هلي وناسي وحزن گلبي
ومواويل وشعر شعبي
ورصاص احمر ترس گلبي
قصايد؟ والعمر چلمهَ
وحبيبهَ وكيف والبيه تعب منكُم
ما شلتو للگمر وياي ؟
ما غنيتو للسچه البعيدهَ وياي
بديت اكرهه منايركـم ولا احُبكم
غريبه ابعيني اساميكم
عُمري الراح مذبوح بجناسيكـم
____________^^^^^
أنتَ تنقصني
#ميرال
لتنسون التصويت ع النجمة و التعليق ع البارت
حتى اعرف ارائكم
______^^^^^^__^^^^_^^^^^^_^^^^^
( لم نخض في غمار القضية ، تحفظاً ع الشخصيات، هذهِ مجرد رؤوس أقلام، و ما خفي كان أعظم )
___________
رحيق
سِنان: وضحي أكثر، شنو هو السبب بمقتله
بلعت ريكَي و كملت
رحيق: راح يجي ورانا شخص
هو يشرح الكم القضية كلها ، لأن هو الشاهد الوحيد عليها
باهر: قصدج جان ويه اخوج بالحادث
رحيق: اي جان مرافقه
سِنان : اختي بس سؤال ، شجاب ابوي ع اخوج
رحيق:اخوية لفقوا اله تهمة ع اساس مختلس فلوس من واحد من مشاريعه بذيج الفترة، وكل ابوكم محامي اله لأن جان جداً معروف و فعلاً كَدر يثبت براءة اخوية من اول جلسة، و انقذه من السجن، قوت علاقتهم و ابوك عرفه ع شخص ثاني يصير مهندس نفط اسمه ( فلحي) و صاروا هالثلاثي ٢٤ ساعة ، كَعدتهم اكلهم ، حتى مرات واحد يبات يم الثاني إذا اتأخر الوقت، و صار ابوك هو المسؤول عن الشؤون القانونية الخاصة بأخوي.
الى ان قنع باسل و دخلوا هو و المهندس ذاك وياه بمشروع بناية من بناياته
جانت عبارة عن محلات و شقق سكنية بمنطقة راقية
اضطر اخوية يسحب فلوس من اصدقائه لأن ما جان عدنا المبلغ الكافي و المشروع ضخم و مربح
و يكَدر يطلع فلوسه بسنوات قليلة.
جمعوا الفلوس بينهم ، جان مبلغ يكسر الف ظهر و سلموها لأخوي الي جان طالع وياه ابن عمي ، بنص الطريق تعرض اله ابوك و وياه جماعة
لزم باهر راسه باثنين ادي
باهر: عندكم ادلة تثبت صدق كلامكم
ضباب: عدنا شاهد عالحادث ، و عدنا أوراق المشروع و كل العقود الي بينهم
و السكين الي اعتدوا بيها ع ابن عمنا بيوم الحادث
سِنان: ما توقعت نذالته توصل لحد القتل ، ضلون قتل إنسان بريء ما سواله شي
و شلون كَدر يكمل حياته و هو سافك دم واحد
رحيق: مو واحد ، أربعة
ابوك قاتل اربعة
سكتنا من سمعنا صوت واحد داخل علينا
ماجد: السلام عليكم
_و عليكم السلام
تقدم سلم علينا ، سوتله رحيق مجال كَعد بصصف ضباب
ماجد: اعذروني اتأخرت عليكم ، بس جان عندي شغلة مهمة جبتها و اجيت
اني ماجد قهار اصير ابن باسل ، بيوم اجه باسل و طلب مني اروح وياه لمكان، حتى يستلم فلوس المشروع اقترحت عليه بوقتها ، ناخذ ولد عمنا الباقين
ما قبل ، كَال الزلمة اعرفه و اني وياه ما بينا هيج اشياء
سِنان: احجي النا السالفة بالتفصيل
____
Flash back:
( نرجع لوقت الحادث، بلسان ماجد ابن عم رحيق )
ماجد :استلمنا الفلوس منهم بمنطقة قريبة ع حدود بغداد أخذناها و ركبنا سيارتنا
_عمي ليش خليت الإستلام بمنطقة معزولة
