وانه اشوفك
انه اشوفك شمس كل غبشة
وگمر كل مغربية
ونسمة جايبهه الربيع
ودرب ماخلاني اضيع
وبينه وبينك حنين ومستحى
وبينه وبينك ورود مفتحة
______________________
بقلم #ميرال
______________________
يُسر: أحببك باهر
باهر : شنوووو شكلتي
وخرني من حضنه و رفع حنجي
مركز بعيوني
_عيدي شكلتي
يُسر : احببك
بلا سابق إنذار نزل طبع بوسة طويلة ع شفايفي
حاولت أبتعد ،لزم راسي بيده و ثبتني
ضعت وياه
فجأة سمعنا صوت ورانا
إنتصار: احم احم
يُسر: دفعته بقوة من صدره و ابتعدت عنه
و هو زم شفايفه بأسف
باهر: شجابج هسه يمة
إنتصار: عرفتك حاصر البنية من دخلت للمطبخ و عفتنا
فجيت انقذها
باهر: وشكو اجيتي تنقذيها
شنو مخليها ع ساتر حرب اني
دروحي يمة روحي يم خطارج الله يرضى عليج
إنتصار: ماروح اذا متطلع قبلي و تكعد يمنا
باهر: تعبان اريد اصعد انام
إنتصار: ماكوووو من يروح الكل اصعد
يلا كدامي امشي
عيب من الناس شتكول عليك مو يُسر
رفعت راسي الها
يُسر: ها اي اي عيب من الناس روح يمهم
باوعلي بغضب، وما تزحزح من مكانه
انتصار: يلا شنو اخذك من ايدك يلا امي
زفر بقوة و تقرب يمي كرصني من أيدي
و طلع يركض للاستقبال
ظليت لازمة مكان الفرصة وجعني الخبيث
شوي اجت عمتي بدينا نسويلهم غده
و كل شوي واحد جاي من اصدقائهم
العصر اجو اصدقاء سنان يأدون الواجب
وكفت اصب الهم جاي بالمطبخ
اجه سنان ع مود ياخذ الصينية
تكتف و ووكف يمي
اندارريت انطيتها اخذتها مني صدفة رفعت نظري اله لكيته خازرني
يُسر: نزل عينك لا افكسها الك
فتح حلكه و عافني و طلع يودي الجاي
ظلوا للليل يلا طشوا
و احنا ع فرد وكفة بالمطبخ طاحت رجليه
عزلت و نظفت و صعدت أسبح
من طلعت لكيت باهر كاعد عالسرير و خال ايده ع جرحه تقربت يمه خليت أيدي ع ايده
يُسر: ها بيك شي؟ متوجع ؟
ابتسم و جر ايده
لزم أيدي و قربه من شفايفه بايس باطنها
باهر : ماكو شي لتخافين بس ضغطت عليها اليوم و ووجعتني
خليت ع خده
يُسر: دزيتلك علاجك بيد أمير شربته
باهر: اي شربته بس اعتقد انتهى معفول المسكن لأن انطوه و احنا بالمستشفى هالردت توجعني
يُسر: عفته رحت ابحوش بعلاقة العلاج
طلعت المسكن و شربته
و بعدين رحت طلعتله ملابس مريحة بدلتله
تمدد عالسرير و فتحلي ايده السليمة
يُسر: انتظرني يس امشط
هزلي راسه رحت عالسريع مشطت و نشفته
تمددت يمه ع ايده ظل يلعب بشعري
دفنت وجهي بصدره و حضنت خصره
ضحك خله خده ع راسي
باهر: بله كولي احبك
يُسر: نعسانة
باهر: زين بوسيني
يُسر: باجر عود
باهر: ليش باجر
رفعت راسي من صدره
يُسر: تخليني انام لو انزل يم عمتي ترى كلش مطفية
باهر: اريد احجي وياج مشتاقتلج
يُسر: الصبح نحجي الصبح
رجع راسي لصدره
باهر : يلا انطمري
ما جذبت خبر كبل رجعت نمت
كعدت الصبح ع باهر و هو يمشي ايده ع خدي
و مدري شنو يشوش بأذني
يُسر: شالازعاج باهر ح اشمرك من المحجر و الله
باهر : دكعددددي كافي نوم شوف بيش الساعة اريد اسولف وياج
باوعت عالساعة ستوها ح تصير بالسبعة
انتفضت
يُسر: ششعندي دوام مكعدني ب٧
باهر: غير اشتاقيتلج
تربعت عالسرير و كابلته خليت أيدي ع خدي
