من كل كتر ننزف ونين
وماحجينه
مستحين
الكاطع..
____________________________
بقلم ميرال
______________
يُسر
كاعدة يم بابا و لازمة ايده ، طلع من العمليات بأعجوبة
بألف يا علي يلا كدروا يرجعوله النبض
خلوه بالعناية المركزة يومين
و اليوم الصبح يلا كدرنا ننقله لغرفة خاصة
انفتح الباب و دخل باهر بيده علاكة
باهر: ها شلون صار
يُسربعده مفاكه البنج
باهر: استجاب ،فتح عيونه؟
يُسر:اي فتح عيونه و رد نام
باهر: ي الف الحمد لله يلا كومي اكلي لعد
يُسر: الف عافية صدك ما اشتهي اكل انتَ
باهر: لا شلون متاكلين ترى وراج ركضة كومي اكلي و اسندي طولج
يُسر: باوعت لبابا
يكعد و اكل وياه ،
باهر انتَ ارجع لبيتكم خاف اهلك يقلقون عليك تأخرت يمنا هواي هس تلكاهم كلبهم يمك
ضحك بأستهزاء
باهر:كلبهم يمي؟؟
دار وجهه و كال
باهر:لتخافين ميقلقون بعدين شلون اعوفج وحدج بهذا اللليل ما امن عليج
يُسر:لا يمعود شعليه قابل؟
كتف اديه و باعلي
باهر: لتحاولين ما اروح
يُسر: عاد انطيهم خبر و ارجع
ركز بنظره عليه و كال
باهر: محد يبقى باله يمي او يفتقدني ليظل بالج
و دار وجهه و صفن عالشباك
ظليت افكر بكلامه بس استحيت اسأله ..
شوي و كعد بابا تطمنا عليه و صحنا الدكتور
فحصه
أكد النا انو نجحت العملية و هو بخير حالياً
و ماكو اي مضاعفات
بقينا اسبوع بالمستشفى للاطمئنان
وراها طلعنا بابا للييت باهر اصر يوصلنا
اصلاً ظل ويانا و ما تركني لوحدي طول هالمدة
فعلاً اكو غريب يوكفلك احسن من أهلك
عمي بعد ما وارانا وجهه من يوم ما اجه للمستشفى
وصلنا لباب بيتنا لكيت ابن عمي صاحب واكف و يدخن
من شافنا نزلنا اجه سلم ع بابا وساعده
نظراته ما نزلت عني بس تجاهلته
عماد شلونج يُسر ان شاءالله بخير بالي ظل يمج
قطعت سفري و رجعت ع موددكم خفت محتاجين شي
كتله بنبرة باردة
يُسر: الله يسلمج اشكرك يديم مودك
تفضل ادخل
دخل و هو ابتسامته واصلة لاذانه
انداريت و اشوف الأستاذ صار تنين ينفخ نار
تقربت احاجي
يُسر: ما اعرف شلون اشكرك ع الي سويته بالايام الفاتت، بعمري مراح انسى وكفتك هاي
زفر انفاسه و هز رأسه
عافني و راح لبيتهم بلا ما يحجي كلمة
هزيت أيدي
يُسر:وين ما كو شاخط ينذب سره يمي
بست أيدي
الحمد لله و الشكر ربي
دخلت لبيتنا
و بديت سويت غده
تغدينا و انطيت لبابا علاجه
العصر و بدو يجون الناس يشوفون بابا و يتطمنون عليه ، عماد بقى يمنا يومين يستقبل الناس و يضيفهم
ثالث يوم للليل كلشش يلا كلها كفت
عماد وكف يلم غراضه و راح بأس بابا من راسه و هو يكول
عماد :يلا عمي ما بيك غير العافية
والف الحمد لله من شفتك واكف ع رجليك
اي شي يصير رقمي عندكم اتصلوا بيه
_الله وياك عمي ما قصرت يُسر وصلي ابن عمج
هزيت راسي و هو طلع قبلي
طلعت وراه ووكفنا بالباب الرئيسي صار كبالي
عماد : ما فكرتي بموضوعنا؟
يُسر:يا موضوع؟
عماد : تنهد و كال زواجنا
يُسر:لا عماد هالموضوع انساه اني اعتبرك اخ جبير ابد ممفكرة بيك كزوج
عماد: زين عيدي النظر و فكري زين مستعد انتظرج طول العمر بس انطيني امل صغير
يُسر:الموضوع محسوم بالنسبة الي مااكدر
غمض عيونه بأسى و كال
عماد: اني باقي ببغداد هالايام و رقمي عندج اذا احتاجيتي شي اتصلي لتتردين
اني اروح
يُسر: بالسلامة ما قصرت..
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