باسل: مو اني يا عمو ، هذا شرط صادق، حتى فلحي مموافق ع المكان ، بس هو خلانا أمام تلامر الواقع و جابنا هنا، شنسوي بعد و انا متوازي اكمل البناء
ماجد : لو شارك عليه يجيك بنص بغداد، عاد بنص الناس و العين تشوف العين
طلعنا بنص الطريق ، تعرضت سيارة النا
وكَفنا ع صفحة
نزل منها صادق و ٤ مسلحين
تقدم لسيارتنا
صادق: ههههههه طحت بيدي، عبالك اعوف هاي الفلوس لحلوكَكم و اخليكم تعيشون بخيري
عصب عليه عمي عمي عاط بيه
باسل: شدتحححجي صادق، قابل ماخذهن الي، غير للمشروع الي بي مستقبل و حياة اطفالنا مو متفقين احنا
شو هاللعبة الجديدة هاي
نزل صادق جسمه واضع اديه ع باب السيارة
صادق: شعلي بيهم، يطبهم مرض أطفالنا، اهم شي اني
يلا بلا لغوة انزل من السيارة لا اخليهم يزرفون جسمك بالرصاص
باسل : شنو معنى هذا تصرفك ، حاسبه شجاعة؟ ترى تصرفك مال مخانيث
جاي وياك جماعة مسلحين ع اثنين عزل
جان استتتحيت ، ولككك امنتك ع حلالي و دخلتك بيتي، شلون تغدرني يا ناقص
ماجد: أثناء ما يحجون ضربت واحد منهم بوكس جان وجهه قريب عليه ، منتجي نفس صادق
لزمنوني اثنين منهم و اني اتلاوى وياهم
سحب باسل م السيارة و ربط ادي لظهره و أخذه نزلوا المنحدر الترابي و هو يأشر عليه
صادق: جيبوه وراي هذا
سحبوني كوة و شمروني من ع المنحدر وكَعت ع وجهي
و اجه واحد كَعد ع ظهري و هو مكتف اديه
مكَدرت بعد اتحرك ظليت بس أصيح
جمدت عن الحركة و فتحت عيوني
من شفت صادق طلع سجين و و انحنى ع باسل
صادق: شنو وصيتك الأخيرة
باسل: لالا اخذت الفلوس و اني هسه اروح وياك اتنازلك عن المشروع ، بس اتركني وراي عائلة و طفل صغير
صادق: اذا بقيت عايش راح تأثر ع حياتي و يمكن تقدمني للقضاء ، اني راح اتخلص منك
و لتخاف ع عائلتك عود اشوف الهم صرفة و اخليهم يلحكَونك
لو اشمرهم يم الامن العام هههههه
باسل: وللللك خلي عندك شوووي غيرة
كلهن نسوووان يا ساقط
صادق: هههههههه و صغار هم مرتك نهاية العشرين
و اختك ١٥ سنة ، عوف امك مرة جبيرة
بس ذن شلون يبقى وحده ويه طفل عمره ٥سنين
باسل: ساقط نذذذذذذل خسيس
ماجد: اتركه اتركه ، اني اضمن الك مراح نفتح حلكَنا و لا نحجي و إذا تريد نتنازل بعد عمارتين بس اتركه
صادق: لازم يموت
ماجد: موتني ببداله
باسل: مااااجد
صادق : اثنينكم راح تموتون
باسل: ماجد اذا بقيت عايش ، اهلي بأمانتك
راح اموت و عيني تبقى مفتوحة عليهم
تحاللي من الحجية ، زعلانة صار الها يومين
كَلها جان ناوي يصالحج اليوم من يرجع
بس ربج اخذ أمانته
ماجد: راح تعييييش، هسه نتفق وياه حتى لو اتنازل عن الدنيا بكبره و اخلي يعوفك
ابتسم بحزن
باسل: ديربالك ع ابني و احضنه الي حييييل
و رحيق لتخليها تترك دراستها أما رائدة خل تشد حيلها و امانتها ضباب و رحيق تضمهم بروحها
ماجد: اسكت اسكتتت ، راح ترجع و تسوي ذن كلهن
طفرت دمعة من عينه دار وجهه عنه و اتشاهد
باسل : اشهد ان لا إله الا الله و أشهدُ ان محمد رسول الله
قرب ع ركَبتته و ذبحه
