أنتَ تنقصني
^______^
نِظام ظّالم جائِر
جلاوّزتهُ تُهيمن ع السُلطّة
بألاروحِ تُتاجِر
هّمهمْ مكانتِهم
مُوتى الضمائرْ
ظنّوا أن بأيدِيهم المصائِر
و نسوا القول :
{ع الباغي تدور الدوائر}
#ميرال
__________^^^^^^^^^^^^^^^___________
باهر:
عفته سنان يحجي
نزلت لأمي المتربعة تلطم و شاكَة ثوبها
ركضت عليها الزم اديها
باهر: شكو شكو شصاير شبيها امي
أنتصار: وللللللك يمةةةةة اخذوا خاااالك اخذوه
باهر: بس ع كيفج خليني افهم همه منو خذوه
سنان : الأمن شايلين خالي من نص بيته هو عائلته قبل ساعة هسه خابرنا جيرانهم كَال الحكَوهم
كَمت من يم أمي
باهر: خابر أسلام كَله يروح قبلي نتلاكَه بالامن
و وراها خابر خالي جميل خلي يأمن عائلته و يطلع من الحبانية
و هاااا اهم شي يضم بناته
سنان: ي صار هسه اتصل
عفته و صعدت جاي ابدل و دخل عليه يفرك بأديه
باوعت عليه و اني ادكَم قميصي
باهر: ها سنان شبيك
سنان: مودة
تقربت عليه لزمته من كتفه
باهر: لتخاف ما بيهه شي ترى قبل ساعة اخذوهم
هسه اروح و نفتهم شبيهم شنو القضية صلِ ع محمد
رفع عينه عليه متروسة دمع
سنان: باهر سوي كلشي تكَدر عليه ماريدها تبات هناك خاف يصيبها سوء
حضنته
باهر: لا لا اطلعها اليوم اذا الله راد
يلا اني رايح لتأخرني
و انتَ سوي الكَتلك عليه و ديربالك ع الاهل هنا بأمانتك خاف نظل هناك بليل
يلا اخوي شد حيلك
ماكو شي ان شاءالله
هز راسه عفته و نزلت جوه اريد اطلع لحكَتني يُسر
يُسر: ها باهر
باهر: رايح اني اشوف القضية انتبهوا لنفسكم
يُسر: محروس بالله
ركبت سيارتي و طلعت للامن
لكَيت أسلام واكَف هناك منتظرني
دخلنا سوى للضابط
باهر: السلام عليكم وياك المحامي صادق باهر و المحامي أسلام أمين
الضابط : و عليكم السلام تفضلوا
باهر: سيدي تم اقتياد عائلة خالي بظون معرفة اسباب
الضابط : اسم خالك
باهر: حميد منعم جابر ال.....
الضابط : جده الثلاثي جابر ؟
باهر: نعم سيدي
الضابط: خالك حميد منعم جبير ال...( نفس العشيرة) تم اقتياده كونه معارض للدولة و متهم بالتواطؤ مع حزب الدعوة
باهر،: الاسم خاطئ خالي ما عنده هيج علاقات و هاي جنسيته و باقي المستمسكات تكَدر تتأكد
اخذهم الضابط يتأكد منهم و يدقق و اتصل اكثر من اتصال بعد ساعة و شوي
الضابط: اشتباه بالاسماء مو خالك المطلوب
انتظر ساعة و نخلي سبيلهم بس نكمل إلاجراءات
أسلام : سيدي بس نتطمن عليهم و ع وضعهم
الضابط: اي اكيد هسه ابعث وراهم خالك و إبنه هنا
بس النساء فصلوهم عن الرجال
باهر: وين اخذوهم
الضابط : لسجن النساء ( الرشاد )
كتبلي إخلاء سبيل و اخذتها و انطلقت لسجن النساء
التقيت ويه الضابط و حجيت وياه قدمت أوراقي
شوي و جابوا مودة لازمتها السجانة
حالتها حالة ترجف مثل سعفة و الدموع عشرة عشرة ع وجناتها
هي شافتني ذبت روحها بحضني لازمة قميصي كل قوتها
مودة: طلعني مناه باهر طلعني الله يخليك
باهر: اهدي مودة ماكو شي هسه نطلع منا هاي خلصنا بس نكتب التقرير
مودة: ابقى يمك ماارجع لهناك
باهر: عادي تبقى هنا
الضابط : ي عادي هي بأعتبار اخلينا سبيلها
كَعدت يمي و هي لازمتني ما هدت أيدي طول ما احنا بالمركز
كملنا إلاجراءات و طلعنا من المركز
اخذتها لبيتنا شفت سيارة أسلام واصلة قبلي
ويه نزللتنا طلع سنان يجر خرفان اثنين
باهر: هاي شنوو عمي طلعت المضمومات تحت الكاشية
ابتسم و دار وجهه لمودة
سنان : تقربي اذبحه ع رجلج
تقربت منه و هو ذبحه و دمر رجليها بالدم
وكَف ع حيله تنهد و تقدم بأس راسها
سنان: الف الحمد لله ع سلامتج وكَفتي كَلبي و الحسين كَلت خسرتها للأبد وين الكَيها بعد
مودة: عبالي مراح اطلع مناك ، السجانة كَالت محد يكَدر يوصل لهنا و يسأل عن واحد داخل بتهمة معارضة النظام ينهون عمره
لزم وجهها
سنان: وجج شتحجين افديج بعمري و اطلعج مستحيل اعوفج هناك
قاطعتهم و اني اسحبها منه
باهر: كافي ادبسز احترم وجودي ترى واكَف يمك بعدني و تتحارش بنت خالي كَدامي
