و أبتدت أول حكايتنا بمساء الخير...
_&_&_&_&_
١٩٩١
امتحانات نصف السنة
انفتح الباب و دخلت العاملة
-ست استاذ حكمت المدير ينتظرج بالإدارة
يُسر: ماشي عيني
تمشيت للإدارة الي صايرة بنهاية الممر و معزولة محد يجي يمها أصلاً
دكيت الباب و وصلني الأذن بالدخول
سلمت عليه
استاذ حكمت:أهلاً ست يُسر تفضلي اكعدي بس دقيقة هسه ارجعلج طلع المدير من الإدارة
وراه بثواني انفتح الباب ، و دخل أكثر إنسان أمقته بالدنيا
باهر: مرحباً يُسر اجيتج براسي ع مود احاجيج كلمتين
قفل الباب و اتجه يكعد كدامي
انتفضت
يُسر:هم أنتَ؛ أبتعد عني رجاءً كافي مصختها
لتخليني اضطر اكول لأهلي يشوفون صرفة وياك
باهر :ما رايد شي بس تسمعيني اني..
قاطعته رافعة أيدي بوجهه
يُسر: لا أريد أسمعك و لا أريد ألمح طولك أصلاً و يلا أفتح الباب تريد تسويلي فضيحة بنص المدرسة انتَ
باهر : ما أفتحه الا نحجي و الله لحظات ما تتأخرين
زفرت نفسي و كتله
يُسر: تتتتفضل احجيي
تنهد
باهر :ميت بيج ليش رفضتيني
يُسر: بزعتني ترى و كرهتني بروحي
باهر :انطيني سبب وااحد و اخليج تطلعين
يُسر :ماشي ، السبب كِلش سهل مااحبك يااخي
تقرب مني و لزم أيدي
باهر :بس أقبلي اكون قريب منج و أوعدج تحبيني
نترتها منها
يُسر :واثق من نفسك و بعدين انتَ بأي حق تلزم أيدي
ضحك و كتل
باهر :ما اطلع أبن ابوي اذا ما حبيتيني
و ووعد مني بشهر ٨ ح تكونين ع ذمتي و بحضني هذا وووعد
عافني و فتح الباب و طلع
و خلاني بحيرتي
هذا شلون أخلص منه يا إلهي
طلعت من الإدارة و توجهت أكمل باقي حصصي ....
____
باهر
طلعت من المدرسة و توجهت لمكان عملي
دخلت لمكتبي
لكيته كالعادة كاعد و رافع رجلي عالطاولة
من دخلت عدل كعدته
اسلام : ها رحتلها مو؟
باهر:ي
اسلام :شوكت تتوب منها و من حبها؟
باهر :ما أتوب
أسلام :عاجبك هالوضع و شلون تتكلب عليك؟
ترى البنية مطايقتك أبتعد عنها و شوف دربك
باهر : عادي مثل العسل ع كلبي خليها تتكلب و تلعب بحالي يحلالها سومريتي بالأخير تصير الي اني واثق .
