___متأكد من إيدك چنت؟ ما لامست إيدي؟
چا ليش طگ كل هالندى من بين أصابيعي؟
❤🍀
.___________//_______
أنت َ تنقصني
#ميرال
_______
لتنسون التصويت ع النجمة ووالتعليق ع الفقرة الي تعجبكم
_________
بعد ٣ اشهر من القضية
باهر: سِننننان وين صرت
اتأخرنا ع الجماعة يا اخي
نزل سِنان و هو يلبس ساعته
سِنان: و الله لو ابقى بالبيت و تعتذر الي منهم
باهر: عيب بابا الناس هاي ثالث مرة يعزمون و نعتذر
سِنان: باهر احس ما مرحب بيه و ثكَيل من اكَعد وياهم
باهر: انتَ ما رايح الهم من ذاتك حتى هيج تحس
ترى همه دارين عليك، يلا السبع فوت كَدامي
و سد حلكَك لخاطري
سِنان: هو شكاسر ظهري غير خاطرك
امشي ابوي امشي
نتجرع هالساعتين شلون ما كان
باهر: يلا يُسر اركبي انتِ و امي وياي
و سنان يروح وياه أيسر
يُسر: هيام تكَدرين تبقين و وياج الأطفال
لو ابقى وياج
هيام: لا عيب اثنينا منروح
بعدين اطفالج عقال و أمير أمير و اسيل موجودين وياي
تقربت تشاورني
هيام: النبي عليج روحي انتِ
اذا تعطلتي ياخذوني وياهم
و اني ماأحب هيج تجمعات انقذيني
ضحكت
يُسر: ماشي ماشي ح اروح
باهر: يلا تأخرنا امشوا
صعدنا بالسيارات و انطلقنا لبيتهم
نزلوا الولد بنص الطريق اخذوا سمج شوي
و اكثر من نوع فواكه صعدوهن بالسيارة
وصلنا لبيت ضباب
لكَيناه منتظرنا بالباب، نزلنا من السيارة، و هو ضحك من شاف سِنان جاي
تقدم سلم ع الولد و دخلنا جوه تلكَتنا امه و عمته
دخل ورانا ضباب و سِنان شايلين السمج و الفواكه
ضباب: يابة ليش هيج مكلفين نفسكم ، ما يستوجب هالكَد ، انتم من اهل البيت
ايسر: ماكو اي تكلفة بينا
اندار لسِنان و هو يضربه بكتفه
ضباب : كَلت هالمرة اذا ما يجي صدك نخرب اني ووياه ،يعمي مو عزمتنا و اجيناك ليش تستنكف تجينا
سِنان: لا ضباب مو استنكر و الحسن بس مستحي من
قاطعني ما خلاني اكمل كلامي
ضباب: الفات مات
و كلشي رجع لمكانه و صرنا اصدقاء و إخوة
اتناسى و عيش حياتك و اتأقلم ويا الواقع
ليش تحب تبقى عايش بالماضي و تأذي نفسك بشغلها انتَ ما دخلك بيها، هذا قدر الله و صار
العليك تقبل بيه
ماجد: خلي نعزمه مرة ثانية و ما يجي الا ادك بيتهم
سِنان: اجيكم زحف بعد هههههه
ضباب: ايي عفية عليك
تفضل تفضل الولد دخلوا قبلك
باهر: ها اتصافيتوا
سِنان: متصافين من زمان و حالياً دهن و دبس صايرين
ضباب: ام السان ما جبتهه وياك باهر ( يقصد ارجوان)
باهر: شافت بيت عمهه اجو يمهه و ظلت تلعب وياهم تطبخ مدري شتسوي الهم
كلساع دازه سِنان يجيب الها شي ع اساس تسوي الهم حلا
سِنان: فدوة لكَلبها، غير يجنن الحلا التسوي
ضباب: شنو اسمه
سِنان: ما معروف
هي تخبط اربع انواع نساتل وياهن مدري شنو و يصير
ضباب: طيب؟
سِنان : كلش طيب
ضباب: ما احاجيها ،اخاف منها ام لسان تفضحني هههههه
