One Night Mistake (Griffin Series #2)

Chapter Ten

Chapter Ten

Nakalimutan

***

[The day Jaxon introduced Ava]

Hindi pa rin ako makapaniwala na makikilala ko ang babaeng gusto ni Jaxon ngayon. And Jaxon looked so happy while he was with her. At ngayon ay kasabay namin si Ava pauwi. 

"Aim, okay lang ba na hindi muna kita maihahatid pauwi? Ihahatid ko kasi si Ava." sabi ni Jaxon sakin. Nagulat ako sa sinabi niya. Hindi ko na-text si Manong Jeron dahil akala ko sasabay ako sa kanya pauwi ngayon. 

Pero wala naman akong magagawa. Nililigawan niya si Ava kaya naiintindihan ko. Ngumiti ako. "Oo, naman." sabi ko. 

Umiling si Ava. "Okay lang, Jax. Nag-text na rin ako sa driver namin na sunduin ako." sabi ni Ava. "Next time na lang."

"Okay lang," sabi ko pero nag-insist si Ava na ako na ang ihatid ni Jaxon pauwi. 

"Magkita na lang tayo bukas, Jax." sabi ni Ava. Tiningnan ako ni Ava. "Bye, Aimi. Nice to meet you again."

Ngumiti ako kay Ava. "Nice meeting you, too." sabi ko sa kanya. 

Hinatid namin si Ava sa labas ng university kung saan naghihintay ang sundo niya. Humalik siya sa pisngi ni Jaxon nang magpaalam. I saw how the two exchanged sweet glances and lovely smiles. Napangiti ako habang pinagmamasdan sila. 

They will make a good pair. 

Nang makaalis si Ava ay hindi pa rin maitago ni Jaxon ang mga ngiti niya. "You looked very happy," sabi ko sa kanya. 

Ngumiti siya. "I know Ava is the one, Aimi. Hindi ko na siya pakakawalan pa."

Ngumiti ako sa sinabi niya. Sabay na kami umuwing dalawa. Hindi na ko nagsabi na samahan niya kong bumili dahil nararamdaman kong nagmamadali na siyang makauwi. 

"I liked Ava, Jax." sabi ko sa kanya nang nasa harap na kami ng bahay.