لو رايح شنو تسوي
سنان: دخلها جوى هبط سكرها
اجيب علاجها و اجي
راح للصيدلية و احنا دخلنا جوه
تلكَتنا امي بجكليت و الهلاهل
و خالي سحب مودة يحضن بيها و يسألها
شوي و رجع سنان بيده العلاج انطاه لمودة
و كَعدنا كلنا نسولف ع الصار
أثناء الحديث
لاحظت سنان يسترق النظر و يباوع لمودة و يتحسر
عشيناهم و بقينا كَاعدين
اصريت عليهم يبقون يمنا الليلة
كَامت يُسر و اخذت مودة للغرفة مالتنا ع مود ترتاح
وراها بشوي طشينا اني بقيت كَاعد بالصالة الفوكَ ادقق أوراق
ساعتين و شفت سنان مزروع كَدامي
باهر: ها؟
سنان : اريد اشوف مودة
لزمت جتفه و جريته و اني إهمسله بعصبية
باهر: بنص الليل تشوفها
سنان: بس اتطمن عليها ما تثق بيه؟
باهر : البنية نايمة روح هسه
سنان: باهر
دفعته للدرج
سنان : وعد اخليك الفجر تحاجيها خلي البنية هسه ترتاح
نزل و رجعت اني مديت نفسي ع القنفة ورى فترة غطيت بالنوم
كَعدت ع صوت يُسر
يُسر : صباح الخير حبيبي يلا غسل و تعال نتريك
باهر: مودة؟
يُسر: نامت بس كل شوي تفز
هسه نزلت جوه و منتظريك
هزيت راسي و رحت يمهم تريكَنا
كملنا صاحلي خالي اني و سنان للأستقبال
كَعدنا و فاتت مودة كَعدت يم ابوها
حضنها
حميد: هسه بابا احجيلنا الصار هناك
هزت راسها و بدت تحجي
مودة : من فصلونا عنك انتَ و بهاء اخذونا للرشاد لقاووش النساء
ورى نص ساعة كَالوا الرائد .... داز عليكم
دخلتنا السجانة عليه و انهال غلط و فشار
الرائد: انتَم مرتزقة تردون تخربون نظام البلد و تقضون عالدولة ، شلون تعارضون السيد الرئيس ادام ظله و رعاه
افصلوهن رجعوا الأم للقاووش
مودة: اخذوا امي رجعوها و هي تصيح عليه
تقرب و لزم شعري بيده يفتل بي
الرائد : صح م كلش حلوة انتِ بس حرامات تموتين
تقرب اكثر و اني لزكَت بالحايط و نزلت تكورت ع نفسي
نزل لمستوايه
الرائد: يلا هذا ما يمنع اخذج يمي شكم يوم لبين ما يصدر حكم اعدامج
دفعته و اني اصيح بوجهه
أبتعد عني و هو يضحك
صاح عالامن البرى و دخلت السجانة
الرائد : خلوها بزنزانة منفردة
اخذتني تريد تطلعني رجع صاح عليها
الرائد: خليها بأخر وحدة
البعيدة عن النظر
مودة : جانت نظرته قذرة مبين إنسان منحط
يقطر نذالة خفت منه هواي
خفت فعلاً ينفرد بيه و ماكو شخص يحميني
توسلت بالسجانة ما تخليني بالزنزانة الكَال عليها
و هي مثل الانكسر خاطرها عليه خلتني بوحدة ثانية
ورى تقريب ساعة سمعت هذاك الضابط يصيح
تعالوا شيلوها مناه صارت ضجة بالممر كتمت صوت شهكَاتي بديه و لزكَت نفسي بالزاوية
عم الهدوء و انفتح الباب
وكَفت كَبالي السجانة
السجانة : نفذتي ، جان متي انتِ بدالها
جاوبتها من بين دموعي
مودة: شنو ، منو و ليش ماتت
السجانة : سجينة معارضة اعتدى عليها و ماتت جوه ايده
النية جانت انتِ بس مكتوبلج عمر
انتبهي لنفسك و لتطلعين صوت ديدور عليج
اني ح اطلع للمطبخ ع مود ميلكَاني ويضيع ذكرج
مودة: شكراً الج مااعرف شلون ارد جميلج هذا
هزت راسها
عافتني و طلعت
شوي و صاحوني كَالوا اخلوا سبيلج و محاميج موجود عند الضابط
ما صدكَت عبالي لعبة منه
لحد ما سألوني و اخذوني للمكتب
من شفت باهر كَاعد ردلي النفس و أمنتت ح يطلعني بس بقيت خايفة من الضابط
باهر: هو نفسه الجان موجود بالمكتب
مسحت دموعي
مودة : هو نفسه الكَاعد وياك
باهر: ابن الكلب هذا عليه أكثر من تهمة فساد ركَبته بيدي
الا اندمه
حميد : شتندم منه يا خالي خلي نستر ع ارواحنا
ما صدكَنا طلعنا و السالفة فضت هذا يلوفنا لوف
وكَفت و اني اكسر الصينية الكَبالي
باهر: و اعوفه و هو يريد يتعدى ع عرضي
سنان: دواه يمي سهلة
عوفه الي
قاطع حديثنا دكَة الباب
تركنا سنان و كَام يفتحه
يُسر من شافت سنان طلع و إحنا سكتنا
دخلت تشيل القزاز و تنظف المكان
فأجانه سنان و هو يصيح
سنان: اخذوا طريق اجانا خطار
_______^^^^^^^___^^^^^^^^______
قراءة ممتعة
#ميرال
شنو توقعاتكم للجاي؟
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
