بالوقت اللي جانت بيه اجمل ايام عمري كل منافذ اللي يتسلل منها الحب مفتوحة امامي ،ادمنت شكلي لدرجة من اباوع بالمرايا صورتي تبادلني نظرات الاعجاب ، يتراقص قلبي فرح وكل يوم اكعد على امل ألتقي بيك ياشريك حياتي واحجيلك عن وحدتي وعن مدى احتياجي لحنانك واسولفلك شلون كل الحياة اجتمعت ضدي بوقت ما تركني والدي وبقيت فريسة للظنون السيئة اللي تجتاح عقول اخواني الستة ، احتاجيتك بنفس الموعد اللي كنت استيقظ بيه وادورك بين طيات اشتياقي ، تأسرني الاشواق تفرحني الاحلام بيك يا اسمري ، اللي جنت تأخذني بخيالي ل قمة الخيال يا صاحب الوجه اللي يبتسم له قلبي قبل شوفته وتأنس له روحي ،
يامن خطفت قلبي بعالم الخيال وتركتني اترنح ما بين البقاء واللقاء،
وما بين حضنة وقبلة وحفنة عتاب ،
الم يهزك ندائي؟
الم تضعفك اوجاعي؟
هل ارتكبت جريمة كبرى بسبب جمالي؟
لكي يخرجني من بحر احلامي الى بحر اوجاعي لأصطدم بواقع خالي من سمار وجهك..
اسئمت الانتظار ؟
انقطعت بيننا الاحلام!!
اين انت في صباحي الضائع؟
في قصصي وكلامي وخيالي ؟
اخذت نفس عميق لابدأ بسرد معاناتي وانا انظر الى عينيه لأرى تعابيره التي صورت لي حياتي يا من جعلت كل البدايات اسمر كيف اخبرك بحجم الحب الذي اكنه لك في قلبي ما ظنك بمن يطلبك من الله؟
يامستقبلي الذي تمنيت ان اعيشه بالماضي ،عن ماذا احدثك؟
عن رغبات قتلت في عراء الأحلام الحائلة بيننا ؟
ام عن تلك المشاعر التي قتلها سارق الحب بإسم فصلية القدر
نعم انا اصبحت فصلية لكن من نوع آخر..
كان يامكان في قديم الزمان انا وعائلتي المتكونة من بنت وستة اولاد ووالدتي ..
بسبب وحدتي القاتلة وعدم وجود اخت لي اخترت خير رفيقة ،وهي بنت خالتي أسمار ...
بيوم من الأيام جنت عايشة بضغط نفسي كلش كبير بسبب معاناة السادس ومنتظرة القبولات على أحر من الجمر ،دخل جوزيف اخوية الثاني بالتسلسل لان الكبير مسافر هو وعائلته ومستقر خارج البلد ...
جوزيف : ها طلعت القبولات او بعد؟
رفعت عيوني باوعتله
بسيل :لا بعدها
جوزيف :يلا خير ان شاء الله خلي نشوف تطلعين طبيبة قابل ؟
ما جاوبته لان اعرف يريد يساويلي مشكلة، تركني ودخل غرفته، بعد مرور ساعة اجاني اتصال من صديقتي جاوبتها ..
_ بسيل مبروك طلعتلج هندسة الجامعة التكنولوجية...
من فرحتي كمت اعيط واكمز، على صوتي اجتي ماما وجوزيف واخواني الاثنين الاصغر مني ...
جوزيف :ها خير شو طلعتي ؟
جاوبته فرحانة .
بسيل :هندسة
جوزيف: شنو شنو
بسيل :هندسة
جوزيف :اعرف هندسة منو كالج اطرش؟
بسيل: شبيك ليش صرت عصبي ؟
أنت تقرأ
قصة أحببتُ ذلك الغريب
Ficção Geralملاحظة مهمة ! تصميمات جديدة وتعديلات طفيفة منقول من الروائية الجميلة عبير إدريس أنا المقدمة التي أصر عليها الكاتب وأهملها القارئ .. أنا الفوضى العارمة أنا الثمان وعشرين حرفاً.. أنا البيت والقصيدة أنا الصدر والعجز. أنا الإحساس والمشاعر. أنا الحارق...
