ما الك داعي وحلفت و داعتك
حكي رتبتك بكد مرايتك
هواي خيبوا ضني بس العجب وين
ولا واحد سوه مثل سوايتك
انه المؤمن بيك ومقدس هواك
نذر جنت اخذ من مصلايتك
نظر عينك عشرة احسبه واكفيت
بوكت كلمة الجنت اغط بوشالتك
صير واضح واحد لواحد تعيش
ولو هل شي صعب مثل حجايتك
النيته بيع رايد يريد يشري شي
وبعت كلشي وما مبينه شرايتك
وهية ماتسوة بعد تشمت عليش
عزل السوگ ومشت شرايتك
انا اليحز روحي راهنتك تفوز
ووسط بيرغ هلي اشد برايتك
ولسة كل ما اذكرك اخسر ب النزال
وبس الي صوبوني شو رمايتك
____€€€€__€
أنتَ تنقصني
ميرال
________
لتنسون التصويت ع النجمة ووالتعليق ع الفقرة الي تعجبكم
_________
ضباب: السلام عليكم
ضم باهر الرسالة بجيبه
و تقدم النا و هو يخفي ارتباكه
باهر: و عليكم السلام و الرحمة
هلا يابة هلا بيكم تفضلوا تفضلوا
سِنان: جنه منتظرينكم تفضلوا
ياااااا هلااا بالحجيات نورتونا
ام باسل: هلا بنسيبي هلا يبعد بيتي
رائدة: ابني شلونكم شخباركم ، اعذرني مكَدرت اطلع الك البارحة
سِنان: معذورة خالتي ، اصلاً ما طولت بس خبرت ضباب و طلعت
تفضلوا
فتح النا الباب و هو يرحب بينا
طلعت النا ام أيسر و يُسر من الباب المطبخ و وراهم هيام
انتصار(ام ايسر): يا هلا و مرحبا نورتوا البيت تفضلوا تفضلوا
ام باسل: يا بعد روحي منور بأهله
رائدة: شلونج عيني ، شلون صحتج
أنتصار: الحمد لله بخير انتِ شلونج
رائدة: نشكر الله الحمد لله
انتصار: باقيات واكَفات ادخلن جوه باردة هنا
قدمت النا ام ضباب الحلويات اخذتهم منها هيام و هي تسلم عليها
ام باسل: شلونجن يبنيات
تقدمت يُسر و هي تبوس راسها
يُسر: زينين حجية ، مدامج بخير احنا بخير
هيام: الله يسلمج حجية الحمد لله
يُسر: شبيج رحيق وجهج اصفر
رحيق: اول مرة ادخل الكم
رجليه صايرات خيوط
يُسر: مثلج اول ما جايات
هيام: هههههههههه انسي القلق و التوتر اول عزيمة الي هنا اتذكر تربعت ويه أيسر ناكل باجة
يُسر: هو انتِ و أيسر مختلفين عن خلق الله
هيام: هههههههه مو بس هيج ياكل و يكسرلي بصل
رحيق: و كلها تباوع عليكم
هيام: سِنان متربع ياكل ويانا و يعصر ليمون
و باهر بس شم الريحة طلع من البيت بكبره
يُسر: ههههههه تلعب نفسه من الباجة
رحيق: جا شبي رجلي ، هذاك اليوم ب٤ الفجر راحوا تريكَوا هو و ضباب
دخلنا كلنا جوه بس ضباب بقى ويه برى
__^^^^^^^______
ضباب :
ضباب: صاير شي؟ شبيكم
انتجى باهر ع الحايط و هو يكتف و يتنهد
باهر: شحجيلك؟
ضباب: خبلتوني شكو؟
سِنان : ابوي رجع يهددنا
رديت عليهم بصدمة
ضباب: ابوكم؟؟؟ ابوكم مو مسجون شلون يهدد بيكم
باهر: الظاهر طلع ويه اهل العفو
بس المصيبة ميكَدر يطلع اذا ما واحد يساعده و يسويله استئناف للحكم
ضباب: خاف من جماعته
سِنان: لا بوية من جماعتنا و اشك بيها امي
و إذا طلعت صدك هي الا العب طوبة وحق علي
ضباب: اهدئ ، منو يكَول كلامك صح
تبقى مجرد احتمالات لازم نتأكد منها
باهر: اذا هي صدك فكااارثة هاي ، اني باجر رايح اشوف الوضع و اعرف شسوي وراها
ضباب: لتنسون ترى العفو شمل حتى المحرومين إعدام
يعني احتمال محد ساعده
باهر: ما ادري ما ادري
يلا لتظلون واكَفين هنا تعالوا ندخل
سِنان: اررريدك تحس و تدخلنا ماكووو
صالبنا هنا متناااا جوع
باهر: متت جوع؟ ستوك صبتلك يُسر ماعون تمن منضود نضد لحم
ضباب: هو دومه جوعان
امير: سلااامون عليكوووووم
ضباب : ههههههههه و عليكم السلام هلا أمير عبالي ما موجود
امير: هلا حبيبي ، رحت جبت السمججج
ادري بيك تحبه و خليته يزيدله شوي
ضباب: رحم الله والديك
باهر: ايسر وين راح مو وياك جان
امير: جلب بيه ولد هنا يعرفه و صارلهم ساعة هههه و هههه و ما مفهوم شكو عفتهم و اجيت السمجات بردت
ضباب: أيسر ميعرف يحجي كلمتين
باهر: واذا حجى ويه واحد لازم يعرف تاريخ عشيرته كلها
سِنان: نوب عليه طريقة اقناع تخليك تمشي للمصيبة و انتَ شارك حلكَك و فرحان
ضباب: احلى شي بيه يحب الباجة