يُسر: احجي استاذنا أسمعك
حك مقدمة انفه
باهر: حقيقةً ما ااعرف منين ابدي، الكلام هواية
و غير قادر عالتعبير او إيصال فكرة مناسبة
لكن اتمنى تفهميني و تقدرين وضعي
يُسر: كلبت عيوني و اشرتله بيدي بمعنى كمل
باهر:ءءءءء شنو ردت اكول
ها تذكرت ست ليش فيثاغورس خله النظرية هاي المثلث كلها تربيع
صفنت بوجهه
يُسر: يا نظرية
باهر : هاي الوتر تربيع يساوي مدري شنو يقابله اثنينهم تربيع
يُسر: فركت وجهي باثنين اديه و باوعتله بغضب
باهر: جذب جذب مو هذا السؤال
سولفيلي شسويتي بغيبتي
يُسر: ما سويت بس نزلت نمت يم عمتي و قفلت الغرفة مصعدت لحد مااجيت أنتَ
تعال تعال لزمتك سولفلي شصار وياكم بهذاك اليوم
شلون تصابتوا
تربع مثلي و كابلني
باهر : ي يمحفوظة السلامة و البكَه اسولفلج
هاي من طلعنا وكفت افتح سيارتي
فاتت سيارة بيها واحد ملثم بيشماغ
أسلام انتبه عليه اجه عود يسحبني حتى نصير بسد السيارة هذاك سبقه و أطلق علينا النار و بحكم أسلام كبالي اكل طلقة بجتفه و لو باقي بمكانه واكَف جان اجت بكَلبه و اني شوفت عينج
تصاوبت بيدي همه من شافو اسلام دمه غركه
شخطوا سيارتهم عالسريع و راحو
و الباقي شهدتي
يُسر: و الشرطة شكَالوا
باهر: ما عرفوهم تسجلت القضية ضد مجهول
يُسر: و انتَ شتكَول هو صدكَ مجهول لو تعرفه
باهر: طبعاً اعرفه ترى هو نفسه الي يهددنا كال بأخر مرة اكتلك و راد ينفذ تهديده بس فشل
يُسر: ما لاحظت شي غريب بالقصة؟
باهر: شنو الغريب
يُسر: جايين يكتلون أسلام مو يكتلونك
باهر: اي انتبهت لهاي السالفة
يُسر: اعتقد عبالهم انتَ
باهر: شلون استنج عقلج هالشي
يُسر: تذكر من رحتوا تسألون عالرجال نزل أسلام هو يستفسر عنه فأكيد عبالهم أنتَ لهذا اجو ينهون حياته
باوع بعيوني و بلع ريكَه
باهر: يعني خلص دوري عدهم ، جانوا ناوين يصفوني
يُسر: صفوك باهر بس ربك نقذك بمعجزة من عنده
فرك ما بين عيونه
باهر: ما راح نخلص من هالسالفة احنا
و ياريت نعرف شنو ذنبنا او شنو مسوين جان كَلت نتساهل بس منعرف شي
يُسر: ح نعرف ماكو شي يبقى مستور
لابد يجي وقته و يبان كلشي
باهر : خاف لوكتها اكون خسرت واحد منكم او نمت بالتراب
تقربت يمه حضنت اديه كفوف ايده
يُسر:اسممم الله خوش تفاوول علينا من الصبح
كوم كوم نتريك احسن من هالحجي هذا
باهر: شنتريك ستت ترى ساعتنا عطلانة
هسه يمكن عبر الظهر
دكيت ع خدودي
يُسر: يبوووو العباس عليك
باهر: مجذب عليج اطلعي نشوف
كمنا غسلنا و نزلنا جوه
سمعت صوت خالاته كاعدات بالاستقبال
باوعت عالساعة لكيتها ب٣
باهر: فوتي نسلم عيب منهم
لزم أيدي و دخلنا سلمنا عليهن و أخذنا ركن اني وياه
سطرنا سطر بالحجي اخر شي اندارت عليه خالته الصغيرة
افتكار: شنو عيني ما بين عدكم شي
باوعتلها بأستفهام
يُسر: شيبين ؟؟
افتكار :طفل طفل ما بين عدكم
رد عليها باهر
باهر: لا ممفكرين بالطفل حالياً بعد وقت
دخل سنان سلم عليهن و كعد كبالي يخزر بيه
رفعتله حاجبي و سحبت عيني منه
ظلوا شوي و طلعوا
سحب أيدي باهر و طلعنا للحديقة كعدنا
التفت ناحيتي :
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
