For Unicode
ဒီနေ့မှ ထူးထွေကာ ရမယ်မျိုးစုံချက်ပြုတ်နေသည့် ယောက္ခမအား ကူညီပေးဖို့ ထယ်ယောင်းမယောင်မလည်နဲ့ ရောက်လာသည်။တကယ်ဆို အိမ်မှာ ဟင်းချက်လေ့ရှိသူက ဂျောင်ကုသာ။ထယ်ယောင်းက အချက်အပြုတ်ကျွမ်းကျင်လှသည်မဟုတ်။
"ကူညီပေးရဦးမလားဗျ"
"နေနေ Amber ကိုယ်အမေနဲ့အတူချက်မလို့လာတာ ... မင်းက အဖေနဲ့စကားပြောနေချေ"
ဂျောင်ကုအမေက သဘောကျသွားကာ လက်ယက်ခေါ်ဖို့ပြင်သော်ငြား ဂျောင်ကုက ဦးသွားခဲ့တော့ မျက်နှာပျက်သွား၏။ထယ်ယောင်းပြုံးစိစိနဲ့ ထိုနေရာမှထွက်သွားသည့်တိုင် ဂျောင်ကုကတော့ ဘာမှမသိသလို ခပ်တည်တည်နဲ့ အရွက်တွေသင်နေသည်။ဂျောင်ကုအမေကတော့ ခါးထောက်လျက် ဂျောင်ကုကို အမြင်ကတ်ဟန်နဲ့ကြည့်ရင်းကျန်နေခဲ့တော့သည်။
ထယ်ယောင်း ယောက္ခထီးနဲ့လည်း စကားတော့မပြောဖြစ်ပါ။ယောက္ခထီးက ဟိတ်ကြီးဟန်ကြီးနဲ့ သတင်းစာအထူကြီးထိုင်ဖတ်နေပြီး ယောက်ဖကတော့ ဖုန်းတစ်လုံးနဲ့ အလုပ်ရှုပ်နေသည်။
ထိုနည်းတူ ထယ်ယောင်းလည်း နားကြပ်လေးတစ်စုံနဲ့ သီချင်းသာနားထောင်နေလိုက်၏။
ဂျောင်ကုတို့ သားအမိရောက်လာပြီး မနက်စာစားဖို့ ခေါ်ဆိုမှပင် ထိုပတ်ဝန်းကျင်ဟာ အသက်ဝင်လာတော့သည်။
စားပွဲဝိုင်းပေါ်မှာ ဟင်းမျိုးစုံအပြင် မီယောဂုပါပါသေးသည်။
"မီယောဂုလား...ဒီနေ့တစ်ယောက်ယောက်မွေးနေ့ရှိလို့လား"
အထူးစပယ်ရှယ်သဘောမျိုး ချက်ပြုတ်ထားတာကြောင့် ထယ်ယောင်း ထို့သို့မေးမိသည်။
"ဟမ်..သူမင်းမွေးနေ့ကို မသိဘူးလို့တော့ မပြောနဲ့နော် ဂျွန်ဂျောင်ကု..."
အမေ့ရဲ့ခပ်စူးစူးအကြည့်ကဂျောင်ကုဆီသို့ကျရောက်လာသည်။သူအပြစ်ပြောခံရတာ ကိစ္စမရှိပေမဲ့ Amberကို မိသားစုဝင်တွေ အမြင်စောင်းမှာတော့ မလိုလားပါ။
"Amberကနောက်နေပြန်ပြီ...စမနေနဲ့ လူကြီးတွေက အတည်ထင်နေမယ်"
ဂျောင်ကုပြောတာကို ထယ်ယောင်းနားမလည်။ဒါပေမဲ့ ဒီနေ့က ဂျောင်ကုမွေးနေ့ဆိုတာကို ထယ်ယောင်းသိလိုက်သည်။ဒါဆို ဂျောင်ကုကဘာလို့သူ့ကို ကြိုမပြောရတာလဲ။
ВЫ ЧИТАЕТЕ
𝘾𝙧𝙖𝙯𝙮 𝘼𝙢𝙗𝙚𝙧 (Completed)
Фанфикသံသရာဆိုတာရှိခဲ့ရင် ဆုံတွေ့ရမယ့် ဘဝအဆက်ဆက်မှာ မင်းကြင်ဖော် ကိုယ်သာဖြစ်ပါရစေ။ TaeKook Started date - 1.12.2022 Ended date - 15.4.2023
