اطوي صفحتكم وارد اقراها
هيه كوه عيونكم ننساها
شلون بيكم فوك عيني مددين
وانه وگلبي نسكت ونرضاها
ليش مايبجون من نبعد حرام ...!
ويمهم احنه عيونه نسيناها
_________^^^_______
أنتَ تنقصني
#ميرال
لا تنسون التصويت ع النجمة و التعليق ع الفقرة الي تعجبكم
_____
امير:
أمير: سِنان اشرد قبل لا تصير صدكَ وكتها ما تنفع الحسرة و الندم
ماجد: اي يخوي شبلاك و شجابك ع هالطريق نكككككد بنككد اشرد بريشك
أمير: حتى ابن عمها صاف ضدها كَوووم نشرد شبيك
باوعلهم ببرود و هو يرد
سِنان:اني قابل مالكم غرض انتم
باهر: اتركوه بحاله ولكم
بدو الكبار يحجون و يطلبون البنية لِسِنان
اتفقوا ع المهر و ع شروطها
و راحوا يعقدون بالغرفة الثانية
ايسر: الله يرحم من عقدت بنص النسوان
ما لحكَت اكَول قبلت و طلعني جلاليق
هسه ويييين غرف خاصة للعقد حظظووووظ
امير: احسن شي سووه طلعوك جلاليق
كمل و هو يغمز له
امير: لأن نظراتك جانن مو راحة
باوعله أيسر بصدمة
أيسر: و انتِ وين شفتتتت نظراتي
امير: ع اساس طفل و خليتني بنصكم
تالي عرفت حتى الهمسات الكلتهن
تقرب علينا ضباب و هو يحاجي أيسر
ضباب: لو مخلي الشيطان بنصكم و لا مخلي أمير
امير: قصدك اني شيطان
ضباب: لا الشيطان سوالفه ارحم منك
أمير: واكفة بعيني السنتين انتَ اكبر بيهم مني
و الا تعرف شنو اسوي
باهر: سدوا حلوكَكم
صفنتوا الناس علينا
امير: من جمالك صافنين
يكَولون هذا الكيك ما عنده إنتاج مستحق زواج نناسبه
بي و إذا مو ماكو عادي ناخذه هو تكككتل كتل
باهر: من الاخير أمير سيارة جديدة ما اشتريلك
سيارتك ما بيهة شي
أمير : لعد زوجني
ضباب: مو توك تريد سِنان يعدل عن زواجه
امير: شبيييك حتى اخذ ذهبها ابدل بي السيارة
باهر: سد حلكَك
امير: سيارة
باهر: اني ابدلها تدلل
امير: سيييييطرت ع ئلبي و عئلي
و مش عارف اعمل ايه فيككككك
باهر: ايييييييه دكَعد منا العالم فضحتنا
سكتنا من شفنا سِنان دخل و بدو الزلم تبارك و تسلم عليه
__^^^^^^___^^^^^^__
سِنان:
جيبني و ودّيني باليعجبها إديك
لا تحسسني العمر ما ظل عليك
جيتك مخلص محطاتي بثگلها
بناسها ، بهمها ، وتعبها
وغايتي وعيني عليك
شيلني ومرجحني من حضنك لإديك
____
من أول لِقاء لَهف كَلبي الها حاولت اتغاضى و اكَول شعور عابر ، لأن مستحيل ننجمع بحكم الثار الي بين العائلتين و شلون ابوي غادر اخوها .