اسلام : خليك تحلم بسومريتك احلام اليقظة و اني رايح اتغده مع السلامة
رفعتله أيدي بمعنى الله وياك
طلع و إني بيها و بلِقاء اليوم و عصبيتها و عيونها التجدح نار خرب جدج شكد احبج
______
يُسر
رجعت لبيتنا و شفت بابا واكف بالباب منتظرني
يُسر :ها حبيبي الله يساعدك
فلحي: هلا بنيتي هلا حبيبتي ظل بالي تأخرتي
يُسر:مو اليوم شفهي
طمني اخذت علاجك ؟
تغديت ؟
فلحي :اي اي يلا تعاي ندخل
اني و بابا عايشين لوحدنا بعد ما امي تركت هالدنيا و اني بعمر ال١٦ لهذا أعتني بيه هواي أخاف و أهتم بأدق تفاصيله أخاف افقده لأن بس هو بقالي
فلحي:يُسر اليوم بيت عمج جايين النا العصر حظري الهم شي
باوعتله بأستفهام و سألته
يُسر:شنو سبب جيتهم ما كالوا
فلحي : لا ما كالوا ؛بس اعتقد ع سالفة الورث و بستان جدج
يُسر:الله يستر بس
رحت بدلت و بوجهي للمطبخ احضر الهم عشى
خايفة من جيتهم بكل مرة بابا يوكع و يوصل للموت بسببهم
يا إلهي عديها ع خير
كملت العشى و حطيته عالطباخ
و رحت كملت تنظيف
و شوي ووصلوا عمي و ولده اثنينهم و عماتي ثلاثتهن وجوهم تقطر سم
رحبنا بيهم و أستقبلناهم
صاحب: هااااا فلحي يومية مخلينا نتعنى و نخسر و نتعب فضنا يا خوية و اتنازل
فلحي: ليش اتنازل شلك الي بعد شكو
فر سحبته و لفها ع أيده
صاحب: ما اقصد ع حصتك
أقصد عالبستان السجله ابوي بأسمك
انتفض بابا بغضب
فلحي :صِدك تحجي انتَ ؟؟؟؟؟؟؟
وكف و جاوبه بحقارة،:
صاحب : اذا ما تتنازل اخلي واحد من ولدي ينهي ع بتك أو ناخذها حالها حال الفصلية ننطيك مهلة أسبوعين فكر زين
الورث لو بتك
طلع عمي و وراه اخواته الما فكن حلوكهن بكلمة
وعافونا وسط صدمتنا
مراح يعوفنا اكيد اله رجعة قريبة مو مثل ما كال
انداريت ع بابا و كتله
يُسر : لتتنازل هذا حقك و تعب سنينك بوكت ما جانوا يلعبون و يمرحون انتَ تزرع و تحصد و تحرس
لتضيع تعبببك بابا
فلحي:_وج بوية ياكلوج اذا ما تنازلت ينهون عليج و يدمرون حياتج ، يريد يعوووفج معلكة يريد يكسرني بيج و بس
كعدت يمه و لزمت ايده
يُسر :كوم أرتاح حبيبي نلكى حل ان شاءالله
باوع عليه و تنهدت بحسرة و كام
راح لغرفته يرتاح شوي
________//_________
باهر
صفيت سيارتي ألبي ام دبليو و دخلت لبيتنا اسحل بروحي سحل من التعب
ذبيت نفسي ع قنفة بوسط الصالة و صفنت بمعالم بيتنا شلون مساحة جبيرة و بناء ضخم و اثاث ملكي
كلشي هنا فخم و راقي
الي يشوف هذا البيت من برى و يشوف الفلوس و السيارات و السلطة و انواع الفواكه الاكل الي يدخل بيتنا بعز الحصار يكول هذول ما مفتقدين لشي عايشين حياتهم بلا غم يملكون كلشي
بس اني مفتقد لابسط شي الي هو حنان الأم و قلق الاب و الجو العائلي حتى عركات الاخوان مفتقدها
من اني صغير تعودت ع إهمال اهلي و تكيفت ويه الوضع
لو اغيب شهر محد يسأل و يهتم
لهذا كلمن عايش حياته بكيفه
امي الي همها الحفلة الي بالنادي الفلاني و كوستمها الجديد و قصة شعرها الي تشبه المكسيكيات و تفاخرها بمكانتها الاجتماعية ميهمها أولادها شنو وين شبيهم
احسها كارهتنا بسبب ابوي
و الوالد الي منشوفه الا بسنة حسنة لان متزوج و مستقر خارج العراق تحديداً بالأردن همه الوحيد الفلوس و شغله صح ميسأل هواي عنه بس مصاريفنا توصل كل راس شهر لباب البيت
و اخواني لاهين بدراستهم
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