باهر: هذا سِنان علمها عالوكاحة
سِنان: صفنت ع باهر كَلت بكَلبي
امها قاصرة بالوكاحة
ضباب: لتغطي الها، بنتك هي وكحة الولد شعلي
باهر: ههههههه تطابكَتوا انتَ و سِنان عليه
ايسر: بتك ما تنجرع
هذاك اليوم كتلت علاوي و هو أكبر منها
سِنان: خلي يولي ابنك اخذ ببسيها، شتريد تباوع عليه
طبعاً تلزمه و تكتله
ايسر: و الله لو ما محمد جان شاكَة راسه
باهر: ههههههه ما تنام ع حقها
سِنان: احسسن، خلوها تصير شرسة و تاخذ حقها متبقى فاهية بس تبجي
ضباب: احب هيج تعلوم
ايسر: تعلوم ايسر بالشراسة يعجبك
ابتسم باهر و هو يأشر ع سنان
باهر:اني متطمن لمدام سِنان بظهرها ما اخاف عليها او اقلق ، ادري بيه يعزها حتى اكثر من اطفاله لو جانوا عنده أطفال
سِنان: ترى هي بنتك ، انتم بس خلفتوها
ضباب: هههههههه جاي تتقارشون ويه سِنان
متحصلون منه حق و لا باطل بهذا الموضوع
أيسر: متحيييييز لارجوان بكل قوته
باوع علبهم ببرود و هو يرد
سِنان: ليش تغارون منها
أيسر: اني حاسدها مو غيران منها
سِنان: خمسة بعينك
قل أعوذ برب الفلق
قل أعوذ برب الناس
اذا صارت بينا عركة العب بحالك طوبة و الله
ضباب: تعال اقره عليك و احصنك من عين الحسود
سِنان: اي بعد اخوك ، أيسر عينه تجيس،
مجربه بالمكان يوكَعك
خله أيسر ايده جوه عينه يفتحها ازيد
أيسر: دقيقة خلي افتح عيني
حتى احسدك عدل
باهر: ولكم عيب استحوا شبيكم
ضباب: ههههههه عوفهم متونس ع عركهم
صاحوا عليه كَام جاب السفرة فرشها
و بده يخلي الاكل عليها
ضباب : تفضلوا تفضلوا
كَعدنا عالسفرة
سِنان:باهر بلا امر العليك انطيني بيبسي من يمك
ضباب: هاك وزع وياك بين ما اجيب التمن
أيسر: ولك عيب مو بيتنا هذا لا تتطلب
سِنان: اني و الأخ ميانة ما دخلكم
باهر: اتركه ع راحته
اجه ضباب وزع التمن و كَعد بصف سِنان
لدينا ناكل
ضباب: شفتك قريب ع جامعة بغداد
سِنان: هو اصلاً جنت بيها ، اوصل اسيل خطها تركها
بس شو ما شفتك
ضباب: منو انتِ طالع مستعجل
باهر: شصار ع سالفتك، قبل العميد ينقلها
ضباب: لا ما قبل
باهر:كَول لسِنان بلكي يحلها
هو يعرف هواي ناس هناك
سِنان: شنو شعندك ويه العميد
ضباب: عمتي استاذة و هالمرة شمرها عالمسائي تدرس
و اني ما ارتاح تدرس هيج إعمار
سِنان: تريدها تنقل للصباحي؟
ضباب: اي بس ما صارت ، و اني مضطر اسافر باجر لأن عندي شغل لازم اصفي
و انلاصت عليها
سِنان: سهلة اني انقلها، شكَد تطول سفرتك
ضباب: اسبوع و ارجع لأن دوام عندي
أيسر: انتَ مو توصل البنية ، شلون ردتروح و ترجع بوحدها
ضباب: كَلت أدبر الها خط
باهر: اذا تريد يوصلها سِنان ويه اسيل مدام بنفس الجامعة
ضباب: لا ما اريد ازاحمه
سِنان: ماكو اي زحمة هو يومية اوديها و أجيبها ، راح تزيد عن اسيل؟
باهر: بكيفك بعد ضباب
