على فراكَك ولا يكَدر گلبنا.....
____^___________^
أنتَ تنقصني
#ميرال
____________^___________^^^^^______
يُسر:
كَاعدة عالقنعة بأستقبال بيتنا المكَلوب رأساً ع عقب
و ضامه وجهي باديه ابجي بوجع
ع جهتي اليسار كَاعد باهر محاولتي بأيده السليمة
و عاليمين واكَف سنان متخصر يباوعلي بحيرة
اجه الضابط كَعد كَبالنا و هو يكَول
الضابط: البيت ناكتي نكت ماخذين كل الموجود بي
باهر: مو مهم البي ، المهم عمي يكون بخير
خاف مسوين بي شي
الضابط : الدم معبي المكان بس جثة ماكو
باهر: اريد ارفع دعوى وينفتح محضر تحقيقي حتى ينلزم الجاني و يتعاقب
الضابط : من حقك استاذ
هسه اريد تحجون كلشي بالتفصيل حتى تسجل اقوالكم بالمحضر
باهر: حاضر سيادة النقيب
طلعنا من بيتنا بحدود ال٨ بليل رايحين لبيت صديقي نأدي واجب
جنه سيارتين ، بقينا يمهم مدة ساعتين و رجعنا تقريب ال١٠ ، سبقنا سيارة اخوي لأن وكَف يشتري مثلجات لأطفاله و حلويات ،من وصلنا بداية الفرع شفنا اثنين ملثمين واكَفين بباب بيته لعمي اول مشافوا السيارة ضربوا الباب و شردوا بالفرع الورانا
طلع من البيت شخص ثالث جان شايل بيده شي مكَدرنا نعرفه شنو و أتبعهم يركض
وكَف اخوي الي جان السايق السيارة بنص الفرع و نزلت يُسر تركض ، نزلنا وراها و لزمتها قبل لتدخل،
حاول اخوي يلحكَهم بس لزمته أمي و رفضت يروح وراهم خافت عليه
بهذهِ الأثناء فلتت أيدي و ركضت دخلت للبيت
الضابط : يكفي أستاذ ، هسه نسمع منج ست
احجيلي شنو شفتي من دخلتي
يُسر: رفعت راسي ماسحة دموعي
اول ما دخلت للبيت شفت خط احمر عالارضية توقعته دم ، اتبعت الخط إلى أن وصلت لنص الحوش تفاجأت ببحيرة دم ، ركضت لغرفة بابا الي جان بابها مفتوح شفتها فارغة و مكَلوبة
دخل وراي زوجي و فتشنا البيت و ما جان اكو اي اثر لبابا
الضابط : ح أسألكم كم سؤال و بدوركم تجاوبون عليهم
عدكم عداء او مشكلة
يُسر: اي عدنا و متهددين بس منعرف منو ، قدمنا بلاغ اكثر مرة بخصوص هالموضوع حتى مقدم عزام يعرف بهذا الشي
الضابط : منو بلغ الأمن و اتصل عليهم؟
سنان : اني اتصلت من تليفونات الأرضي
ورى ما دخلنا للبيت و فتشنا عن ابو يُسر و ما لكينا اله اي اثر شفت الحالة تتطلب اتصل بالامن
عفتهم و رحت للبيت إتصلت
رجع التفت عليه الضابط
الضابط: عرفتي شنو المفقود من بيتكم؟
يُسر: ي ذهب امي و ٤ مليون بس هذن المفقودات
الضابط : لاحظتوا بيومها اي نشاط غريب ، أو حسيتي والدج خايف ، متوتر
يُسر: لا ابد اصلاً هو العصر جان يمنا مر من الباب تطمن علينا و رجع للبيت جان طبيعي
الضابط : منو عنده المفتاح غير ابوج
يُسر: هو نسختين وحدة يمي لأن دائماً اجي ارتب البيت و هو طالع و وحدة يمه
الضابط: تشكين بأحد
يُسر: ما عندي شخص مؤكد
بس اعتقد نفسه الي يهددنا
الضابط: و انتَ استاذ باهر تشك بأحد
باهر: نفس مكَالت يُسر اشك نفسه الي هددنا
كذلك الي يزيد شكي يقين انهُ هو لأن تعرضلي اني و صديقي قبل اسبوع و صوبنا
الضابط : ماشي كل اقوالكم تسجلت ، تكَدرون ترحون و يبقى بس واحد ويانا و اي أمر يستجد نبلغكم بي
