى ليه مش فاهمة انى عايز أساعدك
ديما: انا اللى مش قادرة أفهمه هو ليه بتحاول تساعدنى زين أنت متعرفنيش
زين:حاسس ان عارفك كفاية لدرجة أن أنا لأول مرة أبقى مرتاح وانا بتكلم مع حد
صمتت ديما لوهلة ثم قالت بحزن: انت عارف .. لو كنت لسة مش فوعيي شوية كنت حكيتلك حياتى كلها
أنت تقرأ
لأننا نخشى المواجهة ( مكتملة)
Romanceعزيزى القارئ فى ظل هذه الحياة القاسية اعتاد الأنسان أن يهرب من أشياء عدة عندما تتعاظم الصراعات بداخله يهرب من المواجهة لكى لا يسمح لعقله أن يواجه ما لا يتقبله لكى يحمى ذاته بألا تنهار أو تنكسر .. لكى لا يعانى أو يكون مضطرا لإصلاح ما دمر بداخله أو يع...
