نور: أنت بتستهبل أنت جايبلى نيرة وكمان مقولتليش
مازن: نور متتصرفيش كأنك عيلة صغيرة
نور: أنا عيلة!
مازن: ايوة عيلة الدنيا بينك وبين أدهم تمام والكامبينج دا بيبقى لينا كلنا وهى جت مع ميرا أكيد مش هينفع أقولها أمشى
نور: وهى ميرا جت ليه أصلا
مازن: عشان أنا وهى مع بعض دلوقتى
نور: ما شاء الله أنت كمان بتخبى عليا
مازن: أنا مخبتش أنا كنت هقولك بس أنتى مكنتيش فى مزاج يسمح أن أنا أقولك
نور:ميرا !! ميرا يا مازن
مازن: مالها ميرا أنا بحبها
نور: دى كانت بتلف على زين ملقتش غير دى وكمان صاحبة نيرة
مازن: نور متتكلميش كدا عنها هى أتغيرت وبعدين حصل حاجات كتير أنتى متعرفيهاش عشان تقولى كدا وانا مليش دعوة صاحبة نيرة ولا لأ
نور: أنا مش موافقة
مازن: مش موافقة على ايه
نور: مش موافقة أنك تصاحبها يعنى أنت كل دا مختفى عشان معاها وسايبنى أعك مع كل الحاجات اللى حصلت معايا
مازن: سيبتك! .. أنا سيبتك لا أنتى لازم تهدى عشان متعكيش فى الكلام
نور: لأ أنا مبعكش دى الحقيقة ولازم تختار بينى وبينها دى صاحبة نيرة تلاقيها هى اللى خلتها تقرب منك عشان أدايق
مازن: أنتى بتتكلمى بجد!
نور: أه بتكلم بجد
مازن: نور أنتى لما أختارتى ترجعى لأدهم أنا متكلمتش عشان شوفتك بقيتى أحسن وانا مسبتكيش وكنت معاكى فى كل حاجة فى حياتك بس حياتى أنا أنتى مكنتيش فيها وأختيارى لميرا دا أنتى مش من حقك أنك تدخلى فيه وهسيبك تهدى عشان أنتى لو أتكلمتى تانى هتخسرينى
نور: مازن أستنى
مازن: متقلقيش أنا مبتقمصش زيك بس عدى الدنيا عشان الكل مبسوط ونبقى نتكلم بعدين
نور: أنا مكنش قصدى أنا بس مش عايزة نيرة قدامى عشان هجيبها من شعرها
مازن: نور عدى الكام يوم دول وفكك منها هى مبقاش فى دماغها أدهم أصلا
نور: يا مازن هتحاول تكلم أدهم أنا مصدقت الدنيا هديت
مازن: خلى الكام يوم دول يثبتولك هو بيحبك ولا لأ
نور: متزعلش منى طيب
مازن: ماشى يستى
نور: أنا هقعد هنا شوية عبال ما تخلصو الدنيا
مازن : ماشى لو أحتاجناكى هنادى عليكى
ذهب مازن لينهى بعض الأشياء الغير مكتملة
أنت تقرأ
لأننا نخشى المواجهة ( مكتملة)
Romanceعزيزى القارئ فى ظل هذه الحياة القاسية اعتاد الأنسان أن يهرب من أشياء عدة عندما تتعاظم الصراعات بداخله يهرب من المواجهة لكى لا يسمح لعقله أن يواجه ما لا يتقبله لكى يحمى ذاته بألا تنهار أو تنكسر .. لكى لا يعانى أو يكون مضطرا لإصلاح ما دمر بداخله أو يع...