ضباب: هاي هي عاد امن عليها ويه سِنان
اذا تروح ويه غريب كَلبي يظل يمها اخاف عليها
سِنان: لتخاف اوصلهن و ارجع اوصل يُسر
باهر: خو وصل يُسر اول شي لأن أقرب
سِنان: حبيبي ابو محمد من تروح انتَ نتحنس كلنا شسوي اني؟ الي يروح أخذها افرفره حتى ليضوج
فشنو نروح نوصلهن بلكي تتبدل وجوهنا الكئيبة
حتى نروح لدوامنا و احنا فرفوشين
ضباب: تكتيك حلو
كملنا غدانا و شربنا جاي
ضحك و سوالف و تحشيش
و للعصر رجعنا لبيتنا
___^^^^^_^^^^^^^_^^^^^^^______
رحيق:
من طفولة مليئة بالحب إلى مراهقة مليئة بالحزن و الفقدان ، كان فراقه أصعب من الموت ،
و أشد من المرض ، لم اتعايش مع فكرة عدم عودته،
فهو حي في ذهني و هي روحي
و لا زلت أنتظره
________
اول ما وعيت ع الدنيا جان باسل ماخذ دور ابوي ( كونه شهيد) هو مسؤول عن كلشي يخصني ، يعاملني عبالك بنته
باسل: هلا برحيقي هلا
ركضت عليه و اني احضنهو هو يبوس براسي
رحيق: تأخرت هالمرة انتظرك هواي
باسل: غير عندي شغل، بس جبتلج هدايا شكَد
حتى ملابس للدوام
رحيق: و ضباب جبتله اللعبة الوصيتك عليها؟
باسل: اي بس ابدل و انطيها الج تشعلين عيوني انتَ
رحيق: جان حنين بشكل ،ميقبل أحد يزعلني حتى ماما ميقبل تحاجيني ، مهتم لاصغر تفصيل بحياتي
و دائماً يكَعد يسمعني شسويت
و ينصحني ، يطور من تفكيري
و يرسملي خطط للمستقبل
عشت حياة مرفقة بظله ، شريد يحي يمي ، ابد ما حسيت ناقصني شي، أو ما اكَدر اجيبه
بس اكَله ثاني يوم يخلي بيدي
و زوجته مثله ماكو بحنيتها
ابد ما يوم حسستني اني حماتها
دائماً تحسبني بتها متفرقني عن ضباب
صحيت بعمر ال١٨ ع فقدانه ،
ورى فاتحته بأسبوع تهجرنا من بيتنا
ماجد: فضنها بسااااع اصعدن بالسيارة
عاتكة( ام باسل و رحيق و بيبي ضباب،): ولك يوم وين مودينه ما بيه حيل السفر انا ، كَلبي خلصان ع باسل
عوفنا ببيتنا و الرايدة الله يصير
ماجد: و اعوفكم للموت ترى بأي ساعة تصفون ، شنو ذنبهم يبقون هنا مو حجي هذا ام باسل اصعدي اصعدي
يلا رحيق صعدي ام ضباب متشوف شي
صعدت امي رائدة و كَعدت يمها تحركت السيارة و مشينا هواي لحد ما وصلنا لطريق ترابي مشت بصفنا سيارة ثانية مد ايده ماجد ع سلاحه و اني اخذني الخوف كَمت كلي ارجف
شاورتني بصوت كلش ناصي
رائدة: شبيج ماما
رحيق : خايفة
رائدة: يبعدي لتخافين بأمانة ام البنين احنا
حضنته حيل ، غفيت
كَعدتني ، نزلنا كَدام بيت جبير
رحيق: وين احنا ماجد
ذكر احد محافظات جنوب بغداد
دخلنا للبيت شفت هو راح بجيب غده
نظفت الي اكَدر عليه لحد ما رجع
ماجد: هذا غداكم رحيق
عائلتي وصلت رايح اشوفهم
لتخافون هاي بيتي بصف بيتكم بينا بس حايط
اي شي تحتاجي بس صيحي عليه و اجيكم
ماجد: تسلم ما قصرت الله يوفقك
بقينا نرتب و نعدل البيت