شفته كَبال عيني شلون ظل يرافس مثل الذبيحة
ماجد: ولكككك لاااا
لاااااا هدددددووووووني
هدووووووووني
بااااااسل باسلللللل
ثواني و صعدت روحه للباري مودعة جسمه
وكَف صادق و هز يمسح الدم من ادي
شمر السجين يمي و يأشر للي لازمني
صادق: ساجد اذبح هذا و اشمره بصف ابن عمه
دنكَ ساجد اخذ السجين و ضربني بيها مرتين ببطني
و شمرني بالكَاع
صادق :اني رايح قبلكم للمقر ، اخذ سيارته مو تنسى
ساجد: روحوا اني اسلبهم و اجي وراكم
عافونا و صعدوا بسيارتهم و راحوا
كَعد يمي و هو يشكَ قميصي و يلف الجرح بيه
ساجد: شووووف ولك ، ضربتك ما تموت هيج جرح بسيط ، بعد نص ساعة اطلع للشارع و شوفلك سيارة توصلك للمستشفى
بس يضمدون جرحك اخذ اهلك و هج منا
الا تبقى كلهم يموتون
ماجد : ليش تساعدني
ساجد: ثار قديم ويه صادق ، المهم اسمعني زين و احفظ
ساجد علي المحمودية
بكر عامر المحمودية
صابر محمد عواشة
علي زكي ام الخصيب
حفظتهم ، ذول الجانوا احنا
خاف يجي و تفكر تشتكي هاي اسمائنا و عناوينا
تركته و مشيت لباسل كَعدت يمه تلمست وجهه و اني ابجي ، عيونه مفتوحات
سديتهن
ماجد: وعد عليه ، اخذ ثارك و اجيبهم لو جانوا بسابع كَاع
ساجد: كَوم ذيج سيارة اجت
وكَفنا السيارة و انطيناه فلوس وصلنا اني و جثة باسل لمستشفى بذيج المنطقة ، عالجوا جرحي بس كملوا ،
رحت خابرت ع اخوي عامر
و ووصيته ياخذ عائلة باسل و يضمهم عدنا
لأن احنا وياهم ع خلاف و محد يدري تصالحنا
مراح يخطر ع بال شخص همه عدنا
ظلت جثة باسل بالثلاجة ٣ ايام
يلا كَدرت أخذها و اروح لأهله ، ودعوه و دفنته
اكتشفنا ورى الفاتحة صادق محول شركة باسل بأسمه و ماخذها اله
ما اشتكيت خفت عليهم، جانوا بعدهم صغار
اخذتهم و طلعنا خارج بغداد ، آمنت عليهم بوحدة من المحافظات
و طشيت خبر، انهُ طلعنا خارجج العراق
بس هسه اختلف الوضع ،كبروا رحيق صارت استاذة جامعية
و ضباب هسه طالب صيدلة و مستلم شركات ابوه و همه طلبوا ارجع افتح هذا الباب يردون حق أبوهم
هاي كافة الادلة تلكَاها هنا
قدمت اله ملف بي الاوراق و المناقصات مالت المشروع
و صورهم و السجين الي ذبحوا باسل بيها
اباوع عليه عيونه صارن دم
باهر: اني اتولى هالقضية و راح امشي بيها من باجر الصبح
ضباب : اكو شغلة ثانية غير قضية ابوي لازم تعرفها باهر
باهر: شنو احجي أسمعك
سكتت و عصرت ادي ، خلت عمتي ايدها ع ايدي تحثني اكمل
ضباب: ابوك بالعراق ما يسافر ، بس بوقت سفرم من تريد تروحله يروح قبلك و يرجع وراك بيومين
و الي جان يدز الكم تهديدات و الصوب اسلام و صوبك
و الي راد يصفي بيت أيسر هو ابوك
باهر: كل هذا مسوي و احنا ما حاسين بيه
ماجد: اني متأكد الي قتل فلحي هو نفسه صادق
سِنان: و دز النا ناس يسدون السالفة و خدعنا بيهم ع ابو سرقو و هم الجُناة ههههههههه شلون صدكَنا
ضباب: مو ذنبكم ، هو عرف شلون يحوكها و ما يخلي اي ثغرة وراه ، خدعكم و خدعنا و خدع القانون.