باهر: وراي اكل لتلعبون نفسي
اموت من الباجة
كَعدنا بالاستقبال نسولف
ساعة و صبوا الغده
سِنان: العباس عليه الما ياكل
امير: راح يذلنا
باهر: اكَعد اكل ويانا لتبقى واكَف فوكَ روسنا
سِنان: عود معزب و كذا خاف تحتاجون شي
ضباب : تعال تعال اكَعد يمي
كملنا الغده و كَعدنا نشرب جاي
باهر: لازم بعد نتفق عالعرس
ايسر: سووه بالعطلة الربيعية احسن و ابرد
ضباب: بكيف العرسان خل يحجون و يتفقون و احنا نجهز الهم كلشي
سِنان: اتفقت اني ويه العروس ، نلحك نجهز كلشي ل٥ بشهر الثاني
ضباب: ما عدنا شي اذاً ٥ بشعر الثاني العرس
باهر: ع بركة الله
__^^^^^^^^^^^______
يُسر
كَاعدين بالصالة كُلنا
انتصار: ها عروستنا محتاجة شي بعد
رحيق: لا كملت كلشي
يُسر: الغرفة يجيبوها قبل عرسكم بأسبوع ، كملتِ كل اغراضج ، تحتاجين نطلع بعد نشتري شي
رحيق : لا يُسر استريت كل لوازمي
بقت بس البدلة كملي امتحانات و نروح نحجز
يُسر: تحجزين لو تشتريها احسن
رحيق: شسوي بيها ،ااجرها احسن هي ساعات معدودة البسها
هيام: و يروح موديلها باجر عكَبة عليمن تشتريها
يُسر: بكيفها بعد، اني كَلت اكَلها
رحيق : تعبتج وياي هالفترة بسن السوكَ و بين التجهيزات و منا دوامج
حتى هيام تعبتها نعوف الأطفال يمها كلش اتشكركم
يُسر: اخوات ما بينا
هيام: عادي ، ترى من تطلع اخلي أطفالي يمها
و من تطلع تخلي أطفالها يمي
و إذا اثنينا طلعنا نذبهم ع عمتي هههههههه
يُسر: هههههههه تبتلي بيهم
هيام: صدك سمعت من عمتي بيت اخوها ح يجون من الخارج
رحيق: ع مود العرس لو شنو
هيام: لا همه قرروا يرجعون
يُسر: هلوووو شنو هالمقررات شو باهر ما كَال
رحيق: يمكن الولد ميعرفون
هيام: اي ميعرفون، لأن قبل شوي سمعتها تكَول لايسر، ظل فاك حلكَه تفاجأ
يُسر: همه اسسوا حياتهم هناك و تعبوا صار الهم فوك ال١٠ سنوات شعدهم راجعين
هيام: اندررري هذا رجل مودة حان للعراق
يُسر: لا خية مو رجلها هذا خال الولد ، ميكَدر يعيش الا بالعراق
يومية مخابر عمتي يبجي
رحيق: الغربة صعبة يُسر، محد يكَدر يعيش بعيد عن أهله و وطنه
يُسر: من تكون الغربة بيها سلامتك و سلامة عائلتك و سلامة الي حواليك ابقى بيها
ضيم الغربة و لا ضيم ينضر واحد بسببك
هيام: يمكن بس خالو حميد و زوجته يرجعون
يُسر : ابنهم ما يرجع، متزوج هناك وحدة من دولتهم و صاير عدهم أطفال اعتقد بس الجبير يرجع وياهم
هيام: يااا مودة ما ترجع ؟
هو رجلها الداكَ رجله يريد يرجع هنا
يُسر: همه اهله كلياتهم هنا
بس هو مسافر
رحيق: اذا ما بيها تدخل ، ليش سافروا همه؟
هيام: البنية تزوجت و زوجها اجاه عمل هناك و أخذها
فأهلها طلعوا وياها ، خافوا ينحبسون لأن واحد مترصد الهم
يُسر: جا هسه شني راح الخوف
و الله يا الله ، مون يجون ورى العرس
رحيق: بالعكس خليهم ويه العرس
هيام: ههههههههه ها ولج شسامعة
يُسر: باعي ولج رحيقة مو سامعتلج شي و تردين تخربين مزاج سِنان ترى الولد ناسي كلشي و ميت بيج
رحيق: يمة يمة اهدي و الله مو هيج قصدي
يعني هبا بيهم تصيير فرحتنا فرحتين
يُسر: خليي يولن عزيزتي اعرف دروبج
رحيق: ههههههههه مثل ما كَال سِنان فعلاً تخوفين
يُسر: ههههههه لا و الله بس هي سالفة صارت من زمان و ما كملت ليش نرجع عليها
هيام: ابشرج يُسر عمتنا مو انتصار
اذا غلطانين الولد ما يواجهوها كَبل يشردون
و إذا اني غلطانة تشوي ع اذاني البصل و انتِ ح تنضمين وياي
رحيق : اهم شي يُسر مو من العمات الحياية
هيام : بهاي احنااا محظووظين ههههههه
يُسر : جاي ع بالي امثل عليهن دور العمة و اتويجن توي بس كَلبي ما ينطيني اكَول خطية
هيج اكتلجن و اقفل عليهن الثلاجة و الأكل بأوقات محددة
رحيق: حسدناها
هيام: بس حجي تشوفين
تلحكج الصبح و بيدها اللفة اكللييي لا تتخربطين
ماكو مصل كَلبها ام محمد
رحيق: اني اشهد من يجي سِنان يوصلني تدز لفتي وياه ههههههه
يُسر: عجبني الحلويات ذن عاشت ايدكم
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