و كل واحد منا ياخذله زاوية يبجي بيها
ورى شهر صادفت بداية دوام المدارس
دخل علينا ماجد بيوم من الايام شايل بيده كتب و قرطاسية
ماجد: هاج ذول لضباب
الأحد دوامه ، نقلته هنا المدرسة بعد فرعين عنا
باجر تمر عليج صفاء تاخذينه تشتريله ملابس و شنو يحتاج
رحيق: هسه اكَول الهم، مااعرف شلون اشكرك دتتعب ويانه هواي
ماجد: ماكو تعب
و ها انتِ ما ناسيج قدمت الج ع المباشر هنا معدلج يقبل تربية انكليزي شرأيج
رحيق: لا اني ما اريد اداوم بعد
ماجد: ترى باسل الله يرحمه بأخر أنفاسه و هو يوصي بيج و وصه تكملين و ما تتركين
لازم تنفذين وصيته ، خلي يرتاح بكَبره
داومي باجر تكملين و تتعينين ، و توصلين للي تردي خلي يكون عندج هدف شبيج
تنهدت و اني ارد عليه
رحيق : هاي هي ، راح اداوم
بس الصرف هذا منين
ماجد: ترى باسل عنده شركة ثانية ، واردها دااصرفه عليكم ، و انطي منه راتب لعمتي و الكم
يعني خلي كبريائج يرتاح هاي فلوسكم مو فلوسي ههههههههه
راح و إني رجعت لأمي و ماما رائدة كَتلهم
رائدة: اي كملي دراستج، ما ارضى تبطلين
عاتكة: غصباً عليها تكمل أريدها تصير معلمة بالجامعة
رحيق: انصاعيت لامرهم
و ثاني يوم رحت اشتريت ملابس لضباب و كملت احتياجاته و احتياجات البيت
بس كل فلس اصرفه بمحله ابد ما ابذر لو اصرف زايد
مااعرف باجر شيصير عاد اكو جوه أيدي مبلغ و لو شي بسيط
دخلت كلية و ع مدى اربع سنوات اني من الأوائل
من تخرجت ، أصر ماجد اكمل ماجستير حتى اتعين استاذ
و فعلاً اخذت الماجستير و تعينت استاذة بجامعتي
حاولت طول هالفترة أهتم بضباب ارجع و لو جميل بسيط لباسل
أكَعد بليل وياه احضر واجباته
و مرات اذا محاضراتي متأخرة اني اوصله للدوام بدل امي
كبر ضباب و تخرج من الاعدادية بمعدل عالي و طلع قبوله كلية صيدلة بجامعة بغداد
اضطرينا نرجع نسكن ببغداد بس بمنطقة بعيدة حيل عن منطقتنا القديمة
قدمت أوراق نقلي و صرت استاذة بجامعة بغداد
كل هالفترة جان ماجد و ضباب متابعين كل تحركات صادق و راصدين كل فعل يسوي ، خاصةً جان واحد من جماعة صادق متعاون ويه ماحد و ينقل كافة اخباره ، وصلنا انهُ آخر خططه هي قتل باهر إبنه، ما اعرف شنو من كَلب عدنا يخلي يقتل إبنه بدم بارد و يتم اطفاله و يشرد مرته
فزيت ع صوت امي رائدة تصيح عليه
طلعت من غرفتي و نزلت الدرج اركض
رائدة : الولد برى منتظرج استعجلي يلاا
بوستها ع السريع و طلعت الهم
فتحت الباب و صعدت بالسيارة
سلمت عليهم
رحيق: صباح الخير، ،آسفة اخرتكم
سِنان: صباح الخير، لا عادي بعد وقت
مشينا شوي ، قدمتي يُسر لفة
يُسر: هاج الزمي اكليها لفة جبن
انطت لسنان و لأسيل
سِنان: الله يكتبلج قصر بالجنة يا يُسر لأن مشبعة بطني
اسيل: الله يكتبلج قصر بالجنة يا يُسر لأن تكملين الواجبات بدالي