أسلام: ما ادري شنو الكلام الي ممكن اكَوله و ابرد كَلوبكم ، بس اني ع يقين باهر ح يحاسبه و يرجع الكم كافة حقوقكم
رحيق :ما نريد اي حق ، بس خلي اشوفه معلكَ ع المشنقة، هيج يرتاح كَلبي
ماجد: رقمي و رقم ضباب بالملف،و عناوين بيوتنا هم ، احنا ما حاسبينكم ولده، و لا ننسبكم اله
باهر: هيج بشر خسيس ما نتشرف بأي صلة تجمعنا بيه
وكَف سِنان و اتجه للباب يريد يطلع
اختل توازنه و وكَع
ركض أسلام و حضنه قبل لا يوصل للكَاع
أسلام: باااهر هذا اذانه و خشمه ينزفننن، راح ينجلط
باهر: شاله باهر و ماجد و ساعدهم أسلام نزلوه و صعدوه بالسيارة و راحوا للمستشفى
و احنا صعدنا سيارتنا
ضباب: شباب مثل الورد شنو ذنبنهم يطلعون بالوجه الاسود كَدام الناس بسبب عمايل أبوهم
رحيق : هضيمة هيج ناس تعبانة ع نفسها ، أبوهم صادق
ضباب: الي يربطهم بي بس قيد النفوس
ترى ما عايش وياهم ، عايفهم من همه و صغار
كلهم رباهم باهر و هو المسؤول الأول عنهم
حتى الجبير ايسر
بكلشي يرجع لباهر
تعببب عليهم و ووصلهم ، و انطى عمره الهم حتى ميحسون بنقص أبوهم و لو لحظة
احجي بحركَة كَلب و دمي محروكَ عليهم
جان تدير وجهه عليه و هي تسأل؟
رحيق: ما مفكر ياخذ الثانية
ارضى أعيش وياه حتى لو بالحديقة يبني ملحقات
ضباب: هههههههه انتِ وين تفكرين
هزيت أيدي الناس بالناس و الكَرعة تمشط بالرأس
رحيق: كلمن يركز ع أهدافه
ضباب: أمانة الله هدف يخبل
رجعنا لبيت عمي ، ننتظر جية ماجد
لليل يلا اجه ، رحنا اله للاستقبال
ضباب: ها الله يساعدك ، بشر شلون صار الولد
ماجد: صاعد ضغطه همزين ما انجلط
بالويلات تلاحكَناه جان راح من ادينا
ضباب: طلعوه؟
ماجد : اي و رجعوا لبيتهم ، خلي يرتاحون السمعوه اليوم مو هين
رحيق: الله لا يوفق أبوهم
ماجد: باجر يبدي باهر باجراءات القضية
ضباب: جان ارتاح
ماجد: ميكَدر ينام و هو حق واحد عنده
راح تعاشره خلال القضية و تعرفه
من خيرة الناس
ضباب: لاحظت ...
_______/_/______
باهر:
دخلنا بليل و احنا ساندين سِنان
مددناه بالاستقبال و راح أسلام
دخلت يُسر و هي تضرب ع وجهه
يُسر: يمةةة شبي سِنان شصاير
باهر : ماكو شي صعد ضغطه ، ضربوا ابر
و انطوه علاج
يُسر: يعني ما بيه شي ؟؟
باهر: لا ما بيه شي و الله
سِنان: يُسر جوعان بلا امر العليج
انطيني اي شي
باهر: شوفي جنه حصان
يُسر: اكَعدوا محضرة الاكل هسه اصب الكم
باهر: اني ما اريد
سِنان: اكل وياي
عفتهم و رحت جبت الهم العشى
أكلوا شوية و شلته
سِنان تمدد و كل شوي يتنهد
و باهر واكف بباب الاستقبال يحش جكاير
كمل اخر وحدة و اجه كَعد يم اخوه
باوع عليه و دار وجهه لسِنان صفن عليه
يُسر: ليش غاصين بالحجي ، احجوا شعدكم
كَعد سِنان و سند راسه عالقنفة
سِنان : احجي الها باهر ، اول و تالي راح تعرف بكلشي
كَعد باهر يسولف الصار وياهم اليوم
و اني مصدومة
يُسر: بس الي اعرفه مو ابوك الي كتل ابوية
باهر: يًسر
يُسر: افهمني باهر ،الي كتلوا ابوية من جماعة عمي ، اني شايفتهم ، فمستحيل يكون ابوك هو كاتله
سِنان: بس كاتل الباقين
باهر: باجر ابدي باجراءات القضية
سِنان: بالأول لازم نخفي ضباب و رحيق و ماجد
حتى ما يوصلهم صادق مناه ليوم القضية
نتأكد القوا القبض عليه يلا نطلعهم
يُسر: عندي مزرعة بس محد يدري بيها
لأنها من املاك امي
نكَدر نضمهم هناك و اخذ وياك اسيل و أمير و اطفالنا و أطفال ايسر
سِنان: نعرف مكانه احنا بس نقدم بلاغ يسحلونه
_______
يُسر