سنان: باهر اخذ يُسر و روحوا و اني ابقى هنا
باهر : كَومي يُسر
طلعنا اني و باهر من من البيت و هو لازم أيدي دخلنا لبيتنا لكَينا عمتي كَاعدة بالصالةوكَفت من شافتنا اجت يمي حضنتني
أنتصار: لتخافين عليه ، ان شاء الله يرجع سالم و تقر عينج بيه
هزيتله راسي و تشكرت منها
و صعدت فوك دخلت لغرفتي
كَعدت بالكَاع و رجيت ظهري عالسرير
دقايق و دخل باهر قفل الغرفة
و كَعد كَبالي و سحبني حاضني يطبطب ع ظهري
يُسر: اخذو بابا
باهر: اتمنى يكون شارد باهر لا واكَع بيدهم
وخرت من حضنه و زفرت انفاسي
يُسر: لا بابا فعلاً عدهم
باهر: شنو الي يخليج متأكدة هالكَد؟
_يُسر: رجعت شعري ورى اذني
لأن مرة قبل زواجي من بدت التهديدات
كَال اذا شفتيني تارك مستمسكاتي او أوراق ملكيتي
معناها كدروا يوصلون الي و يصفوني
باهر: صلِ ع نبيج شنو تراوالج
يُسر: اللهم صلِ ع محمد و آل محمد
و الله باهر و الله مستعدة انطيهم كل املاكي و كل فلوسنا بس خلي يرجعون ابوي
بس هو باقيلي مااكَدر أعيش اذا صارله شي
هو كلشي بحياتي مااريد اخسره
باهر: ما بي شي و راح نلكَي و يرجع سالم بس اهدي و ادعي نلكَاه
هزيتله راسي
سحب أيدي كَومني و انطلني حبة
شربته بلا ما أسأله شنو هاي
مداني ع السرير و غطاني
ما هي دقايق و نمت
______________
بعد مرور اسبوع
باهر: ما كَالولك ليش طالبينا للمركز
سنان: اجه جندي كَال الضابط طالبكم من سألته مقبل ينطي اي إجابة
طلعنا للباب و صعدنا بالسيارة
باهر: ما راح اكَول الهن ،خلي نروح نشوف القصة خاف يطلع إجراء روتيني و يظلن بقلق ع الخالي بلاش
سنان :و هو يشغل السيارة
_هو هم هيج فكرت، خلي نشوف شيردون و الله كريم
اتجهنا للمركز و اني لازم كَلبي بيدي
نزلنا و اتجهنا لغرفة الضابط الي لازم القضية
دكَيت الباب و اذن النا بالدخول
كَعدنا كَباله
باهر : سيدي طالبينا
الضابط : اي عثر فريق بحثنا ع شي لازم تروحون ويه نقيب عمر تشوفوه
باهر : سيدي شنو هالشي
يعني غراض لو شنو
الضابط: توصل هناك و تشوف
اندك الباب و دخل نقيب
اده التحية
نقيب عمر: يرحون غاد؟
الضابط : اي يرحون وياك
نقيب عمر: عجل تعوا وراية
طلعنا ورة ورى النقيب و ركبنا سيارتنا نتبعهم
لحد ما وصلنا المستشفى .....
نزلنا و واجه النقيب وكَف يمنا
باهر: العفو سيدي شنسوي هنا
نقيب عمر : تعا ادخل تا تعرف
دخلنا وراه و اتجه بينا للثلاجة
لزمني سنان من أيدي
سنان : وين مدرعم غير تفتهم شكو شصاير وين رايح
وين ماخذة سيادة النقيب
النقيب : اهجبببب يول
اشغلة ربع ساعة و يجيك
سنان: ادخل وياه ما اعوفه
النقيب: ح تصدع راسي تعوا
فتح الباب و دخل بقينا واكَفين بالبداية
وكَف كَدام جثة مغطاية بشرشف ابيض
نقيب عمر: تكَلطوا هين حت تتعرفوا عليه
باهر : تقدمت مرحبا مديت ايدي الترجف
و رفعت الشرشف عن وجها
_لاا اله إلا الله
لا اله الا الله
تقرب سنان يمي
سنان : عمي ابو يُسر .....
_________
#ميراااال
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