يُسر: آميييين
ظليت اضحك ع مناكَرهم
وصلنا للكلية اندار عليه قبل لا انزل
سِنان: من رخصتكم ست، يا ساعة تكملين
رحيق: ب٢ الظهر، لا تتعب نفسك يكفي وصلتني اني ارجع لوحدي
سِنان: لا شلون غير انطيت كلمة لضباب
اني اجي عليكم بس اتفقوا انتِ و اسيل ع مكان تلتقون بيه من تطلعون
هزيت اله راسي و نزلنا اني وياها
اتفقنا تجيني لمكتبي من تكمل و مناك نطلع للسيارة
بعدها هي راحت لقسمها و اني رحت اكمل محاضراتي
خلص اليوم بشكل طبيعي
اسيل: شنو من اولها كَوزات ليش شاديها ويانا
رحيق: صار هواي من دوامنا ، طبيعي نمتحنكم
اسيل: اجيت ابجي بس وحدة ما عرفتها
صعدنا وياه بالسيارة
سِنان: شبيج كَالبة وجهج شنو ممجاوبة
اسيل: اي مو هالكَد جوابي
سِنان: بعدنا ببداية السنة تعدليها لتضوجين
وراج هواي امتحانات
أسيل: سِنان هي وحدة ما عرفتها مدري شلون طااارت من عقلي
باوع عليه بصدمة و رجع يسوق
سِنان: دقيقة خليني استوعب تفكيرج
قصدج مجاوبة كلشي بس نقطة ما عارفتها؟
اسيل: هي فراغ صغييير
سِنان: دعدلي وجهج لا اشمرج من الجامة تصيح ممجاوبة عبالي انطت الورقة فارغة
ولج اني جنت من امتحن اذا اعرف فراغ ارجع احتفل لمدة يومين
أسيل: سِنان لتحاول تهون عليه ترى اعرف جنت شاطر كلش و البحث مالك يشهد هذاك بالمكتبة حاطي
سِنان: عندج ٣ سنوات بعد بيج خير و تعوضيها
باوع عليه بالمراية الامامية بنظرة خاطفة و هو يسألني
سِنان : انقلتِ؟؟
رحيق : اي صدر أليوم نقلي ، اشكرك هواي لأنك سعيت بالموضوع
سِنان: لا يابة تدللون ما سويت شي
أسيل: اجه بخشششمي ريحة برياني
سِنان: و اني بالدوام اجه ع بالي تشريب اصفر
اسيل: احححح وياه لبن ابو ليمون
سِنان: تذذذذكرت البارحة كَلنا ليُسر اني و باهر مشتهين دولمة و لفها، كَالت للغده
اسيل : العباس عليك غدانا دولمة
سِنان : ام الضلوع و انتِ حلفتيني سابقاً
أسيل: ذكرني قبل لنوصل ناخذ خبز خطية يُسر ما بيها حيل
سِنان: جاي اكلج عود
اسيل : و طرشي و لبن نجيب ويانا
سِنان: بطللتتت بعد
وصلوني لبيتنا و استمر الوضع هيج طول الاسبوع
اخر يوم اخته ما داومت ، وصلني لوحدي
من رجعني للبيت قبل لا انزل صاحني
سِنان: اوووكَفي بسة( بزونة، قطة)
انطي هذا الظرف لضباب من يجي
وارد الشهر هذا
صفنت بوجهه
سِنان: شبيج بسة اخذي
رحيق: شنو بسة
سِنان: هاج هاج ضباب يوصل بليل
كَليله منتظرك باجر تجيني عالعشه
نزلت من السيارة
سِنان: بيباي بستي
اشوفج قريباً
___^_____^^^^^^^^^^^
قراءة ممتعة
ميرال
_____ _^^^_^^^^^^^^^^
شو توقعاتكم للقادم
شراح يصير
و ها منا ل٣ ايام مراح انزل احترماً لعاشوراء
تخلص الدفنة
و ينزل الكم ٣ بارتات سوه
تعويض عن التأخير
هيج زين؟
و بسلامتكم
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