أبتعدت و ما التقيت بيهم و ما تواجدت بأي مناسبة ممكن تجمعنا ، ماريد ااذي كَلبي من جديد
او انطيها امل بشي ما يتحقق ،
كَوة طلعت من ذيج المأساة ما بيه ارجع الها
كل هالكلام تبخر ما قاومت و وكَعت بشباكها و اني الممنون
من شفت نفسي أشتاق لشوفة عيونها ، اصفن عليها من تحجي وياي، اخلص الليل و هي ع بالي
و هيج خلصت ٤ اشهر ع هالحال
لحد ما حاجيت باهر
سِنان: شتكَول باهر بهاي الحالة
خاف أتقدم و انضرب بوري
باهر: كن ناحية ضباب ، لتشيل هم ما دخله بهذهِ الأمور
الموضوع يم عمته اني اقترح تروح تشوفها و تتفقون
سِنان: و ضباب
باهر: اني احاجي مراح يعارض
الأهم عنده سعادتها
و فعلا ً حجه وياه باهر و وافق ان التقي بيها و نحجي بموضوعنا ، جان فرحان النا هواي
كَعدت ثاني يوم و توجهت لكليتها انطيت خبر اني جاي اشوفها، بقيت انتظر بمكتبها،
كَلت ما منها مهرب بعد يا اما تقبل و نتزوج
يا اما انساها قبل لا تطور مشاعري اكثر
انفتح الباب و طلت منه و هي تبتسم بخفة
تقدمت و هي تسلم عليه
رحيق: آسفة خليتك تنتظر كالعادة
كلش اعتذر
سِنان: المهم اجيتي مو مهم شكد انتظرت
رحيق: تفضل استريح، طلبت النا كَهوة اشرب
سِنان : اعتبريها انشربت
رحيق بلا مقدمات جاي عليج بموضوع مهم
يجوز ضباب حاجيلج او لا مااعرف
المهم اسمي سِنان و عمري ٣٣
الابن الثالث لباهر
خريج هندسة و متوضف و عندي محلات ذهب بسوكَ.....
بعيداً عن الي صاير بين اهلنا قبلنا
اعتبرينا نلتقي لأول مرة
انسي اني ابن منو
قاطعتني و هي تكَول
رحيق: ءء سنان بس دقيقة و لو اقاطعك
بس احنا معتبريك ابن باهر ، يعني هذاك الموضوع ناسينه الله شاهد
سِنان: اني اريد أتقدم الج ، حتجيت ضباب ،كَال الموضوع يمها بكيفها هي
و اني ما اريد اتفشل و اجيب الناس و ارجعها
سكتت اخذت نفس و رجعت كملت
سِنان: اني معجب بيج من اول مرة شفتج ، ما اضم عليج جانت تربطني قبل علاقة ببنت خالي و تقريباً الكل يعرف هذا الموضوع
و البنية تزوجت و راحت الله يوفقها
رحيق: هذا الي جان مانعك عن الزواج؟
سِنان: لفترة طويلة اي هذا الشي
بس تخلصت من كلشي قبل سنتين
حالياً كَلبي نظيف و اني نظيف و حياتي نظيفة
رحيق: مااعرف شكَول يعمي فاجأتني
سِنان: هههههه اصلاً طولتها اماطل صارلي ٦أشهر بس هسه ما عاد منها مهرب
لازم تعرفين و تقررين
رحيق: انطيني وقت افكر
سِنان: كل الوقت الج
لتضغطين ع نفسج ، اني منتظرج اعرف ح تاخذين القرار الصح
رجعت من افكاري و اني ابتسامة جبيرة مرسومة ع شفاهي
دقايق و انفتح الباب دخلوها كَعدت بصفي و بده السيد يعقد النا
انطيت موافقتي و هي وراي انطت موافقتها
ضج المكان بالهلاهل
باركوا النا و طلعونا كَعدونا ع الكوشة، راحت يُسر تحضر الذهب ، انتبهت الها منزلة راسها و تفرك باديها الواضح متوترة
كسرت الجو و اني اكَلها
سِنان: مبروك يابة بالرفاه والبنين
يوم عرسج ان شاءالله
غصت من الضحك سكتت و اني ارد عليه
رحيق : يبارك بيك يوم الالك هههههههه
سِنان: تسلمين وردة بميزان حسناتج