ثاني يوم الفجر لميت اغراضي محمد و ارجوان و اسيل و كَلت لعمتي تروح وياهم ، امير كَوة اقتنع يروح وياهم
اخذوا أطفال أيسر و راحوا ياخذون بيت ضباب
لل٨ اجه اسلام ع باهر و طلعوا للمركز
سِنان بقى يمي
كَمت احضر الغده
لأن أيسر و هيام راح يجون يبقون يمنا
كملت و رحت كَعدت يم سِنان لكَيته يدخن
يُسر: ولك سِنان مو زين عليك انتَ مو مريض
سِنان: شسوي يُسر روحي محتركَة مثل هالجكارة ، حيييييل مستحي ، حتى من روحي
شلون ابوي يطلع مجرم و قاتل
يُسر: قابل مشاركه بجرايمه سِنان اذا تبقى هيج راح تمرد روحك
الرجال راح يتقدم للقضاء و يتحاسب ع إعماله
و الولد راح ترجعون حقه و حق اخته
سِنان: و سنينهم الراحت شلون ارجعها الهم
شلون اعوض ضباب فقدان ابوه بعمر الصغير
يُسر: ترى حالك حاله، انتَ هم فقدت ابوك بعمره
كلكم ضحايا ابوك ، لتحمل نفسك أكبر من طاقته
ليصير بيك شي ، ياهو يلف الكبة وياي بعد
سِنان : ما ميتين ع الحسين
ميتين ع الهريسة
يُسر: ههههههههه دروح صلي بين ما يجون باهر و بيت أيسر، شويت الكم سمج اليوم
سِنان : منو اله نفس ياكل
يُسر: مجبورين، نفسنا اله حق علينا
سِنان: اشتاقيت للاطفال رجوة هيج وقت تجيني تملش براسي اذا كَاعد و محمد ياخذ محفظتي يلم الخردة بيهه
يُسر: خليهم بعيدين و بأمان احسن ما يجون هنا ما نعرف شيصير ويانه
سِنان: امي ما انطت رد فعل ما حجالهه باهر
يُسر :ءءءء
سِنان: ما انطت مو
يُسر: اي، بس ترى احنا مو بكَلبها
يجوز كابتة مشاعرها متريد تظهر شي
سِنان: خايبة هي بايعتنا بالعزة
يُسر: لا لتكَول هيج ، ترى تخاف عليكم
ما طلعت الا وعدتها نلحكَها
سِنان: اتمنى اقتنع بهذا كلامج يُسر
_______
باهر:
ورى ٣ ايام القوا القبض ع صادق
و تم تحقيق وياه و م أعترف و لا اهتز منه شعره
منوخلال الاحداثيات العدنا ، كَدرنا نوصل للي جانوا وياه، باقي منهم اثنين سحلناهم للسجن و بعد التعذيب اعترفوا عليه
اضطر صادق يعترف بكل جرايمه بعد ما تم اثباتها بالأدلة و الشهود ، اثببت عليه ٤ جرايم
باسل و اثنين من الي مساعدي بالجريمة و حارس البناية مالته القديم
و فعلاً طلع ما قاتل فلحي
تحول للسجن و ورى اسبوعين صارت محاكمته
قرر القاضي انهُ يُعدم بشهر السادس من سنة ٢٠٠٤
و تم حبسه بسجن ابو غريب
بيومها طلعت من المحكمة و اني فرحان بالعدالة الي تحققت بس منكسر بعملة ابوي
رجعت الشركة و فلوس ضباب
و رجعت فلوس فلحي ليُسر
ضباب : ما قصرت ابو محمد ، بس اني ما رايدهن
باهر: هذا حقك المسلوب
اتمنى وفيت بوعدي و بردت كَلبكم و لو اعرف النار ماكلته و ما يبرد
ضباب: بالعكس كَلبي اليوم ابرد منه ماكو
مد ايده يصافحني
ضباب: ان شاءالله هذا مو اخر لقاء ، الا لقاءات ثانية
مديت أيدي اله
باهر: بابي مفتوح الكم ، تنورني شوكت ما تردون
و للعلم اعتبرك اخوي الصغير أمانة كلشي تحتاج اني ركَبتي سدادة لتستحي ابد
ضباب: مشكور حبيبي ، اروح اخذ عمتي و و اجيب امي و بيبيتي ارجعهن لبيتنا
و ها الحجية عازمتكم انتَ و العائلة يوم الاربعاء يمنا
و كَول لسِنان تكَول الحجية العب العصا عليه إذا ما يجي
باهر: هههههه ان شاءالله نجيكم
توادعت وياه و انقفل باب هالسالفة
هيج ظنيت
€___^^^_________^^^^
قراءة ممتعة
#ميرال
_________🪓🪓🪓🪓🪓_____
شتكَولون انتهت قصة صادق لهنا
لو وراه شي بعد
انطوني ارائكم
احب اقراها
أنت تقرأ
أنتَ تنقصني (صبابة الهوى)
Tajemnica / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