رحيق : ههههههههه سنان هههههههه الله عليك اسكت
سِنان: شحاجي سِنان؟
درفعي راسج ليفوك طلعي فلوس الللبخ خلي الناس تشوفه، المن مدنكَة و ضامته شنو اشوف
رفعت راسي اله
صارن عيوني بعيونه ، شفت بيهم لمعة غريبة
ِسِنان: اللهم صلِ ع محمد و آل محمد
طالعة تجننين ، احلى من كل يوم شفتج بيه قبل
حومر وجهه من الخجل
وكَفت يُسر قريب من عندنا و هي تفتح علية الذهب
يُسر: وككك عوف البنية صارلك ساعة لاطش بس تسولف موعت اذانها
سِنان : سريووة ما اوصيج مرتي مبينة فقيرة
مو تشرديها العباس عليج كَوة صارت القسمة
يُسر: اكَلك شو احس وجودي زاعجها بله أسألها
رحيق: لا والله اصلاً انتِ مثل النسمة
يُسر: حسبالي ضايجة ، كَلت اطلعج و ابقى اني افتر براحتي
رحيق: هههههه
سِنان: تعودي عليها هذا طبعها
يُسر: اطلع منها انتَ ، انا و وياها نتعود ع بعض
شو راح نبقى راسي و راسها
رحيق: يُسر من الاشخاص الكلش احبهم،
يُسر: و يُسر هم تحبج و وداعتج
هاك الزم لبسها الحلقة
أخذتها منها و لبستها لرحيق
و هي لبستني حلقتي
يُسر: الف الف مبروك شايفين كل الخير
يوم الاشوف جهالكم تارسين البيت
سِنان: يبارك بيج ام محمد
وكَفتج ما انساها
يُسر: اخوية الصغير انتَ
عيب تحجي هيج
ابتعدت عنا و تفضي النا مساحة
رحيق: عائلتك لطيفين بشكل و ينحبون
سِنان: اني الطفهم و انحب اسرع و ظلت يمج بعد
رحيق: اني قصدت يعني هيج هو شلون
سِنان: اهدي ماكو داعي للتوتر
رحيق: هيج احجي من ارتبك
صفن ع وجهي و هو مبستم
رحيق: سِنان سمعت شكَلت
سِنان: بكل حواسي يمج سمعت و شفت
صاحوه عليه الزلم
باي راسي ع السريع و طلع الهم
_///_^^^^^^^^^^^^^^^^^^___.
ضباب
طلعت الناس و طلعت وياهم اوصلهم
برجعتي شفت خيال يخطف بالحديقة
مديت راسي
شفت بت باهر تاكل كيك و كَاعدة بالمرجوحة
شعرها نازل ع وجهه
لابسة بدلة حمرة و هي دنفوشة
دخلت يمها و بعدت شعرها و اني المه الهه كباية
اندارت عليه و لمت وجهه بأنزعاج
ارجوان: هم انتَ
ضباب: ها شمسويلج فوك كا ألم كوشتج
حتى تاكلين
اشو مدت ايدها ع شعرها و فتحته
ارجوان : لتذلني بليييز
هسه يجي عمو و يلفه الي
ضباب: موو لميته الج
ارجوان: ماريد تمن عليه
فكيت حلكَي
ضباب: شكبرج و شكبر كلامج تسكتين بلد العرمة
ارجوان: مم طيب هذا الكيك
ضباب: نوب تجاهلني
ارجوان باعي عليه
ارجوان: منين تعرف اسمي انتَ
ضباب: سِنان كَلي بيه ،المهم شعندج طالعة هنا
ارجوان: احتنكَتتتت نفس جوه حتى مكدرت اكب
اخذت اكلي و اجيت هنا ع الهوى النقي
ضباب: كملي حتى تدخلين جوه، ماامن تبقين هنا اخاف عليج
ناس طابة و طالعة
ارجوان: هاي كملت و شكراً لأن بقيت تنتظرني
ضبباب: شعجب رديتي رد حلو لا فوكاها وياه شُكر
ردت عليه ووهي تعدل ملابسها
ارجوان: مو انتَ دائماً تنرفزنننني
تخلي عقلي يدددخن هيج يطلع الدخان من اذاني
فأحجي وياك بطريقة مو حلوة
مع انهُ هذا مو اسلوبي بس تجببببرني
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
